الفندق !!!

[قلبهـ 86]

السلام عليكم ورحمه الله وبركاته



شلونكم شخباركم من زمان عن المنتدى انشغلت بالتجهيز والجامعه


المهم ياطويلات العمر ،،

انا بتكون ليلتي بالفندق وراح اقعد 3 ايام شنو اخذ معاي !!!! ابي مساعدتكم ضروري

 

[ديزاينر الكويت]

مبرووك مقدما قلبي

اول شي الملابس ( بدلتين طلعه او ثلاث و اذا تلبسين عبي عبايتين كافي - قميص نوم اول ليله و ثاني و الثالث كيفج - بجامه كشخه تقعدين فيها - لبس قصير واحد تقعدين فيه بالغرفه - اندروير قولي 5 لان كل شوي بتسبحين - ثوب صلاه لا تنسينه )

ثاني شي ( سشوار او ستريتر - علبه مكياج بسيط - دهن عود او مسك العروس و عطرج - مزيل مكياج او كلينكس معطر - فرشه و مشط ههه )

فوطه لا تاخذين لان راح تاخذ مكان علي الفاضي و موجوده بالفندق اصلا

بسس هـذا اللي اتذكره ههه

 

[شموخ داري]

الله يوفقج اختي ديزاينز الكويت فدتج يعطيها العااافيه

 

[ام غازي 2012]

اخذي لج بدله كشىخه مع جوتيهاا وكسسوارتها
علشان لا رديتي من الفندق لبيتج تلبسينه او ممكن يقول لج بوديج عند اهلي

 

[ام غازي 2012]

واذا ذكرت لج شي بقولج

وممبروك والله يتمم عليج

 

[كيك و حلاوهـ]

اب اب

 

[yam_yam]

لاتنسين العلج
و اللوشنات :eh_s(4):

 

[Adele]

البنات ماقصرو

اب اب

 

[خجل~]

حبيبتي


خلي جنطة الفندق متوسطة الحجم مو كبيره ولا صغيره حيل ،

وحطي داخلها جنطتين صغار جداً

وحده للمكياج وتتكون من :



بودر الوجه + كريم اساس + بلاشر خدود بنك +قلم كحل اسود + قلم كحل ملون اخضر or تركواز
روج احمر وروج بنك +زبده كاكاو فروله+ <<<زبده مرطبه وبديله للقلوس
مانكير لون اختياري + اسيتون
منديل مسح المكياج
علبة شدو صغيره فيها الالوان الاساسيّه



والجنطة الثانيه الصغيره خليها اكبر من علبة المكياج وتتكون من :



معجون اسنان + فرشة اسنان + علج معطر + ديودرنت +
شور جل + عود اذاني بس مو كله جم حبه تحتاجينها +
غسول المنطقه الحساسه + مرطب للإيد ،
شباصه وحده لون آسود اذا تحتاجينهآ





امّا الملابس حبّوبه عاد بكيفج

اخذي غير اول ليله ٤ قمصآن نوم

وانتبهي لا يكون عاري بالمره لانه تو الناس ،

وكم بدلة تحتاجين

عبايه لا تاخذين اكثر من ثنتين



وبس هذا اللي قدرت اساعدج فيه

موفقه حبيبتي

 

[M!SS.LOBY]

بالمبارك مقدما
لا تنسين اهم شئ اذكار الصباح والمساء
وثاني شغله ضبطي لج كوافيره حق ثانى يوم ولا تنسين بدلتج ثانى يوم

 

[Rooz Aziz]

ماقصرت ديزاينر

 

[Riema]

حبيبتي اخذي معاج اغراض كانج مسافره يومين
ولاتنسين مجموعه مع لوشنها وشور جل وحده كافي
وعطرين فرنسي والاحسن يكون واقد ريحته قويه والثاني خفيف وهادي للبيجايم والقمصان
وجنطه مكياج صغيره
مناديل مزيل للمكياج
مزيل العرق فرشه ومعجون اسنان مشط قطن اذاني علج او حلاو
استشوار يكفي ماله داعي استريت
روب مع فوط (نصيحه لاتستخدمين اغراض الفندق )
مداس
كثري من اطقم الداخليه اخذي 6 اقل شي
اخذي جنطه تجي طقم ملقاط مع مقص ومقراظ اظافر

اهم اهم اهم شي اخذي معاج كاوايه بخار يدويه الصغيره ملابس تعفس من مجرد تحطينهم بالجنطه وخاصه بيجايم الستان والعبي
اذا ماعندج اشتريها رخيصه سعرها اقل من 10 دنانير

 

[قلبهـ 86]

حبيبتي اخذي معاج اغراض كانج مسافره يومين
ولاتنسين مجموعه مع لوشنها وشور جل وحده كافي
وعطرين فرنسي والاحسن يكون واقد ريحته قويه والثاني خفيف وهادي للبيجايم والقمصان
وجنطه مكياج صغيره
مناديل مزيل للمكياج
مزيل العرق فرشه ومعجون اسنان مشط قطن اذاني علج او حلاو
استشوار يكفي ماله داعي استريت
روب مع فوط (نصيحه لاتستخدمين اغراض الفندق )
مداس
كثري من اطقم الداخليه اخذي 6 اقل شي
اخذي جنطه تجي طقم ملقاط مع مقص ومقراظ اظافر

اهم اهم اهم شي اخذي معاج كاوايه بخار يدويه الصغيره ملابس تعفس من مجرد تحطينهم بالجنطه وخاصه بيجايم الستان والعبي
اذا ماعندج اشتريها رخيصه سعرها اقل من 10 دنانير

ياقلبي الكوايه البخار الاصغيره وين احطلها

 

[قلبهـ 86]

ماقصرتو فديتكم نردها لكم بالأفراح يارب

 

[موكا لاتيه]

مووووووفقه

 

[وطن قلبي]

ماقصرتي تحياتي لج

 

[يآحبي آفهم]

اهم شي الاندرويرات كثري منها

 

[بكيزة هانم]

ماقصروا موفقة

 

[قرة عيونه]

حتى انا كنت افكر بهالموضوع

شكراً للبنات اللي فادونا