القطاوه وتشميخ الاثـاث

[ورده حمره]

قووه بنات


اغلب القطاوه اذا مو كلهم عندهم هوايه تشميخ الاثاث

وهالشي طبيعه فيهم

انا على طول اقصص اظافرهم بس مجرد ماتطول شوي على يطول يشمخون وينتفون الاثاث

العبو بغنفاتي

شنو الحل وياهم ؟؟ انتو شنو تسووون ويا قطاوتكم ؟؟

انا شفت مره لوح يشمخونه يقولون ان ممكن مايشمخون الاثاث

تعرفونه ؟ وصج ينفع

لاحظو ان قطاوتي كله out of control لوول

 

[shayo0oma]

اي انا شفت هاللوووووووووووح بلولو هايبر
اما ع ان ينفع والله ما عندي خبره ان شاء الله البنات يفيدونج

 

[still there]

رد : القطاوه وتشميخ الاثـاث

حطي لهم اى شى اسفنجى عندج ما تبينه بس يكون شوية يابس مثل مرتبه او مخده قديمه او قنفه ما تبينها
و بعدين على طول اول ما يبدى يخمش الاثاث زفيه و اصرخى عليه خليه يعرف اللى يسويه خطا < يا ويله ويلاه

 

[KOKO_284I]

رد : القطاوه وتشميخ الاثـاث

انشالله البنات يفيدونج

 

[نيــلــوفــر]

انا كله اخلي قطوتي بداري فما واجهت هالمشكلة لوول بس لاحظت انه تعفس ملابسي تدش داخل الكبت و تحوس

 

[Qـويتية]

اشتري لي ألعاب التشميخ متوفر في سوق الحمام ^__^

 

[Grass]

رد : القطاوه وتشميخ الاثـاث

انا شريتلها كل شي .. ذبحتني تحب تشمخ الستاره .. اسلتتها كلها

 

[ورده حمره]

تسلمون بنات على ردودكم وان شالله بجرب اللوح وبشتري لهم العاب زياده تشغلهم شوي

 

[Q8stylle]

اذا ماتبينهم يشمخون تودينها البيطري
ويسولها عمليه يشيلون اظافرها ماادري شيسون فيهم علي شان مايشمخون
انا كنت بسويها لهم بس خفت عليهم

 

[3w!Shni]

حبيبتي لا تسوين عملية خلع الظافر حرام

:s

قرضيهم كل ماطالو ماراح ياخذ من وقتج وايد

اشتريلها اللوح

واخذيها و حركي ايدها على اللوح مرة على مرة تتعلم ان هذا للتشميخ

 

[لمسه حزن]

رد : القطاوه وتشميخ الاثـاث

يمكن اللون مو عاجبها

ههههههههه

حبيت اتغشمر معاج

 

[باربي برونزيه]

نفس المشكله

 

[Velvet Girl]

رد : القطاوه وتشميخ الاثـاث

يا قلبي اول شي لا تفكرين كلش انج اتشيلين اظافرها لانه حراااام

اصلا بعد العمليه مالت الاظافر القطوه حركتها بتقل و بتتألم حيييل فا نصيحه لا تسوينها

واذا على سالفة التشمخ هاذي غريزه فيها ما تقدرين تمنعينها عنها لو شنو سويتي اذا تبين حل


اشتري لها لوح للتشمخ و كل فتره قصي اظافرها و اذا تبيني اعلمج اشلون اتقصين اظافرها انا حاظره
واذا خايفه انج اتقصينها روحي للطبيب البيطري

بس عفيه لا تفكرين اتسوين لها عمليه

 

[ورده حمره]

مشكوررين بنات على النصايح يعطيكم العافيه

ولا تخافون ماراح اسوي لهم عمليه انا قص عادي واخاف اعورهم لول

 

[اختي نحيسه]

ما رااااح يفييد ابدا لوح التشميخ انا شاريته لها وموقفته جبالها
يختي قطعت اثاااث امي تقطييييييييييع لدرجة ان امي تبي تحذفها بالشارع
وحاليا حاطتها بغرفتي بس المشكله لازم اطلعها عشان الليتر بوكس اخنقتني ريحة أكلها
وفوق جذي كله على فراااشي لاعت جبدي
مشكلتها تغث دلوووعه حييل وتبجي لو ما خليتها تسوي اللي تبي

 

[ام كوشه منكووشه]

رد : القطاوه وتشميخ الاثـاث

الله يعينج والله

شوفي انا لمن كان عندي قطوه اول شي تلعوزت معها بالاثاث لكن بعدين بمحل القطاوه لقيت بخاخ ترشينه على الاثاث يخلي القطاوه ماتقرب منه بدور لج صورته واحط ان شاءالله

 

[عثوله دبي]

رآيي من رآي البنات

الله يخليها لج