الكامينوموتو تعاااااااااااالو

[فراشة الرغد]

بنات الي جربت هذا المنتج الياباني
صج يطول الشعر 6سم في الشهر؟
وصج ينبت الشعر؟
وتنصحوني فيه؟
وسمعت ان اذا استخدمه لازم ماحط زيت ولاخلطات
صح هالكلام؟
وانة استخدم زيت وحنة شنو الحل؟
وشنهي نصيحتكم؟
ووين احصله وكم سعره؟

 

[عـيّــآره]

اول مره اسمع عنه @@ 6 سم بالشهر وناسه

ان شاءالله يفيدونا البنات​

 

[MaryaBM]

امم انا استعملة يطول بشكل واضح ، بس مادري اذا ٦ سانتي ولا ماعرف ماحسبت ،
يعني عادي جدا اقص اطراف شعري ٢ سانتي اسبوع ولا هو نفس الطول قبل لا اقصة او اطول حتى البيبي هير اللي فشعري طول ، و يخفف التساقط ،
وقفتة فتره لاني اعالج شعري ، وبرجع لة بعد ما اخلص انشاءالله

 

[فراشة الرغد]

ماقلتيلي حبوبة لم استخدمتيه كنتي تستخدمين زيت ولا لا

 

[MaryaBM]

لا ، لان شعري دهني واذا دهنتة تطلع لي حبوب براسي

 

[فراشة الرغد]

تسلمين حبيبتي
يارب شعرج يكون مثل ماتبين فديت قلبج

 

[Patcholli]

يعالج وينعم ولا بس حق الطول ؟؟ ودي اجربه اذا يعالج الشعر انا شعري بسرعه يطول بس يطول على تقصف ونشفان

 

[توتة UAE]

عندي تونيك مسرع نمو الشعر كنت استخدمه مرتين
فاليوم و فاليوم اللي أزيت شعري ما أحط التونيك . .

مكتوب انه يقوي ويوقف التساقط بعد

الحلو انه خفيف وماتطلع ريحة خايسة تفوح يعني
ترومين تستخدمينه كل يوم وانتي مرتاحة حتى
لو عندج دوام أو عزيمة أو ريلج موجود . .

الصراحة ما استمريت عليه لأني بديت كورس
حق شعري بس ان شا الله برد له

 

[ي حليليِ]

والله اللي تبي طول للشعر ؟

طريقة واضحة وانا مجربتها !!

- اعتني فيه كل يوم ومشطيه
- بالويك أند حطي هالخلطة ( حنة ، قهوة تركية ، بيضة، شوية زيت زيتون ، )
والويك اند اللي وراه ( منقوع ٣ كرات من الثوم ، وبصلة وحدة مع زيت زيتون )

- وان بغيتي تغسلينه بالابام العادية حطي زيت دابر الجديد ،


وبسس


انا شعري جذي طال ولله الحمد ، لا زيوت ولا خرابيط ، بسسكم تلاعب بشعوركم لووول

حرام صلعنا



موفقة ي قلبي ودعواتج