- إنضم
- 4 أبريل 2011
- المشاركات
- 4
- مستوى التفاعل
- 0
- النقاط
- 0
اول شي يعطيكم العافية على هالموقع المميز الي دايم الي تبي تعرف وتزيد معرفتها منه
والحمد لله اتشرف اني اكون اخت قبل لا اكون عضوة وافيد واستفيد معاكم قدر الإمكان
وهذا اول موضوع مادري اذا سووه من قبل ولا لأ اذا سووه ان شاء الله المرات الياية نجيب اليديد واذا جديد اتمنى اني اكون توفقت فيه ...
الكاكاو والشعب الكويتي عشق ازلي
من خلال حياتنا كانوا الاهل يعطونا ككاو واحنا صغار ونعتبره الحلو الأفضل لانه يبقى طعمه لفتره
لكن .. خلونا نعرف شنو معنى الكاكاو بشكل عام
بذور الكاكاو
يقولكم كان بذور الكاكاو كعملة للتجارة من ألف سنة ولها علاقة مع شعب المايا الاسطوري
وشجرة الكاكاو معمرة وبذورها لها فوايد عديدة .. تشفي الحمى والسعال والكاكاو نفسه مدر للبول ويقوي القلب والكلى
وبالغذاء
كل كوب من بودرة الكاكاو غير المحلّى (86غ)
السعرات الحرارية: 196
الدهون: 11.78
الكاربوهيدرات: 49.79
الألياف: 28.6
السكر: 1.50
البروتينات: 16.86
================
الشوكلت ،، الشوكلاته :rerrerek:
أكثر الأكلات شعبية في العالم ومشكله من الككاو ويتم تصنيعها عن طريق طحن حبوب الكاكاو في أجهزة ومكاين كبيرة وبعدها تتصفى وتتسخن ويصبونها على الواح ويختارون بعدها اذا يبونه كريم او سائل وهالشغل كله أكثر شي في البرازيل وساحل العاج وطبعا سويسرا اكثر المستهلكين
ويقولكم نظرا للإستهلاك العالمي لشجرة الكاكاو الشوكلاته مهددة بالانقراض بالسنوات المقبلة:eh_s(11):
:rgewrg: رجاءاً الي عندها كاكاو تخشه حق باجر لاتقطه حتى لو غبر تعودنا على طعم الغبار
وطبعا انواع الشوكلت
العادي والأبيض المضاف اليه حليب والأسود المكثف
ونقدر نضيف عليه المكسرات والكارميل والبسكويت
كمثال
الـ سنكرز
فيه كاراميل و فول سوداني
التويكس
بسكوت وكاراميل
الكتكات
بسكوت
باونتي
معاه جوز الهند
واليوم نشوف انواع ثانية وطرق عديدة من أشكال الككاو
وانا اكيد تكلمت بشكل عام وأكو محترفات
ياريت تفيدونا معاكم ونعرف شالي تعرفونه بالكاكاو وشنو الكاكاو المفضل بشكل عام وافضل ماركة عندكم
وسامحوني عالقصور ..
