الككاو للحامل .. مفيد والا مضر ؟

[خاطر مذبوح]

السلام عليكم

بنات انا لمه اسوي سيرج يطلع لي ان الككاو مفيد للحامل حسب الدراسات اللي سووها يبعد القلق و يخلي البيبي متفائل و مبتسم بس الكل يقول بعدي عن الككاو لانه فيه كافيين و مادري شنو من صوب ثاني يقولولي مضر .. انا الككاو على طول جدامي ما اقدر اقاومه شسوي اكل والا لا

انا بالشهور الاولى

 

[miss_7sawiya]

وي انتي نفس حالتي من حملت وانا قااعدة وحاطة الكاكاوات قبالي قاعدة واكل >> واهم شي اللبن يمي لاني ما اشرب حليب ولا احبه

 

[انجبر قلبي]

^
^
اي والله انا بعد صارلي جم يوم بخاطري لبن عيزانين انييب من الجمعيه
نفسي ما احب الحليب بس عشان الكالسيوم تقدرين تعوضين بالبقدونس او الروب واللبن
سبحان الله البقدووونس ترا غني بالكالسيوم انا مرات ايمع لي كمية و احطه بماعون اكله جذي لووول
لاني ما اشرب حليب

والككاو ما ادري ان كان مضر او لا بس ما اتوقع

 

[آهات الليل]

يوم كنت حامل اكل من هالكاكاو ولا اشبع ليما لاعت جبدي ماصارلي شي لاتخلون
شي بخاطركم اكلوا بالمعقول

 

[انجبر قلبي]

آهات الليل ولدج أو بنتج اللي كنتي تاكلين وايد ككاو بحملهم صج طلعوا يضحكون وايد ؟ ههههه

 

[dantella]

الدراسه كانت عن الكاكاو الاسود الي نسبته تكون 75% منه كاكاو ويكون مر وحلاه خفيف هذا المفيد
اما الكاكاوات العاديه الي اسمها شوكولاته وخالطين فيها زبده وحليب وهالسوالف فهذي مايصير نكثر منها لانها كلها سكر وسعرات حراريه وترفع السكر بالدم
الكاكاو الاسود اهو الي يخلي الام والبيبي متفائلين

 

[الريشة]

أول 3 شهور من الحمل حاولي إنك تبتعدين عن الككاو كثر ما تقدرين لأنه يحتوي على كافيين مثل اللي موجود بالقهوة و الشاي.
أما باجي شهور الحمل عادي اكلي بس باعتدال

 

[مرام1]

عليج باعافية مفيد الحمل

 

[ToOoT"Q8]

اتوقع مامنه ضرر
بس لاتكثرين

 

[أم عبود 2011]

رد : الككاو للحامل .. مفيد والا مضر ؟

أظهرت آخر الدراسات فايدة كبيرة للكاكاو إذا كلته الحامل بانتظام وهو زيادة نسبة الذكاء لدى الأجنة
يعني البيبي اللي أمه كانت تاكل كاكاو خلال حملها فيه تكون نسبة ذكاءه مرتفعة عن البيبي اللي أمه ما كلت كاكاو بفترة الحمل وفعلا هالشي لاحظته بوايد أطفال والعلم عند الله

 

[opera]

رد : الككاو للحامل .. مفيد والا مضر ؟

انا احب الكاكاو وااااااااايد


بس بحملي الاول والحين الثاني كله يصير فيني حارج من اكل قطعه صغيره :\


عشان جذي اشتهي الكاكاو بس ما اقدر اكل

 

[الأميرة جوري]

عادي كنت اكله ويقولون مفيد بس انتى لاتكثرين علشان ماينفخ البيبي وايد

 

[ام دليار]

رد : الككاو للحامل .. مفيد والا مضر ؟

مافي ضرر بس مايطلع البيبي أسودههههههههه
لازم الأكل يكون متوازن بكل شي

 

[][°•سـζـآيب•°][]

رد : الككاو للحامل .. مفيد والا مضر ؟

انشالله مافي الا العافيه

بس لا تكثرين عشان السكـــر ..~

 

[om deaj]

كل شي اذا زاد عن حده ينقلب ضده

الكاكاو عادي بكميات معقولة
بس لا تكثرين وخصوصا بالاشهرالاخيرة
يكبر الياهل ويمتنه وهالشي يتعبج ويتعبه بالولادة

 

[ATOMA87]

رد : الككاو للحامل .. مفيد والا مضر ؟

wallah ana bmw3dy el25eer dktorty galtly la takleen kkaw wla fast food , bs b9ra7a ma s2lt'ha leish l2ny 9ayra tloo3 chbdi mn esokareyat :\ w nadr ma 2akl shay chthi ​

 

[ATOMA87]

رد : الككاو للحامل .. مفيد والا مضر ؟

ana knt bsh'hr erab3 wgt'ha

 

[awsha]

انا جذي ادمااااان الكاكاو لازم اكله تنسيت فييه بشكل موطبيعي بس شسوي معنه قالولي لاتكثرين موزين ..

 

[شووقة]

انا مدمنة كاكاو وكل حملة لازم اكل كاكاو والحمدالله ماصار شي
بس الخوف منه ان يسبب سكري

 

[" ام حمود "]

لاا ماعتقد مضر لانه جم مره اقول حق دكتوره تقولي مو مضر كلش مضر حق اللي عندهم سكر بالحمل والحمدالله مافيني ..
بس دكتوره قالت لي وخري عنه الحين لانه وزن ياهل صاير بطه مااشاءالله خخخخخخخخخ