الكسل والخمول دمر حياتي كلها :(

[jojo222]

السلام عليكم


مادري شلون ابدا وشنو اقول بس مالي غيركم ماعندي خوات يفهموني ولاعندي احد يوقف معاي



قلت مالي غيركم.....


انااا من 4 سنين مرضت وقالوا ان هالمرض من عين وحسد المهم من ذاك اليوم واناا مهمله دراستي صحتي شكلي كل شي حتي ب ديني استغفرالله بس ماعمري تركت الصلاه مستحيل


يمكن اتاخر عن الوقت ومرات اصلي بسرعه


اناا ماكنت جذي ولاكانت هذي حياتي جاني اكتئاب قوي مرات ادعي ع نفسي ودي اموت



صرت بس ارسب وارسب واناا اللي بحياتي كلها مااخذت دورثاني صرت اتعذر بالعين والحسد والمرض واحط لنفسي اعذار وان سالني احد هذا عذري وحتى رفيجاتي بيتخرجون من الجامعه هالسنه


وانااا للحين كل سنه اجيب مدرسين واقط الف دينار وفوق واالله العظيم افهم مع المدرس واحل معاه


اذا راح مااراجع ولااحفظ فيني خمول وكسل موطبيعي متبلد عندي الاحساس لابعد حد


احط الكتاب قبالي واسرح بس


والله والله كرهت نفسي كل سنه اقول هالسنه غير

بس اطلعوا كلهم مثل بعض ولاتغيرت هذي انااا


قلت لرفيجاتي ابيهم يشدون علي عشان اتغير صاروا يجرحوني بالكلام عشان احس وادرس


قسم بالله ماادرس بس ابجي:eh_s(2): والله تعبت وكرهت عمري حيل


كل يوم اقول باجر غير وبدرس


اقعد اشغل نفسي بالفون واذا سكرته سرحت



ادري محد نافعني غير دراستي وشهادتي


حتي اخذت سدر اتسبح فيه اتسبحت اربع ايام وقطعته القران نفس الشي فيني كسسسل يكفي بلد

حتي مرات مااكل مالي خلق


اناا موجذي قبل ليش تغيرت


وشلون ارد مثل قبل انصحوني ابي احد يدلني ع الطريق الصح ادري كتبت واييد بس والله تعبت


ابي اصلي مثل قبل واقوي صلتي بربي

ابي انجح واتخرج نفس العالم راح من عمري وايد واناا بس قاعده



:eh_s(2):

 

[اصيله بنت البدو]

داوو مرضاكم بالصدقة تصدقي واقبلي على ربج وناجيه بثلث الليل ابكي وتضرعي والحي بالدعاء بالسجود
واكثري من قول استغفر الله الحي القيوم واتوب اليه ميه مره وان شاء الله ابشري بفرج ربي ثقي
بعد هذا كل في يسر وفيي فرج والله يوفقج ويسعدج

 

[عسل حدي]

اوافق الاخت اصيله بنت البدو

 

[عادت ذكرياتي]

شغلي سورة البقرة والقرآن خليج مع ذكر الله وحاولي إنتي بنفسج تقرئين القرآن وتنفثين بماي عندج وهكذا بكل مرة وخليج على أذكار الصباح والمساء وخلي ذكر الله على لسانج ذكره سبحانه دواء حاسة فيج بعد عمري


ربي يوفقج حبيبتي وعليج بالدعاء ^-^

 

[!! عشقت اسمك !!]

نفسي بضبظ


££ مع عادت ذكريات و أصيله بنت البدو

 

[كتكوته نورة]

وسواس حبيبتي

اقري قران وتعوذي من إبليس وأبدي من يديد

 

[noor salam]

بسم الله الرحمن الرحيم
حبيبتي الرسول صلى الله عليه و سلم يدعو و يرقي نفسه اللهم اني اعوذ بك من الكسل

ابدئي يومك بذكر الله و الصلاة على رسول الله و ضعي الهدف اما عينيك و استعيني باللع السميع البصير و كل ما حسيتي بكسل تعوذي من ابليس و اعلمي انك في هذا الوقت في حرب شرسه مع ابليس فلذلك يجب ان تضعي في بالك ان الانتصار لك انت و ليس له هو و ذلك بالتحصن بذكر الله تعالى و طرد اي افكار سلبية توهمك بانك كسوله او قليلة الحيلة او ضعيفة فالله سبحانه و تعالى عطانا كل الاسلحة التي نستطيع بها العيش في سلام

انصحك بالرياضة او الاشتراك في نادي رياضي و الاختلاط مع الصحبة الصالحةو لا تتحسري على الجامعة فهي امامك و الطريق مفتوح لك فانت في البداية و انت لازلت في المقدمة وفقك الله حبيبتي

 

[مدّهره !]

الله يشااافيك بس لااتؤمنين إيماان قوي إنك خلاص محسوده وفيك عين تقومين مااتتحركين أبد !!!

