القيصرية الثالثة...استفسار

[om baddor]

السلام عليكم

عندي استفسار القيصرية الثالثة اصعب من الاولى والثانية ولا

كلهم نفس العوار:eh_s(2):

اذا نفس الجرح طبعا

الي والدة ثلاث مرات او اكثر تطمني ... وهل الجرح ياخذ وقت

اطول على مايلتئم​

 

[لحظة تناهيد]

السلام عليكم
هلا اختي انا مسويه عمليتي الثالثه بالسلام والحمد الله سبحانه وتعالى
حاله حال العمليه الاولى والثانيه وتعديؤ على خير ان شاءالله بس تفرق في نفسيتج
تكون احسن من العمليه الاولى لان خلاص طاب خاطرج من الطبيعي
واتمنى من الله يسهل عليج ويسر عمليتج يارب والله يعوضنا خير

 

[ام الرموسه]

القيصريه الثالثه مثل القيصريات الاولى

 

[ام عفاف الكويت]

يقولون الثالثه سهله

 

[مسك81]

نفس الشي حبوبه

 

[ورده عنابيه]

واللة مادري

 

[om baddor]

بعد عمري مشكورين وماقصرتوا

الله يطمن بالكم كنت خايفة

الله يسهل على الجميع ويرزق كل واحدة ماتتمنى​

 

[عيون السعودية]

القيصريه الأولى احسها أصعب عشان صدمتك في الألم أكيد كل وحده سوت القيصريه وقتها تكون حييييييل خايفه لأن الألم يخوف لكن القيصريات اللي بعد كذا يتهيأ لي عادي عشان وقتها تكوني خلاص عارفه ألمها ومتأقلمه على الوضع

 

[LAW_GiRL]

انا سويت قيصريتين الثانيه اخف من الولى بالالم وانشاءالله بعد اسبوع بولد قيصريه ثالثه واتوقع اخف من الاولى والثانيه لان الثانيه كانت عندي اسهل من الاولى
والله يسهل يارب

 

[المكسيكيه]

الله يسهل عليكم ان شاء الله

 

[om baddor]

اي صح سبحان الله الاولى كانت عندي واااااااايد اصعب من الثانية

انشالله تكون الثالثة اسهل منهم

الله يهون عليج law_girl​

 

[مروووم]

انا توني والده من ٩ ايام قيصريه واحس نفس القيصريات الي طافوا
ومشكلتي اني اول يومين يغمى علي اذا قمت ولاحظت ان بكل قيصريه يزيد الاغماء اول يومين بس
ثالث يوم تروح عني الدوخه
يمكن لان فيني انيميا حاده