الفن رساله .. اكثر جمله تضحكني ...

[عـيّــآره]

مرحبا بنات ... اسبوع تقريبا ويخلص رمضان

ابيكم تقولون رأيكم عن المسلسلات والملاحظات الي اعجبتكم او

نرفزتكم وخلونا نتناقش وندردش مع بعض .....
(( الدعوه حوار فقط ))
انا عن نفسي عندي ملاحظه وحده ومقومه علي القولون

العصبي من كثر ماهي منرفزتني وكل وحده حابه تقول رايها حياها الله
انا ماكنت متابعه جيده للبرامج والمسلسلات كنت اطقطق عليهم

بأوقات الفراغ بس اللي قهرني وقرفني << سوري يعني بس جد شي يبط الجبد

المهم اللي لاحظته في بعض الاشيا الي طحت عليها بالغلط

وياليتني ماشفت هالشي وحبيت اخذ رايكم فيه

ابي افهم شي واحد في مسلسلات الخليج ليش دايما او خلنا

نقول الاغلب في مسلسلاتنا يطيحون في بنات الخليج كلهم

يصورونا ويوصفونا بابشع الصفات وبطريقه استفزازيه مثلا

عندكم ((واي فاي)) كان وصفهم للبنت الخليجيه يعني لاتعليق

قمة في قلة الذوق ماقدر حتى اقول بالضبط شنو قالو والمشكله

انهم من نفس الديره يعني اذا انتو هذا رايكم في بنات الخليج شنو ننتظر من الغرب
((وبعيني عينك )) الفقرة اللي يحطون فيها مقارنه عن

المتزوجين بالكويت وبلبنان وبامرريكا اشلون يعيشون مايحتاي

اقولكم من اللي بنظرهم افضل وارقى لانهم صورو بنات الخليج بعد بصوره مب حلوه وفيها انتقاص كبير

وفي البرنامج الغريب واللي بنظري فاشل ((سيووود)) انتو

تسمعونه شيقول؟؟ نرفزني يعني الكوميديا بنظرك يا استاذ سيد

انك تهين وتعيب على بنات ديرتك ماخله شي هالصبي كل شي موعاجبه
ابي افهم شي واحد ليش باغلب المسلسلات الخليجيه يقللون من

قيمتنا ويصورنا بصوره مهينه وتستفزز

في المقابل لو نشوف مسلسلات بلاد الشام يصورون البنت

ناعمه وجميله وانيقه وكاشخه 24 ساعه وتهتم

بنفسها وبزوجها وبعيالها وادواها تكون بالمسلسلات الخليجيه

انها افضل من بنت البلد واجمل واحلى @@...؟؟ خير؟؟

ولونشوف المسلسلات التركيه مايحتاي اتكلم انتو ادرى

شجعو الشباب على الزواج منهم وشجعو على السياحه لبلادهم
يعني مسلسلاتهم هي الي نقدر نقول عنها رساله

لانها اولا تسلينا وثاني تشجعنا نروح ونزور بلادهم لسياحه..

بنظري كل المسلسلات باستثناء الخليجيه يصورون بناتهم احلى

وارقى تصوير الا احنا بالخليج يمكن هاذي رسالتهم اللي ذبحونا

فيها الفن رساله والفن رساله خووووش رساله بصراحه

وعشان جذي نشوف بالافلام المصريه ادوراهم للخليجين تفشل

يا في المراقص مع ..... او سكران او حرامي اوغبي وينقص عليه.. لانه احنا اذا
ماحترمنا نفسنا وقدرنا عيالنا وبناتنا اشلون بنفرض على الغير
ا
حترامنا ابيكم بس تعطوني اسم غير خليجي صورو فيه بناتهم

بشكل مو حلو او ووصف بذيء

حتى تعليق طارق في برنامجه مع هيا ادري انها يتغشمر بس

ماشفنا احد برا يعلق على شكل او لون او خلقه الله

انتظر رايكم :eh_s(17):​

 