إقري الرقيه وإسمعي من اليوتيوب رقيه ووإقري سورة البقره والأذكاار

قااومي المرض والتبلد ....~

 

[هدوء بحر]

الله يشفيج
فيه موضوع اهنيه بالقسم توي قاريته طبقيه مفيد لج
اهو عن الاستغفارار

 

[هدوء بحر]

وهذا رابط الموضوع
http://www.q8yat.com/t715940.html

 

[Miss-pinkq8]

البنات ماقصروا

 

[عازفة الريم]

اقرى اية البقره 30 يوم كامله مع الاستغفار كل يوم وبعدها شوفي الدنيا راح تنفتح لج ابواب واايد

 

[ضــمــاد]

بالعين والحسد

العيـن والحسد صاروا شماعة لناس يعلقون عليها اخفاقاتهم


أنتي شاطره .. حرام تاخذين هالعذر وتخلينه حجه لج ..


انا مؤمنه بالعين والحسد .. وشايفه تأثيرهم على ناس أقرب من روحي لي


لكن ما ستسلموا .. محافظين على الاذكار والصلاة بوقتها وقراءة القران


فأنتي ياقلبي .. توكلي على الله وتذكري :


* ومن يتوكل على الله فهو حسبه


* ومن يتوكل على الله يرزقه من حيث لا يحتسب

* بعض السلف قالوا :

جَعَلَ الله تعالى لكلِّ عمل جزاء من جنسه وجَعَل جزاء التوكل عليه نفس كفايته لعبده فقال(وَمَن يَتَوَكَّل عَلىَ اللهِ فَهُوَ حْسُبُه) ولم يقل نؤته كذا وكذا من الأجر،كما قال في الأعمال ،بل جعل نفسَه سبحانه كافيً عبدِه المتوكَّلِ عليه وحسبه وواقيه فلو توكَّل العبد على الله تعالى حقَّ نوكُّله و كادته السموات والأرض ومَن فيهنَّ لجعَلَ له مخرجًا من ذلك وكفاه ونَصَره.

وأنتي مؤمنه ( قل لن يصيبنا الا ماكتب الله لنا )

فـ نصيحتي انج تتوكلين على الله + تحصنين نفسج بالاذكار وقراءة او سماع سورة البقره

ع الاقل لايمر عليج 3 أيام الا وأنتي سامعتها او قاريتها + عليج بالحجامه لانها تنفع للمريض و المحسود والمعيون

ولاشياء وايد .. ويكفي انه الرسول عليه الصلاة والسلام وصى فيها


شوفي هذي الاخت : أم عمران عضوه بالمنتدى هذا بروفايلها شوفيه وان شاء الله راح تعرفين اكثر عن الحجامه


وفايدتها للعين والحسد الخ ..​

http://www.q8yat.com/search.php?searchid=12070620

 

[ميـريام]

مره باليوتيوب شفت حلقه حق الدكتور اوز يتكلم عن مرض متلازمة الكسل عباره عن فايروس يصيب الجسم يخليه كسول
وقابل امرأه تعاني من هالمرض

دوري باليوتيوب وتحصلينه انشالله

 

[شقآوه أنثى]

لا اله الا الله
لا حول ولا قوه الا بالله
استغفر الله العظيم واتوب اليه
حسبي الله ونعم الوكيل

اختي عليج باذكار الصبآح والمسآء والاستغفار
واقري سوره البقره كل يوم واذا ما قريتها يوم شغليها

والتزمي بصلآتج

ربي يهون عليج يارب ويصلحج ويوفقج

 

[غصون ق]

اب
اب

 

[lferj]

قاومى نفسج
اقرى قران سورة البقرة او سمعيها
اقرى اذكار الصباح والمساء

 

[ظبية بوظبي]

شيكي على الهرمونات يمكن عندج خمول فالغده
وبعد سوي تحليل يشوفون هل عندج نقص في فيتامينات معينه

وشوفي وراقبي كل شي تسوينه اكلج ,الاضاءه ,غرفتج, صدمه او مشكله نفسيه مريتي فيها ,هل حد عندج فالبيت تاعبج
المهم سوي صوره جويه واكيد بتلقين خيوط بتبدين على اساسها تعرفين سبب المشكله وبعده تحلينها بالتدريج

بس اتوقع اكثر شي عامل صحي ونفسي احس ما عندج هدف تسعين له بشكل جدي ويائسه
شكلج عندج اكتاب تراه ياثر في كل شي
لازم تتعالجين لان الوضع وصل لمراحل متاخره والله العالم ليوديج لابعد
بعيد الشر عنج
زين اقلها حاليا خذيلج اوميقا 3 ^_* ترى انا اسميه بروزاك خفي

 

[ظبية بوظبي]

دورت عالفيديو شكرا للاخت الي دلتنا عليه لان انا حتى اعاني من تعب وارهاق عاام حتى لو اني قاعده ما اتحرك
بس لما شفت الفيديو تطمنت لان الاعراض الي ذكروها قويه
الله يبعد عنا الشر ..
وانا ترى هرموناتي مب مستقره وعندي نقص في كذا فيتامين

‫متلازمة الاجهاد المزمن دكتور أوز chronic fatigue syndrome Dr Oz.mp4‬‎ - YouTube

 

[ظبية بوظبي]

وهذا فيديو ثاني يقول ان متلازمه التعب المزمن ممكن انه يتعالج
واصلا ان شاء الله ما يكون فيج ولا في احد

‫متلازمة التعب المزمن‬‎ - YouTube