القيصريات حياكم

[سعادة قلبي وياه]

مساء الخــــــير حبيباتي كويتيات

شلووونكم ان شاءالله بخير..

بنات حبيت أسألكم شلون اهتميتوا بجرح القيصريه ؟؟

متى لبستي حزام ..؟؟

اذا سبحتي تغطين الجرح ولا عادي مفتوح ..؟

انا المستشفى عطوني لزقات احطها حتى وقت ما أسبح على طول اخاف على الجرح لانه

وعطوني بخاخ للجرح ومعقمات بس ماأدري استمر عليهم لمده كم شهر مثلا؟؟ او اكثر؟؟

انتي شلون لي متى تميتي على لزقات القيصرية ومتى استغنيتي عن اللزقات هذي؟؟

المره وش فايدتها زين ومتى استخدمها ياليت تفيدوني قيصريات .....


:eh_s(17):

 

[سعادة قلبي وياه]

شدعوة 80 مشاهد وﻻ في رد ليش ليش

 

[مذهلة2013]

اب
اب

 

[Om_il3ubed]

وعليكم السلام
بالنسبه لي انا سبحت مره بالمستشفى قبل اطلع .. جيكت عليه الدكتوره ان مصكر وملتئم.. سبحت وعقب حطتلي كريم و غيار ورديت البيت..
وظل اللازق عليه لين يوم الي شالولي الخيط وبس الدكتوره ورتني وخلتني امسكه ان تاكدلي ان مصكر عدل وماراح ينفج و عطتني كريم للاثار احطه كل يوم لمده ١٤ يوم
وعقبها لما خلصت كورس الكريم بديت البس كورسيه خفيف على كلام دكتورتي و قالتلي تربطين حيل عقب شهر او شهرين على حسب الالم الي عندج
وطبعا ماتشيلين شي ثقيل لمده ٦ اشهر

حمدلله عالسلامه

 

[زبــــــــدة]

انا بعد وياج توني والده وامس طلعت من المستشفى

وماعرف شس ناطرة موعدي مع الدكتورة عقب اسبوع ان شاء الله

 

[كوكيز بالكريمة]

هلا اخيتي ...حمدالله على سلامتج و سلامه البيبي

اللزقات كل ما غيرتي للجرح تغيرينهم..انا يوميا ابدل لجرحي بالبيت ابطل اللزق و امسح الجرح بالمعقم و ارد أحد اللزقه..لمده اسبوع او عشر ايام ليما موعدي ويشيلون الخياط بعدها امسح عليه خفيف لمده يومين بالمعقم و كريم اﻻثار استخدمه يوميا من اشيل الخياط و اهوي الجرح ﻻاااازم يعني ابطل زراير البجامه اللي تحت عساس يحوشه هوا...و ديري بالج تسبحين و يحوش الجرح ماي ﻻنه بيلتهب ﻻ سمح الله...كل وحده و على حسب عنايتها اليوميه... والمره ما اشربها كلش ملش ﻻني بكون على المضاد ف مو زينه ﻻنها تعتبر مضاد بعد...و اثنيناتهم بالجسم يكونون ماده سامه...ﻻ تحاتين شي ﻻنج بتكونين ع المضاد و بيحميج...و الحزام لبست مال القيصريات من شلت خياطي بجم يوم يعني لي 12 يوم وﻻده تقريبا..الحزام خفيف حيل ومايضغط بس يثبت البطن بس مااا يشد...و ﻻ تنسين تدفي عدل و شربي اعشاب و ألتزمي بالرضاعه غصب طيب هههه نصيحه ﻻنها ترد الرحم و تشد البطن و تكرمين تنزل الدم...و اي شي تبين حياج بالخاص..

دعواتج بتسهيل الحمل والوﻻده..

 

[british rora]

زبدة انتي والدة قيصريه

ليش شالسبب

 

[british rora]

زبدة انتي والدة قيصريه

ليش شالسبب

 

[british rora]

انا بقولكم تجربتي

انا ولدت بشهر ٢ وكان راس الياهل فوق فلازم اولد قيصريه طبعا دشيت النت اقرا عن القيصريه ولا هوووول و هوايل كل من يقول عذاب الله يعين الي بتولد ماتدري شنو بتشوف بعد الولاده


بس الحمدلله سهااااالات اهم شي انج تهوين الجرح عشان لا يلتهب و ديري بالج لا يحوشه ماي ولا بيصير اسود اذا سبحتي حاول ان ما يحوشه ماي واذا حاشه نشفيه بسررررعه بسرررعه

الكريم والمرهم والتبديل تختلف من دكتور للثاني انا دكتوري ماعطاني ولا شي وقالي لا يحوشه ماي