[manoooram]

الله يعطيج العافيه على الموضوع فعلا لاحظت ببعض البرامج التعدي على بنات الخليج
شنو سر الانتقاد اللاذع والتهجم عليهم أمرهم غريب صراحه
بس تأكدي وكوني على يقين التشويه والتعدي بهالصورة نابع من كاتب أومخرج ان كان خليجي
فما عنده غاريه على بنات ديرته للأسف ومنجرف بولاءه للبلدان الثانيه

 

[فوفو22]

الصج ينقال

ان بكل ديره فيها الزين والشين

ولكن الافضل لتلفزيون اي بلد

يطلع النماذج الحلوه والاكثر عنده

بمعنى يطلع شكل حلو للبلد من تنميه وتطوير مثل دبي تصوير اي مسلسل يكون رائع متعه للعين

اما بخصوص بعض النماذج السيئه التي تظهر بالمسلسلات

قصدهم يسلطون الضوء على مشكله معينه وموجوده مثل

في احد المسلسلات يوضحون انه هناك فئه من المتزوجات تخون ازواجها والعكس

هنا اتفق واختلف معهم

مثل ما ظهرتوا للعالم الجانب السلبي

وين الجانب الايجابي

والاهم وين الحلول

يعني نشوف 29 حلقه ادمان ومغازل ضياع اختطاف

وغيره ((واخر حلقه)) سبحان الله تنحل كل المشاكل

بدون توضيح جوانب الحلول

فوفو

 

[PuPa^^SWeeT]

هذي وقااحة صراحة من منتجين و ممثلي المسلسلات الهابطة


البحث عن عيوب الشعب و ابرازها للعالم


ليس رسالة فنية هادفة


انما هو استهزاء بانفسهم و باهلهم


وفعلا قليلين المسلسلات التي توضح الجوانب الجميلة للشعب الكويتي


بس شتقولين غير الله يهداهم


واهم اصلن يبون يشوهون صورة الخليجيات لهدف او غرض ما

الله اعلم فيه


بس احب اقول للي يتمسخر على البنت الخليجية


ترا اهي امك ولا اختك وبنتك اللي انته اتعيب عليها


و الله فوووقك يمهل ولا يهمل


راعي الناس و الخير في رسالتك الفنية


و خاف الله في عملك

 

[ŦSЩД3УФИУ]

سبحـآان الله ! فعـلاً قلتـي كل الكلآام اللي بقلبي

و ودي اقـووله . . حتـى اصـلاً لا تقارنين

بين مسلسلاتنا و مسلسلات الدول الثانيةة .. لا قارني حتى

بين مسلسلاتنا و مسلسلاتنا قبل .. بتلقين الفرق واضح

باسلووب الكوميديا و طريقة عرضهم للمشاكــل ..

و برنامج ستاند اب كوميدي هذا .. مع احترامي لفريق عمله

والله اتفشل لما اشوفه .. مع اني ما شفت الا دعايته

حتى طريقة كلامه استغفرالله تحسينه يتخبل !!!

لا و بكل مسلسل لازم في واحد كويتي سكيييير !! @@ شنوو هذا

يعطيــج العآافيـــةة عالمووضووع فديتــــــج




..




​

 

[* ليــــدي *]

اي والله مادري شسالفتهم على الخمارين كل مسلسل لااااااااازم احد سكير

وبالعكس انا معاهم الفن رساله

لان يعلم ويوصل رساله ساميه


وجهة نظر

 

[عـيّــآره]

ولو تلاحظون بكذا برنامج كوميدي يقعدون شله شباب ويعلقون على بنات الخليج

عبالهم وناسه ترا وخفة دم واللي يعيب على اشكالنا وعلى اسلوبنا

هاذي

مو كوميديا هاذي قلة ادب تذكر انه اهلك بنات وحريم وانت قاعد تشملهم بكلامك


شكرا على ردودكم​

 

[مفعمه بالحيويه]

