الكلام الحــــــــــــــــــــــــلو ولا التصرفات ؟!

[miss.unique]

قوة بناااااااااااااااااااات

شلونكم

في موضوع حبيت اطرحه و اشوف ارائكم ..

هل تشوفين ان الكلام الحلو ( مهم ) في الزواج ؟
مثل احبج حياتي يا عمري ... الخ

ولا تشوفين ان التصرفات اهي الوحيدة الكافية والدليل عالحب والخوف والاهتمام

و زوجج كرجل خليجي شلونه وياج من هالناحية ... يعني يفضل الكلام ولا التصرفات اكثر



كل وحده خل تقولنا رايها و تجربتها

 

[شادن33]

الكلااام الحلو وايد له تاثير على زوجي يونسه
يعني قبل لاتبدين هذرتج قولي حياااتي ترى صار جي وجي وجي لوحتى مصيبه صارت>>>>>> يسكت ويطخ ههههه
وغير طلباتج سواء مسجات قولي عمررري هات وكل شي ايييج رسم الخدمه
يعني الكلام سهل
والتصرفات بعد مهمه لانها تعبر عن رزانتج وتفكيرج
يعني كله ايكمل بعضه

 

[ام كوثر2007]

الريال يحب الكلام الحلو ويحب يسمعه من زوجته

والمرا تحب الكلام الحلو لكن ما تسمعه الا نادر

وهالشي طبيعي لانه الريال افعااال مو اقوال

يحب انه يتصرف تصرف يحسسسج انه يحبج ولا يفضل سالفه قلبي حياتي عمري اربع وعشرين ساعه

يحسها فيلم مصري

عمري المشاعر بالنسبه لي ما تترجم عن طريق الكلام انا اشوف انه الفعل مفعووله اقوي من الكلمه

 

[الأميرة جوري]

كل الجنسين يحبون الكلام والتصرف الحلو بس الاغلب يطلع الكلام والتصرف الحلومن المره اكثر ....والريال الخليجي بالتصرف ونااااااااادر كلام

 

[قلبـــهـ]

البنت طبيعي يهمها الكلام وايد ، صج ان الافعال اهي اللي تقوم عليها العلاقة وتبين فعلا قدر الشخص ، بس ربي خلقنا جذي !
وعادي تلقين وايد مشاكل تصير وتكبر من كلمة مانقالت او كلمة انقالت ؟ يعني قدر الكلمة أبد مو هين ..

ومثل ما قالت شادن ، ممكن من كلمة يطخ عن سالفة
والبنت ما تلقى هالكلمة فتقعد تكبر وتكبر وتكبر بالمشكلة لول

 

[al-musk]

الأثنين يكملون بعض ومهمين
في نوعية قول بلا فعل وفي نوعية فعل وقول
وفي نوعية فعل وتصرفاتها تشهد على معزتها بس ماتعرف تصفصف حجي او تعبر

وطبعا حلاته قول وفعل

 

[لمى الهاجري]

الكلام والافعال يعني خلج وسط وتجديد في الكلام الحلو

 

[نور ونوير]

الكلام الحلوو واايد مهم خصوصا للزوج والرجل الخليجي يعبر عن حبه بأفعاله

 

[Beyoncee]

بالنسبه للمره عادي تقول الكلام الحلو
الريال يهمني موقفه يبين فيه الحب اقوي من الكلام
يعنى مو دوم بيسمعج كلام غزل بس من التصرفات والمواقف راح تفهمين هالشي

 

[برنسيسه عسل]

اتمنى اشوف منه تصرفات
الكلام تعطير جو لكن في الاخير لايودي ولا يجيب

 

[نونو العصله]

الكلمه و الابتسامه تجيب راسه

اذا ريلج قالج كلام حلو مو يطخ راسه ؟
نفس الشي هو

 

[انصاريه قمره]

ما نسمع كلام حلووو الا لي سواا مصيبه
وبالنسبه حق الافعال الظليمه شينه له مواقف معاي

 

[am faisal]

احس الرجال يتاثر بالكلام وهذا التاثير تلمسينة عندما يهب بوجهك وبلا سبب عندها تعرفين ان هذا الرجل مكوك عليك بفعل فاعل وطبعا الفاعل معروف لديك لانة ما يغشمر

 

[Pinky -cat]

بالنسبة لي اقارن كل شى بنفسي يعني انا احب الكلام الحلو فا طبيعي اهوا راح يحبه ويستانس عليه واحب منه التصرفات

الزينة اللى تدل على الحب والاهتمام فا بطبيعه الحال اهوا متوقع مني هالتصرف وهالكلام فا اعطيه اياه ومثل ما يقولون

عامل الناس مثل ما تحب ان يعاملونك .

 

[اميره1980]

الاثنين مهمين شالمانع؟
حتى لو مو على طول يقول كلام حلو بس بين فترة و فترة يجدد الحياة الزوجية و يعطيها انتعاش و فرفشة

 

[om.googi]

الأفعال كافية ,,
وانا من النوع اللي ماحب أسمع كلام الحب لأن ما يأثر فيني ولا له داعي ولا يقنعني واحس وراه مصلحة ههههه ..
حتى ريلي مستغرب مني يقول أول مرة اشوف وحدة جذي .. ​

 

[femmi]

الكلمه الطيبه لها دور كبير حتى الاسلام موصي عليها باحاديث الرسول عليه الصلاة والسلام

والكلام الحلو ماينثبت الا بالتصرفات يعني كلها مهمه في الحياه بشكل عام مو بس الحياه الزوجيه

 

[Patcholli]

الاثنين بس براي الفعل ينقنعني اكثر من الكلام
كل واحد يقدر يتكلم ويقول حجي حلو حتى لو مو من قلبه
لكن اللي يسوي المستحيل عشاني اهني فعلا راح يثبتلي انه يحبني بدون مايتكلم