المره كنت اشمها فقط ما كنت ادهن فيها الجرح

واهم شي المسكن لا تتركونه

 

[زبــــــــدة]

على اخر شي بعد ماحطولي طلق صناعي والطلق صار حامي بنتي تعبت وانا مو مفتوحة الا 1 سانتي وبنتي راسها مرفوع لي فوق ومونازل بالحوض يعني قيصرية من امه لوووول والحمدالله سهالات بس اول يومين الحركة عذاب

الحين الحمدالله كل شي زين بس ظهري ذابحني


بنات انا ماعطوني لزقات ولا شي بس غيروها قبل لا اطلع من المستشفى ... وموعدي الاثنين هذا وبشوف الدكتورة شتقول


وصج يشيلون الخياط ولا بروحه يذوب في بنات يقولون بروحه مايشيلونه !!

ومن وين حزام القيصرية ؟

 

[^ lamooosh ^]

انا ما ادري او ما جربتبس امي كانت قيصريه ورفيجاتي ٢
بس اللي اعرفه ان مايصير تسبحين الا بعد عشر ايام وعقب مايشيل الدكتور الخيط
اهي عقده صغيره جنه بالطرف تكون واللي يذوب الخياط الداخلي
المهم وبخصوص الكريمات خصوصا مال الاثر لازم ماتقطعينه
واقوي واحد ميبو سكار
والحزام مال القيصريه مايسوي شي كلش بس ديكور
احسن شي المايوهات الي تكون استرج خفيف ما اعرف اسمهم
بس احسن شي يرفعون البطن بشكل خفيف وهم ماتلبسينه الا بعد مايقولج الدكتور
اوكي لان في ناس يلتام بسرعه وامورهم تكون زينه
وفي ناس لا يبيلهم وقت
والرياضيه وهالاشياء ممنوعه لي ٦ شهور واكثر ممكن

والسهاله من الله
وانا احتمال قيصريه بس مابي كلش
ادعولي اولد طبيعي

 

[ms_5ajoola]

اب اب اب

 

[لذه السكر]

الحمدلله عالسلامه وانا كنت مثلكم حدي مخترعه بس سهالات الحمدلله

بنات حبيت أسألكم شلون اهتميتوا بجرح القيصريه ؟؟

عطتني الدكتور معقم جروح وبيتادين وشاش ولزقات كل يوم اعقم الجرح وارش بيتادين واغير اللزقه لمده 10 ايام

متى لبستي حزام ..؟؟

الدكتوره قالت من 10 ايام تقدرين تلبسين .. انا لبسته عقب 20 يوم كنت خايفه ..الحزام اخذته من الصيديليه حراك العمليات ما يضغط ولا يعورج بس يلم البطن

اذا سبحتي تغطين الجرح ولا عادي مفتوح ..؟

عادي مفتوح ولما قلت للدكتوره اسبح باللزقه قالت ماله داعي

انا المستشفى عطوني لزقات احطها حتى وقت ما أسبح على طول اخاف على الجرح لانه

وعطوني بخاخ للجرح ومعقمات بس ماأدري استمر عليهم لمده كم شهر مثلا؟؟ او اكثر؟؟

لي مراجعتج مع الدكتورة انا استخدمتهم 10 ايام وبالمراجعه شالت الغرزه وخلاص


المره وش فايدتها زين ومتى استخدمها ياليت تفيدوني قيصريات .....

يقولون عشان ما يشم الجرح انا كنت اشرب منها شوي مع ماي ويدتي تحط على بطني فوق وتحت الجرح بس بعيد ما حسيت منه فايده والدكتوره قالت خرابيط واصلا ممكن يسبب التهاب

ونصيييحه اكثر 2 ريوحي المشي ثم المشي ثم المشي بالصاله امشي كل يوم نص ساعه والبيبي نايم اخذيلج فره و الكركم عجيييب بسرعه يلتام الجرح

 

[ABEER FLOWER]

الحمد لله على السلامة

بالنسبة لي ما استخدمت لزقات

سبحت آخر يوم بالمستشفى والدكتورة غيرته لي وعقمته

ورحت البيت ورجعت لها بعد كم يوم

وشالت اللزقة وعقمت

وقالت لي كل يوم اسبحي ونشفي الجرح وحطي عليه مسحه طبية بسسسس

أناا ظليت يمكن أسبوع أحط مسحه وبعدهااا قمت أستخدم المره بس ما كنت مداومة عليهاااا

مرات أكتفي بالمسحه فقط

وما استخدمت حزام وما سألت الدكتورة عن هالنقطة

ربي يشافيج ويعطيج الصحة والعافية