مشكووره عياره على الموضوع المتميزز

الي يقهر تجي ممثله تقولو ياجماعه الفن رساااااااااااااله

وين رسالتهم مادري


في واي فاي فيه فقرة الشياب هذا الممثل حبيب يتطنز على بنات الخليج حتى على الصدر تكلم ؟

يقول البنات مو مثل اول الحين البنت في هالزمن متييينه وصدرها كبيرر

اما يتكلم عن الصدر بعد !!! لهالدرجه وصلو في قلة الحيااا


وسيوود هذا انسسان ماعنده غيييره

قال فيه حلقة من الحلقات البنات ركبتهم سووده..... شنو الي يضحك بكلامه ؟ ماعنده ام وخوات وهذيلا شخبار ركبهم



مادري ليش الفنانين يوصوفون بنات الخليج بأنهم بشعات ومتان ومن هالكلام الي يززعل صراحه

 

[فيونكاq8]

كلاااااااااامچ عين العقل والردود كلها صصصح طلعتي اللي بقلبي

 

[فيونكاq8]

وخاصةً مسلسل اللي مايتسمى * بنات الجامعة * مطلعين بنات لكويت بالتحديد بصصورة للاسف نخجل منها والمؤلف المشكله كويتي !!!!! بس المؤلف صراحه لو انه كويتي صج چان طلع بنات لكويت بنات ديرته بأحسسن الصور مو بنات مغازل وحش وحقد وكره !! الحمدالله والشكر بس المستوى الفنّي لمسلسلاتنا الخليجيه بشكل عام هااااابط ومن اسوء مايكون !!!

 

[شادن33]

ترا هذي صارت ثقافه تتناقل حتى بالبيبي
تعالي شوفي ألبي سيات اللي عن الخليجيات عيب والله
لاتنشروها لمجرد الضحك عيب هذا ترا يترسخ بالعقول والشباب يحسبونه صح

يعني المثلين هذولا السخيفين اللي بس يبون يقطون نكت عشان يضحكون الناس استغفر الله
مانبي انشجعهم لانوقفهم عند حدهم
في كوميديا هادفه وفي هادمه
واللي عندنا الفنانين مايختارون الا الهادمه واللي تزعزع الثقه بالنفس
اتشوفينه طول المسرحيه يعيب على خلقه ربنا ويضحك شوفوا كرشه وانت ورأسك وانتي وخشمج
شهالسخاااافه والناس تضحك
الله يعين

 

[شادن33]

ترا حتي الوافدين ماخذين فكره المسلسلات عنا
انخرع ومتان
اعرف وحده متنقبه وعبايه كتف متعرفه على دكتوره سوريه وكانت بس اتشوفها بالنقاب ومرات اتشوف ويها
ومره عزمتها للبيت ويت
وكانت المره لابسه ومتكشخه وشعر وجسم سمبتيك وجذابه الدكتوره فجت حلجها ماتوقعت جذي تحسب منقبه وعبايه ماتعرف شي باللبس ههههههه
جان أنقولها والله يا ام فلان محلاكي كنت امفكرتك كبيره ومتينه ههههه

الله يعين

 

[pink^q8]

البنات كفو ووفوا انا من ناحيتي المسلسلات الخليجية ماحب اطالعها لان دايما على قولتهم ناشرين غسيلنا حق العالم ومصورينا ان احنا استغفرالله ؟؟؟؟؟؟؟؟ والله ان انا اطالع مسلسلات مصريه والله مافيها ان اهما يصورون بناتهم مو زينين دايما مصورين الخليجين ان موزينين حتى الامريكان بافلامهم دايما اشوف مصورين واحد بغتره وعقال يعني خليجي وقاعد يلعب قمار ولا سكران الصراحه احنا مانقدر نسوي شي لازم يكون فيه قانون يمنع تشويه صورة الخليجيين مهما كانت عيوبهم وكل دوله فيها الزين والشين والا احنا بس اللي شينين

 

[المرتاحة]

