القرقيـــــــــــــــــــــــــعان ( تم دمج جميع المواضيع المتعلقة بالقرقيعان )

[froha83]

السلام عليكم

خواتي

كل عام و انتم بخير بمناسبة اقتراب شهر رمضان المبارك و موسم القرقيعان

لاحظنا كثرة الاستفسارات عن تجهيزات القرقيعان

و عليه فقد تم دمج جميع المواضيع المتعلقة بالقرقيعان بموضوع واحد

تحياتي و كل عام و انتم بخير

مشرفة القسم : mrs_sugar



​

السلام عليكم
oster_av1:
شلونكم امهات شخباركم ؟؟
و شلون عييلكم؟
شرايكم نخلي هالموضوع حق تبادل الخبرات بالقرقيعان
يعني
كل وحدة تقولنا
من وين تشتري السلال او العلب ؟
ومن وين تاخذ الحلويات؟
وشنو الاشياء المميزة اللي راح تسويها؟؟
مع ذكر الاسعار <<<<<<<<<علشان الكل يستفيد
واذا كان عندكم صور حق قرقيعان السنوات اللي طافت حطوا الصور يمكن الامهات يستفيدون

 

[froha83]

رد: تجهيزات القرقيعان

انا ببتدي اول شي

 

[froha83]

رد: تجهيزات القرقيعان

انا صراحة هذي اول سنة راح اسوي فيها قرقيعان لان توه صار عندي بنوتة قمر<<<<<<الله يخليها
قبل كنت اسوي قرقيعان حق جداتي وامي وخالتي ام ريلي وجيراني و مصورة الشغل راح انزلة انشالله

 

[^kloOot^]

رد: تجهيزات القرقيعان

انا انشالله راح اسوي حق الحريم الكبار بس ويمكن اليهال جياسه عاديه

وعن قريب راح انزل الصور انشالله

 

[الفنانه79]

رد: تجهيزات القرقيعان

انا بعد معاكم

ولي عوده ان شاء الله في بعض القرقيعان اللي سويته لعيالي

 

[froha83]

رد: تجهيزات القرقيعان

حياكم الله

 

[AlZeenah]

رد: تجهيزات القرقيعان

واللة اناا في وحدة دايما اتعااامل معاها

واهياا الي سوتلي ككاو ولادتي وقرقيعان ولدي السنتين اللي طافوو

بحطلكم صووورة قرقيعانة مال السنة قبل اللي طافت

ضغطوا على الصووورة تكبر معاكم

 

[froha83]

رد: تجهيزات القرقيعان

الفنانة وام جوري حياكم الله وناطرين الصور

 

[تروبيكانا]

رد: تجهيزات القرقيعان

مساء الفل
راح اقولكم عن الفكرة اللي سويتها لقرقيعن ولدي قبل العام وايد استانسوا عليها اهي عباره عن دوه اصغيره شريتها من سوق الصفافيرلبست حوافها بخام سدو حطيت داخلها غوري فخار مال اول واستكانة الشاي المنقطه بعد شغل اول مع صحنها وحطيت داخل الغوري شاياللي اهو تي باق وغلفة شكر بشبكفضي وشريتبعد زلابيا ودرابيل وفحمه وهم مكسرات من الزينه وكاكاو وكل شي غلفته بسلوفان التغليف وعقب ربطةكل وحده بروحها بتور فضي وثبتهم بصمغ المسدس بس كان شكلها وايد روعه وحطيت الدوه طبعا كانوا فوق العشرين حبه داخل خيمه سدوابو العيال ما قصر سواها لنا بس كانت صج روعه

 

[froha83]

رد: تجهيزات القرقيعان

تسلمين الزينه ماشالله يهبل القرقيعان

 

[froha83]

رد: تجهيزات القرقيعان

تروبيكانا
تسلمين على المشاركة

 

[froha83]

رد: تجهيزات القرقيعان

هذا القرقيعان مال السنة اللي طافت

بالمبخر حطيت كسره بخور و بالقرشة حطيت دهن عود

 

[froha83]

رد: تجهيزات القرقيعان

عطوني رايكم

 

[froha83]

رد: تجهيزات القرقيعان

الاغراض اخذ دايما من الزهور الشرقية <<<<<< اللي مجابل دار الشفا ( بياع الورد)
و في اشياء تعجبني مرات من بو 100 فلس
والحلويات من الجمعية لان الكمية اللي مسويتها قليلة

 

[froha83]

رد: تجهيزات القرقيعان

هذا القرقيعان مال الجدات مال سنه 2006

حطيت لهم مصحف صغير وشريط ادعية رمضان و حلويات

 

[nouna82]

رد: تجهيزات القرقيعان

والله وحدة مدحت لي موقع تطلبين منه قرقيعان بس مكلف شوي و يسوى بدور الموقع و بنزله لكم

 

[froha83]

رد: تجهيزات القرقيعان

http://www.rullart.com/index.asp
تقصدين هذا ؟

 

[froha83]

رد: تجهيزات القرقيعان

هالسنة راح اسوي شي مميز والكل مترقب هالحدث لاني ام الفناتق
خصوصا هذي اول سنه اسوي حق بنتي لانها يتني عقب 5 سنوات زواج
ادعوا ان الله يحفظها لي و لابوها

 

[AlZeenah]

رد: تجهيزات القرقيعان

الله يحفظهاا يارب وتفرحوووون فيهااااا


سلم سااااارونة ياللة خلها لامها ياللة

 

[AlZeenah]

رد: تجهيزات القرقيعان

انا هالسنة ببالي فكرة

واللي بتسويلي الككاو ببالها فكرة بشوووف اللي برسي عليها واقووولكم