القدر الكهربائي في السفر

[كسرة عود]

السلام عليكم ورحمة الله وبركاته

خواتي حبيت أسال من وين أشتري القدر الكهربائي ؟؟؟؟؟

سمعت انه برامز مادري زين ولا لا ؟؟؟؟؟؟

وشنو استخداماته بالسفر ؟؟؟؟؟

بالضبط شقدر أطبخ فيه ؟؟؟؟ _03BA:

أنا كنت شايفة موضوع قبل مدة ومالقيته فاللي تلقاه عفيه تحط الرابط .....

نااااااااااااطرتكم :gathering:

 

[أوركيد]

رفيجاتي يمدحونه..بس مو من الكويت ..نوعيه من دبي..

وما يستغنون عنه..بس بالنسبة لي..

كنت معزمه اشتريه وهونت..حلاة السفر كسر روتين لا طبخ ولا غسيل مواعين ..

واحس واايد يضايق يالشيلة والنقلة..

 

[أوركيد]

استخداماته....

يسمونه ..الــــ rice *****r يعني طاهي الرز....

حق العيش واللي استخدموه ..جربوه مع الدياي والعيش..يقولون عجيب..

بس للأمانة آنا ما جربت طباخه..

 

[مشاعر أمرأه]

السلام عليكم ورحمة الله وبركاته

خواتي حبيت أسال من وين أشتري القدر الكهربائي ؟؟؟؟؟

سمعت انه برامز مادري زين ولا لا ؟؟؟؟؟؟

وشنو استخداماته بالسفر ؟؟؟؟؟

بالضبط شقدر أطبخ فيه ؟؟؟؟ _03ba:

أنا كنت شايفة موضوع قبل مدة ومالقيته فاللي تلقاه عفيه تحط الرابط .....

نااااااااااااطرتكم :gathering:

وااااااااااااااااااي وناسه

ممكن اطلبج طلب

اذا بتسافرين ممكن اسافر وياج

(وحده بطيينيه)

بس صج تونسين الله يوفقج وتلاقين مايسر خاطرج

 

[أم عزيـز]

هذا رابط الموضوع يالغاليه

http://www.q8yat.net/showthread.php?t=182545

 

[أم عزيـز]

انا عن نفسي خذيته من امي
شاريته من رامز حجمه حلو ومجبوره اخذه عشان بنتي عمرها سنه و 4 شهور واكيد يبيلها اسلق لها خضار واسوي لها عيش حق الرحلات والطريج لين الحين ما طلعوا لها ضروس طواحن عشان تقدر تاكل لحم ودياي وتعلج الأكل

وامي تقول انها كانت تطبخ فيه عيش وتسوي حمسه نقانق وحمسه تونا بس في بنات يقولون كانوا يسوون فيه دياي

 

[الـحـ الاول ـب]

موووووجودع حبيبتي بالغانم

 

[كسرة عود]

مشكوووووووورين خواتي

 

[الـحـ الاول ـب]

مرحباااااااااا

انا اليوم اخذته من يوريكا
ولا في قاعده حق السلق
ولاشلتيها تقدرين تطبخين بالقاع
وفي ميزه ان لاخلص الطبخ يفصل ويبقى
على درجه التسخين يعني متى مابغيتي تنجبين يكون حار
وعندهم تنزيلات اخذته بـ 7 و 900

 

[كسرة عود]

بمر ان شاالله على رامز والغانم

وحياج الله al7shan معانا العمرة >>>> بس على شرط ظانتي اللي تطبخيييييين هههههه

 

[كسرة عود]

صباااااااح النووووور الـحـ الاول ـب واقصرتي والله

جربتيه ولا بعد ؟؟؟؟؟

 

[عروس الدنيا]

اليوم رحت الغانم ... و رحت رامز و ما حصصصصصصصصصصللللللللللته

 

[أم عزيـز]

اليوم رحت الغانم ... و رحت رامز و ما حصصصصصصصصصصللللللللللته

الحب الأول تقول لقته عند يوريكا جربي ان شاء الله تلقينه

 

[كسرة عود]

ابشركم شريته من يوريكا ب 9 ونص حلو ...... ان شاالله أجربه وأقولكم

 

[الـحـ الاول ـب]

مبروووووووووووك العوووووووووود

انا لا ماجربته الحين حطيته بالجنطه ماشي بعد جم ساعه
فجر السبت انشالله بجربه بالنمسا
بس الموظف امدحه لي وقالي اهو احس شي عندهم

 

[كسرة عود]

الله يبارك فيج حبيبتي الـحـ الاول ـب

بس أنا شريت 2 لتر إلا شوي بس حسيته كبير >>>>> شنو حجم قدرج ؟؟؟؟

وتروحين وتردين بالسلامة قلبي والله يحفظكم ياااااااارب

 

[عمة فهودي]

انا والله ما فكرت فيه بس وناسه والله

ودي اخذه واجربه لاني وسواسيه شويه بالاكل

وخصوصا اكل ما اعرفه ما اكله

بس بروح اشوفه بيوركا اذا مو ثقيل ولا يشغل حيز باخذه

مشكوورين

 

[*ستار*]

حلو بصراحه وانصحكم فيه


طريقته سهله مثل اي قدر عادي بس هو اسرع شوي

واحلى شي اذا كان نوعه كانه حافظه طعام يعني تطبخين وتاخذينه معاك لاي مكان كون حار طول الوقت

ممكن تاخذون معاكم ربيان ناشف

او ممكن مجبوس خضار

او برياني خضار

اذا ماتوفر الدجاج واللحم الحلال

اهم شي تكون الغرفه اذا باوتيل حقت مدخنين عشان جرس الانذار