- إنضم
- 19 أبريل 2011
- المشاركات
- 582
- مستوى التفاعل
- 0
- النقاط
- 0
مرحبا بنات
حبيت اسوي لكم موضوع بسيط من خلاااصه تجاااربي البسيطه
انا مااحورف بعمري واجد بس في كذا شغله بصراحه جرببتها وشفت نتيييجه رووعه
اول شي ماسك للشعر
من اول ماحطيته وغسلت شعري شفت لمممعه مو طبيعيه ونعووومه تجنن حسييت شعري يبرق
ماشالله
مكونات الماسك
علبه زبادي او اقل على حسب طول شعرك ومعاها ملعقه صغيره عسل وملعقتين زيت جوز هند او نارجيل يسمونه وملعقه زيت لوز حلو
خلطيها وحطيها على شعرك ساعتين
وعقب غسليه
انا احطه مرتين او مره بالاسبوع على حسب
وماسك للوجه بددووون مبالغه بنات حسيت لمعه وصحه ببشرتي من اول ماغسلته
واحلى مافيه انه مافي خرابيط واجد
عباره عن قشطه فرش مسحتها على وجهي وخليتها نص ساعه
وعقب غسلتها ورشيت ماي ورد
بس على فكره ينفع للبشره الجافه والعاديه
الدهنيييه يرحم امكم لاااااا
انا بشرتي صافيه ومافيني حبوب ماشالله بس بس احب ارطبها لان مع الشتا تصير جافه
والجسم انا ماشيه على نظام بسيط بس حق ترطيب ونعومه
ادهن جسمي بزيت لووز قبل السبوح بساعه
واغسل بصابون مغربي واسوي سكراب عباره عن زيت زيتون وسكر وعصير نص ليموونه
مووو طبيعي هالسكراااب يصير جسمي جسم بيبي عقبه خصوصا حق المناطق تكون خشنه شوي مثل اعلى الفخوذ اصير زبددده باختصار انصحكم فيه
وعقب الشاور على طول احط بيبي اوييل او جل جونسون البرتقالي
ويديني استعمل لها كريم فازلين فيتامين اي خييال يعتني بالظافر ومايخليها تتكسر
وفي شغله للي يعانون من تشقق الشفايف انا كنت اعااااني من هالشي سنيييين والله سنين
وكنت احسب من قله الماي او فيتامين سي بس مافي فايده مهما اشرب ومهما احط مرطبات من كل الماركات مافادني
بس انصحكم تحطون زيت زيتون داخل فتحه السر
ادري بتستغربون انا بعد مثلكم اول ماقريت ماصدقت لين جربت وحده كانت منزله موضوع بالمنتدى هنا ناسيه اسمها بس والله ادعي لها
من قللللب سحررررر شفايفي صارت مثل البيبي رطبه دايم ومااعرف شي اسمه تشقق وورديه الحمدلله جربووه وشوفو بنفسكم
ونصيحه بنات لا تكثرون كريم اساس وتهتلكون بشرتكم اهتمو فيها وخلوه للمناسبات انا تمر شهور مااحطه بس اكتفي بالمرطب والبلاشر والكحل والماسكرا والروج
اذا بشرتكم زينه ومافيها عيووب لا تحطوون اهتمو بالترطيييب وبس
طبعا اختاري المرطب على حسب نوع بشرتك ويكون طبي ومن ماركه زييينه
انصحكم بفيتشي
وبسسس
اتمنى موضوعي يفيدكم وترى والله ماكتبت شي الا انا مجربته بنفسي
ابيكم تدعوون لي بالتوفيق والسعاااده ويحقق اللي اتمنااااه
