الكاسكو صار له 6اشهر عندنا ولايتكلم

[كويتيه كول عطول]

السلام عليكم كاسكونا عندنا6اشهر ولا يتكلم وخواف وكله يبي يعض مايرضى احد يجيسه حاولت عطيته حب وكله بس مايرضى المسه نهائياً ع طول يبطل حلجه يبي يعض وكله يصرخ وله تكلم حاولنا نسولف معاه..وله فاد ف اتمنى تفيدوني من خبراتكم مع الكاسكو..وشكراً

 

[شربـــات لـــوز]

ولله ماعندي خبره
بس ماحبيت اطلع بدون رد

 

[شربـــات لـــوز]

احلا اب لعيووووووووووووونج

 

[كويتيه كول عطول]

حياااتي نورتي بوجودج فدديت قلبج

 

[VET-Nour]

قصدج الكاسكو الافريقي الرمادي صح ؟

كان عندي واحد يجعّر < يطلع صوت لما يخاف ويوخر ويعض ,,
طبعا انا ماخليته نفسج 6 اشهر من ثاني اسبوع فهمت اخوي الي يسويه لاني اخاف امسك الطيور :d
,,

اول شيء خليه بغرفه بروحه 3 ايام محد يدش عليه الا انتي عشان تغيرين الاكل و الماي وتطلعين ماتقعدين معاه ولا تكلمينه ولا شيء ,

بعد الثلاث ايام دشي عليه بروحج بدون احد لانه راح يخاف
طلعيه من القفص خليه فوقه و اقعدي جدامه نص ساعه بدون لا تتحركين عشان يعرف انج ماراح تأذينه
< جناحه قبل تحطينه بالغرفه 3 ايام قصيه عشان مايطير

بعدين حطي ايدج فوق راسه لا تمسكينه يعني سوي نفسج جنج بتمسكينه نرفزيه خليه يصرخ بس مو تخرعينه , لا تمسكينه بس حركي ايدج فوقه

بعدين خليه 10 دقايق اقعدي بدون لا تتحركين
و وكليه من ايدج عشان يتطمن انج ماراح تاذينه ,


بعد ماياكل خليه دقيقتين او 3 بس
و حطي ايد جدام وجهه و ايد فوق راسه , حركي ايدج شوي شوي الي جدامه بس لا تلزقينها بوجهه << الايد الي جدام عشان تشتتينه و الايد الي فوق راسه عشان تمسكين راسه و المسي راسه دلكيه ,, وتقريبا اهو بيتقبل هالشيء

و خليج نص ساعه امسكي راسه ولا تسوين ولا حركه تفاجأه

< هذا بالنسبه للترويض
استمري معاه يومين تمسكين راسه لمن يتروض ,,

و بعد ما يتروض تقدرين تكررين الكلمه الي تبينها و بيقولها
بس كلمه وحده وسهله مو جمله ولا كلمتين
ولا تغيرينها وتكررين غيرها

 

[كويتيه كول عطول]

ي حبيبتي بسووي تعليماتج ومشكورة ي قلبي ماقصرتي ربي يعطيج العاافيه

 

[tnkora]

ما قصرة فت نور