الفين دينار تكفي حق لندن لمده اسبوع ؟

[داريني]

الطلب باين من عنوانه ؟
واذا تعرفون فنادق رخيصه دلوني بليز ؟

 

[rawona]

حبوبه اول شي تبين حق اي حزة؟؟


السفريات الحين ماشالله مسوين عروض حلوه بالجرايد لشهر 4


لندن تذكره + اقامه في فندق الكمبرلاند لمدة 8 ايام /7 ليالي ب 345 دينار للشخص واعتقد اي ليله زياده بشي وعشرين يعني عرض روعه

فنادق لندن غاليه كمبرلاند وسيلفريدج وماربل ارتش اسعارهم تتراوح بالايام العاديه مابين 70-85 دينار بالليله وساعات تصك ال 100 وفوق على حسب الموسم

السفريات ساعات يسوون عروض عجيبه على هالفنادق الليله تصير مابين 39-49 دينار!! يعني شي وايد حلو جيكي عليهم وشوفي
​

 

[@سنووايت@]

تكفي بس بدون مشترى وايد وانا اقولج ما تقدرين ما تشترين وتروحين وترجعين بالسلامه
والفندق اسمه سنترال بارك زينه اسعاره
بس اذا تبين بالسوق في بس غالي شوي كامبرلاند

 

[alcaramella]

ممممممممممممممممممممممم الله الفين دينار زينه لاباس فيها بس قضبي ايدج بالمشترى شوي واعتمدي على الاوت ليت في بكستر فلج
بس تكفي اتوقع عاد مو كل يوم سوق

 

[داريني]

مشكورين
انا قلت الفين بروحهم من غير فلوس التسوق خخخخ
قلت حق سوق حاطه من 500 الى 700

ونفكر نروح على شهر خمسه

 

[rawona]

شهر 5 الجو حلو .. شوفي اذا تحبين تمشين شوي يعني ما تسكنين بالسوق عندج فندق كورس هايد بارك جبال الهايد بارك وعلى امتداد شارع اكسفورد يعني توصلين شارع اكسفورد خلال 15 او 20 دقيقه مشي واذا ما تبين تمشين يمه محطة اندرغراوند ومحطة باصات سهاله وبظهر الفندق محطة بادينغتون ستيشن

رخيص وكويس اهم شي نظيف ومرتب ليلته على 50 او 60 وطبعا قبل لا تشوفين الاسعار بالانترنت جيكي السفريات
البريتيش تسوي عروض حلوه للتذاكر على الانترنت

انا رحت 10 ايام شهر 12 كلفتني السفره 930 دينار تذاكر وسكن وسافرت على البريتيش ف 2000 تكفي وتزيد بعد

مابي اضيق خلقج شوي بس 500 دينار للسوق ما تسوي شغل وايد :eh_s(1): ومثل ماقالوا شوفي الاوت لت

موفقه
​

 

[ام مهودي]

2000 تكفي وتزيد دشي موقع www.expedia.com
يعطونج سعرر كامل حق الفنادق والتذاكر اتوقع لمدة اسبوع يطلع عليج 600 اذا مو ارخص حجي من موقع ارخصلج من السفريات
ولندن ما فيها شي بتصرفين عليها غير السوق والسوق مو قوي حيل حيل اغلب الاشياء موجوده عندنا بس الماركات ارخص شوي وروحي الاوت ليت لا اطوفينه

 

[alcaramella]

2000 تكفي وتزيد دشي موقع www.expedia.com
يعطونج سعرر كامل حق الفنادق والتذاكر اتوقع لمدة اسبوع يطلع عليج 600 اذا مو ارخص حجي من موقع ارخصلج من السفريات
ولندن ما فيها شي بتصرفين عليها غير السوق والسوق مو قوي حيل حيل اغلب الاشياء موجوده عندنا بس الماركات ارخص شوي وروحي الاوت ليت لا اطوفينه

الله يهديج لندن سوقها مو قوي حيل حيل عيل وين القوي !!!!!
ومن قالج لي رحنا لندن بندش اج اند ام او غاب او ماركس اند سبنسر

لا والله الا سوقها قوي وقوي قوي بعد

 

[طوق البنفسج]

السفريات عروضهم حلوه .. شوفي بالجرايد و شهر 5 راح ينزلون عروض مايو اتوقع بتكون عروض مغريه الانه وقت امتحانات و مو موسم سفر .. بس ترى شوي 500 على سوق لند سوقنا مافيه شي تدخلين البوك متروس تطلعين فاضي شلون سوق لندن كل شي يناديج تشترينه

 

[أم أنور]

والله اسبوع اذا ابتفلت ايدج ماراح ايكفي

 

[nouna82]

اي تكفي

 

[LA TROO7]

الاولت لت زبااااااااااااله مايسوى تتعنين له

فديت لندن وسوقهااا 500 شوووي عالسووق

 

[LA TROO7]

الاولت لت زبااااااااااااله مايسوى تتعنين له

فديت لندن وسوقهااا 500 شوووي عالسووق

 

[شرووود]

الفين دينار من غير السووق بتكفي ان شاء الله

بس احسن لو تدورين شقة من اللي يحسبون لج السعر بالاسبوع يعني يطلع الف باوند وشوي....على حسب عدد الاشخاص وبجذي توفرين

الا اذا تحبين الخدمة الفندقية

وفي موقع للشقق اسمه london serviced apartments يحطلج صور وتختارين في فخم وفي عادي اي كلام ...يعني على حسب الميزانية ويعطيج الاسعار.....

او احجزي من احد المكاتب في ادجور روود....




وصدق 500 ما تكفي للسوق الا اذا بتتشرين حق نفسج بس....والاوت لت مب ذاااااااك الزوود يعني ماشي حااله...