القاضي << نسيب زوجي ساعد بطلاقي

[كويتيات *]

مرحبا

زي ماشفتوا .. القاضي ساعد زوجي بطلاقي كثيييير هو نسيبه ..

زوجي طاردني من بيته ولي 10 شهور ماشفت عيالي ولا يسمح لهم يكلموني ، ساعده بطلاقي وماخاف الله ونصحه يجيب لي عيالي

زوجة القاضي اخت لزوجي وتكرهني وسببت لي مشاكل كثير محاولة لتخريب علاقتي بزوجي وتشككه في اخلاقي وماقدروا ولله الحمد يلاقوا على شي

الحين انا شكيت بالمحكمه وموعد القضيه بعد 4 شهور ، يعني متى بشوف عيالي مدري :eh_s(11):

من تعرف ؟؟ هل اقدر اشكي القاضي هذا والا لا

وش الدبره .... سنعوني

مو قادره افكر صح من الغبنه

ياربي يشوفون اللي سووه فيني ببناتهم ياااارب :yaaaaaarb:

 

[نورة 11]

الله يعينك حبيبتي

ادعي ربك في كل وقت
وان شاءالله تفرج

 

[حسبنآ الله]

حسبي الله عليهم
ربي يرد كيدهم في نحرهم
ربي يجعل تدبيرهم تدميرهم ياااارب
حبيبتي قولي الحمدلله انج تنامي مظلومه ولا تنامي وانتي ظالمه
ودعوتج مستجابه مالج الا الله
ربي يفرج همج ان شاءالله
ومااقدر افيدج غير بالدعاء

وطمنينا

وان شاءالله الباقي يفيدونج

 

[ديمــــــــــه]

حسبنا الله ونعم الوكيل.. لاتخافين حبيبتي ربي يمهل ولا يهمل وبتشوفين نصرك عاجلا غير اجل

بس عليتس بالدعاء والتحسب والاتكال على الله والاستعانه به

ومن ناحية الشكوى انا من رأيي يالغاليه تسألين محامي يخاف الله يقدر يفيدك ان شاء الله

قلبي معتس والله يفرج همك يااااااااااااااااااااارب

ياليت اذا تقدرين تطمنينا عليتس ولو بالخاص مايخالف

 

[" ام حمود "]

حسبيء الله عليهم الله ياخذ حقج منهم

 

[اميره بعيونه88]

اي تقدرين تشتكين علي القاضي

اول شي اذا انتي بالكويت تروحين
لمحامي وتشرحين له الوضع
وكيف تم طلاقج

هالقاضي غير كفى بالمنصب
لانه يبيله تحكم الضمير

الله يعينج وحسبي الله عليهم

 

[منيرة خالد]

الله يعينج ، ويرد لج عيالج


لازم ترحين لمحامي وتشرحين له الوضع ويعجل بقضية عيالج اول شي وبعدين الطلبات مثل المصرف وغيره

 

[حلمي وامالي]

لهم يوم

 

[فـدوه]

طلبي تغيير القاضي, قولي حق المحامي مالج و رفعوا مذكرة مكتوب فيها انه القاضي قريب لزووجج و راح يغيرونه

 

[Unusual]

حبيبتي يحق لك طلب رد القاضي " تغييره" ..
ومن الأفضل انك تستعيني بمحامي .. شاطر ..

الله يعينك .. ويجمعك بأولادك قريب

 

[(دنيتي)]

حسبي الله ونعم الوكيل اااه ينصرج ويجمعج بعيالج اللهم امين

 

[عزوتي خالديه]

الله يفررررج همج

 

[! بــدويه وآآيــد !]

،


حسبي الله ونعم الوكيل عليهم
ماعندي خبره بس حبيت ادعي لج والبنات عطوج بعض الحلول يااارب تفيد

 

[عزتي مالها حد]

حسبي الله ونعم الوكيل

البنات ماقصروا بالحلول

غيري القاضي لانه يقرب لطليقج

 

[رحيل المرافيء]

اعتقد مايصير يحكم بقضيتج لانه قريب لزوجج
رفعي امرج للقضاء وطالبي باعادة الحكم
مايصير اصلا قريب يحكم بقضية واحد يقرب له

 

[كليـ دلعـ]

تشتكين ع القاضي ليش؟؟؟

شبتقولين ؟

ليش خليت زوجي يطلقني!!

زوجج اهو اللي يبي الطلاق

ف راح له والا راح لغيره

مطلق مطلق

روحي اشتكي وتكلمي بسالفه عيالج

اما انج تشتكين ع القاضي ليش زوجج طلقج

مايصير

لانه ماطلقج بالواسطه

طلقج من راسه وباختياره!

ف فكري بعيالج شلون تاخذينهم

واذا انتي بالكويت

بتاخذين عيالج

ونص البيت

وحقوقج كاامله

الله يعزك يابن صبااح

الداد لريلج الحين

اهو اللي بينقهرر

الا عاد

اذا حاطين عليج سوالف موزينه

بهالحاله لا تسقط حضانتج

ماددري شقولج

حسبي الله ونعم الوكيل ع الظالم

فرشي سياادتج وادعي ادعي

وبتشوفينها اذا كنتي مظلومه

 

[بلسم جروحي]

سمي بالرحمن واهدي وان شاء الله بتشوفينهم غصب عن اكبر واحد فيهم انتي ام ولج الحضانه رضى او ما رضى واذا القضيه صارت عند القاضي نفسه تظلمي وشككي بحكمه للقرابه اللي تجمعه مع زوجج السابق وبالنسبه للطلاق ( وعسى ان تكرهوا شيئا وهو خير لكم ) الله كتبلج هالشي ويمكن باغي لج شي احسن لا تستعجلين اللي ما فيه خير فراقه خير.... وقولي
( اللهم اجرني في مصيبتي واخلفني خيرا منها ) والله يعوضج بالاحسن واصبري ترى الله مع الصابرين لا تدعين ولا شي هذا امتحان من الله سبحانه لا تضيعين الاجر منج يا حبيبتي والله يعينج ويصبر قلبج ويفرح نظرتج بعيالج وهم حواليج قولوا ااااامين​

 

[جادل سبيع]

ياويل الضالم من الله..

 

[عـِرۈۈق قلبــه]

حسبي الله عليهم ​

 

[moon including]

حسبنا الله ونعم الوكيل

دقي على المحامية دلال الملا وساليها ولا روحي لها
ترا اهيا قدها وقدود