انا بتكلم بنقطة ثانية عن هالنسلسلات ،انا ما قهرني الا حسن البلام بمسلسل كوميدي واعتقد اسمه واي فاي لما قعد يتطنز علي الأغاني البحرية التراثية الكويتية الاصيلة و علي آبائنا وأجدادنا البحارة ، استغرب يعني وين الرقابة لهدرجة تخلف فيهم و ما يفهمون ان هالشي ما يعتبر كوميديا بالعكس هذا تقليل و تحقير لعادات أجدادنا الحلوة التراثية والله وانا قاعدة أطالع الحلقة انا وابوي وإخواني ما أشوف احد فيهم ضحك بالعكس كلهم عصبوا بصراحه في بعض السوالف الفن يمصخها و بصراحه حتي بعض الاشياء اللي تنعرض مؤ مدروسه المهم يبون يمثلون و بس

وهم النقطة اللي ذكرتيها بطريقة تقديمهم للبنت الخليجية وأخص المسلسلات الكويتية علي انها تظهر البنت الخليجية دفشه وما تعرف الذرابه والسنع وخصوصا المسلسلات الكويتية ، يعني بمسلسلات الخليجية تكاد تكون هالظاهرة مو موجودة بمسلسلاتهم ولو انها نادرة.

 

[Miss Basma ..}]

صارلي سنين ما تابعت مسلسل كويتي
أغلبهم أحداثهم مكررة و متشابهة
قتل خمر زواج طلاق هواش ضرب خمر و نفس الأحداث
مافي تجديد و الأحداث سلبية جداً

مسلسلات الأجانب فيها تنويع و قصص مختلفة
أما مسلسلاتنا أغلبها نسخة من بعض إلا عدد قليل جداً
إذا ما يعرفون يألفون قصص عندهم روايات يقتبسون منها
في وايد روايات عربية و كويتية تهبل و ما فيها الخرابيط الي بتمثلياتنا
يقدرون يقتبسون منها

 

[ماكواسم2]

اكو كويتية تمثل كلهم اجنبيات ينفسون عن الحقد اللي فيهم

 

[عاشقه رويشد]

انا ما يغثني قطيعه من يطلع ودي اكسر التلفزيون انسان تافهه درجه اولي وبرنامجه اتفهه واغلب المسلسلات لازم يطلعون الجانب الخايس بالمجتمع كله البنت تغازل وتكلم ومادري شنو يعني والله عيب ويقصون علي نفسهم رساله اي رساله بالله لا لبس محتشم ولا كلام مثل اوادم الفاظ سوقيه

 

[عـيّــآره]

ادوار البنات في المسلسلات الخليجيه ومضمونها كلها مكرره من كذا سنه

الخليجيه فاشله وماعندها الا السوق وتافهه ولعابه ومامنها فايده

بس هالسنه الي استجد بالساحه التعليقات البايخه الي بكل برنامج كوميدي او مسلسل

(( ام ركبه _ ام كرشه _ بطه _ سمره _ شعر يابس _ ) هالصفات التافهه اللي بكل جرئه صارو

يقولونها غير الصفات الثاني اللي ماتندكر شوفو حلقه سيود اليوم شنو قال انصدمت منه

يسلموو لمروركم بنات​

 

[قَلبڪْ صًخرْ]

صاجه كله تشويه وقلت ادب
ولو تلاحظين 90٪ من الممثلات
مو خليجيات ،،


شوفي مسلسل ملحق بنات كله مغازل وصياعه
وبنات الجامعه ... مسلسل منحط

وسيود سخيف تافه مليغ
اصلا منو يتابعه !

 

[عـيّــآره]

^^^

اشلون يختي محد يشوف ماتشوفين المسلسلات اللي برا اشلون يصورونه واشلون نظرتهم عنه الكل يشوف صدقيني والدليل الفكره اللي ماخذينها عنها

اول مره اشوف شعب يقلل من قيمة نفسه الحمدالله والشكر

على قولتهم الفن رساله ​