القيصريه وخراب الرحم

[pusy cat]

السلام عليكم ورحمة الله وبركاته

بنات انا والده قيصري وبفترة نفاس

يصير فيني خراب لو ما تنفست عدل ؟

انا والحمدلله ارضع طبيعي و آكل لهوم واشرب دارسين وحلبه وآكل لحم بس بدون خبز لانه يمتني عشان جذي ما اوصل لمرحلة الشبع

قبوط وهالسوالف ما آكل

ورفيجتي قالتلي اهم شي ما تجوعين عشان ماتخربين

فبغيت اتأكد صح هالكلام ؟ اللي والده قيصريه ممكن تخرب ؟ او ممكن اتوسع ؟ لان هالشي مو داش راسي بصراحه

يارييت اللي عندها علم تفيدني *

 

[حرم_الغلا]

‏ أنا والده قيصري ماأقولج تنفست ميه بالميه//‏ بقولج نفاسي شلون كانت ولادتي بالشتاء لازم ملابس داخليه قطن ودلاغ وملفع قطن ‏‏<‏‏< عشان مايدشني هوا الله وكيلج ماأقط الملفع الا حزة النوم وأول ماأقعد من النوم ع طول ألبسه//‏ أما الاكل كنت أكل لما أششبع لان الجووع والله موزين لنفسه وإذا ع الدويات مو كل يوم أكلهم يوم وترك ولاااازم لاااازم بعد كل وجبه
بساعه أشرب دوااا القوري وكنت أتبخر بخور الهوا أول عشر أيام وأخر عشر أيااام وأخر نفساي أستخدمت تحاميل البتادين كاانو شي مو بالخياال حلواات حيل‏<‏‏< ولما طلعت من النفاس كنت مثل قبل أحس ماتغير شي لان المنطقه نفس ماكانت وكل ششي تماام وعاال العاال الحمدالله والحمدالله ع سلامتج

 

[غرام القمة]

لازم تنفسين عدل وتدفين ارجولج عدل لان هي اللي تدفي الرحم اذا دافية وتخرب اذا بردت

 

[q8 knosha]

خل اقولج نفاسي..

طبعا كنت اتريق بيض مفيوح وعليه فلفل اسود مع خبز وحليبه واكل قفشت الهوم

والحسو كل 4ايام مره جذي وما اكل صحن كنت اكرهه واغصب نفسي غصب يمكن اكلي خمس قفشات كبار او 7 جذي

وكنت اشرب ماي دافي بس مو واايد لان سمعت كثرت الماي مو زينه

وكان شتا كنت بس البس دلاغات وسليب طبعا والشورت اللي يصير صااك وبجامه عاديه شتويه

وكنت ما اشتهي اكل ومرات بليل احس بيووع بس مالي خلق اقوم اسويلي شي والكل يكون نايم الفير جذي اكون قاعده
وكنت انام يوعانه عادي

واخر ايام قمت اشرب بيبسي ومطاعم

وكنت خاايفه من اول جماع بعد الاربعين لا اكون مختربه لاني خرتها

بس والله ليي يومج هذا جني بنت نفس شعور اول يام لي زواج!
احس كل هل سوالف خرابيط
انتو شرايكم بنات؟

 

[Loloki]

انا قيصريه انا نفاسي بالصيف. كنت البس دلاغ وكنت ادفي نفسي وما ابطل ريلي وايد يعني تتربعين خلي اكلج كله ع طاوله

ولما تتسبحين بدلي بالحمام علشان حمام طافي بالماي حار وجنه بخار اذا طلعتي بردتي

كنت اشرب شوربه دياي الي تكون بطاط ويزر ودياي مقطع كنت كل يوم اشربه. واكل لهوم لمده سبع ايام واشرب حليب بدارسين

طبعا الحسو اكله لان ينزل دم الي داخل اهو ويا لهوم بس لما اشم ريحه الاكل مثل مجبوس لحم او دياي تلوع جبدي *

 

[Loloki]

وبصراحه كنت استخدم غسول بيتادين وتحميله تنزل ماي الي فيج

وكنت اشرب ماي لان بالنفاس ماي يكون عزيز ههههههه تشربينه بااارط انا اشربه بارد بصراحه ماصار فيني شي لان كنت محافظه ع اهوم والحسو