القرصان
افرمي لك حبه بصله وحطيها بقدر ع النار مع شويه زيت لماتذبل بعدين حطي عليها قطع لحم صغيره وحركيها لمايتغير لونها بعدين حطي عليها حبتين طماط مخلوطه باالخلاط وصلصه حسب اللون اللي تحبين تقدرين تزودين او تنقصين وحطي شوي بهارات وليمون اسود حبات ومكعب ماجي وشوي فلفل احمر او اسود لما تبداء تفور حطي عليها ماء حار وخليه لما تستوي اللحمه قبل لاتستوي بربع ساعه تكونين مجهزه خضار مقطعتها صغيره جدا فاصوليا جزر باذنجان بازلا خليها لماتستوي وهنا ذوقي الملح وخليه حسب رغبتك وسكري النار عليه وسوي كشنه القرصان قطعي لك بصل حسب كميتك طبعا كل ماكانت الكشنه كثيره كل ماطلع القرصان اطعم وانتي حسب ذوقك افرمي البصل وحطي عليه سمنه او زبده اطعم من الزيت واحمسيه لما يذبل وحطي عليه شوية ملح وفلفل وبهارات كثري منها شوي ولو عندك بهارات القرصان اطعم لو مافيه حطي المشكله وحطي شوي كركم نجي اللحين لطريقه بل القرصان جيبي حافظه وكسري فيها طبقه قرصان بعدين رشيه من المرق وشوي من الكشنه وقلبيه ولو طلع ناشف زودي المرق بعدين خذي من الخضار واللحم واخلطي معه وكرري العمليه لما تمتلي الحافظه واخر شي رشي عليها شويت سمن وقلبيها وسكري عليها الحافظه لوقت التقديم باالعافيه
