الفزعه

[wahag]

مرحبا ساعدوني كتبت سوالي ولا طلع مادري شنو المشكله سؤلي هو شنو سبب ظهور حبوب حول حلمة الثدي والحراره في الصدر قالولي انه معناه ارتفاع في هرمون الحليب،اناخايفه وايييد ،جاوبوتي تكفون:sfg::sfg:

 

[*me*]

حبيبتي ماعندي اي فكرة بس روحي الدكتورة أحسن عشان تتطمنين وإن شاءالله خير

 

[كويتيه مذهله 87]

حبيبتي ماله شغل الحبوب والحراره بارتفاع هرمون الحليب لا غلط قاييلج معلومه غلطه شكواا هذا بهذااا
احسلج روحي خل تفحص عليج الدكتوره وتاخذلج تحليل دم علشان يبين اذا فيج ارتفاع ولا لأ علشان تطمنين وانشالله ياربي ما فيج انتي بس لا تحاتين

 

[wahag]

مرحبا،شكرا خواتي علي تجاوبكم،بس انا خايفه اروح للمستشفي اخاف يتعبثون فيني،لاني ماني في ديرتي اناحاليا في بريطانيا،وشكرا مره ثانيه ـhmama ـكويتيه مذهله ـme

 

[الغــ مرت ــالي]

انا بعد فيني حبوب بس مافيني ارتفاع في هرمون الحليب

لان رحت مره عند دكتور احمد الانصاري وفحصتني السستر وقالت مافيني حليب او هرمون الحليب

لاتحاتين حبيبتي اعتقد هذا شي طبيعي خصوصا اذا كنت تعالجين

 

[نوسه الحلوه]

عادي حبيبتي انا من علامات الحمل عندي تبرز حبوب حوالين الحلمه ويصير لون الحلمه بني غامج مايل للسواد يعني هالشي يتغير من وحده لوحده

 

[إستبرق]

والله ما ادري بس حبوبه حتى لو مو بديرتج روحي لدكتور وسوي تحاليل احسن لج وانشاءالله خير

 

[wahag]

مرحبا،مشكوره اختي مرت الغالي والاخت الحلوه نوسه علي المرور وماقصرتوا ،وبالنسبه ان الحبوب علامه من علامات الحمل ماظن اتوقع تختلف من وحده لوحده، لان الحبوب لها فيني مدة ثلاث شهور

 

[-Bello-]

انا اللي اعرفه الحامل اللي يطلعلها جذي

 

[Swan]

اذا ما تبين تراجعين الطبيب
سوي تحليل دم لهرمون الحليب واسمه بالانجليزي برولاكتين بأي يوم بس الاحسن بثاني او ثالث الدورة
وشوفي اذا مرتفع والا طبيعي وريحي اعصابج من هالمحاتاه
وان شاء الله مافيج الا العافية

 

[wahag]

مشكورين وماقصرتوا على الردود والله انا متوتره الدوره متاخره على لها يومين واخاف اسوي تحليل وانصدم اني ماني حامل انا راح انتظربعد كم يوم واسوي تحليل وانشاء الله خير،والله يااخوات لم اتصفح معكم واسولف انساء اني في الغربه

 

[*me*]

wahag
حبيبتي إن شاءالله تطلعين حامل وإذا لأ ما عليه كل شئ بوقته حلو متى ما ربي كاتبلج الحمل بتحملين إن شاءالله
وبالنسبه لج فبريطانيا بالعكس احسن لج تروحين هناك ... نطري يومين وروحي راجعي ويا رب خير
والله يرزقج ويرزقنا وكل محرومه بالذريه الصالحه عاجلا غير آجلا يا رب العالمين

 

[wahag]

الدوره لها ثلاث ايام عندي احساس وان شاء الله يكون صحيح اني حامل ، نفسي منسده وحاسه بالوعه وصدري ذابحني من الوجع سؤالي هو اني حاسه بالام الدوره واحيان يطلع مني هواء من المهبل هل هذا طبيعي ارجوكم جاوبوني ،وادعولي انه حمل والله اثبته

 

[*me*]

ياااااااااااااااارب بااااااااااااااااااااااااااااااارب تطلعين حامل حبيبتي
بانتظار البشارة

وبالنسبه لإحساسج بآلام الدورة هذا شئ طبيعي

 

[wahag]

السلام عليكم،مشكوره اختي me على ردك ولك البشاره الحمدلله والشكر لله سويت تحليل وطلعت حــــامل ،باركولي ،وادعولي ان الله اثبت حملي ويرزق كل محرومه من الخلفه يـــــارب

 

[*me*]

السلام عليكم،مشكوره اختي me على ردك ولك البشاره الحمدلله والشكر لله سويت تحليل وطلعت حــــامل ،باركولي ،وادعولي ان الله اثبت حملي ويرزق كل محرومه من الخلفه يـــــارب

حبيبتي الف الف الف الف مبرووووووووووووووووووووووووك والف حمد وشكر لله
وياااااااااااااااااارب يااااااااااااااااااااااااااارب يثبت حملج ويسهل عليج فترة الحمال ويتممه ويقر عينج بشوفة ضناااااااج ويجعله من الذريه الصالحه قولي آمييييييييييييييين والله فرحتلج مثل إختي عاد ماوصيج ريحي نفسج عالآخر خصوصا اول 3 اشهر مو تجهدين روحج ولا تنسين ركعتين الشكر لله

ويااااااااااااااارب يرزق كل محرومه بالضنا عاجلا غير آجلا ياااااااااااااااااااا رب يا كريم

 

[wahag]

مشكورة اختيhmama بالعكس والله ماهي لقافه اناعادتكم مثل خواتي وبالنسبه لشعورنا استانست انا وزوجي كثير وعلى طول لم عرفت النتيجه صليت اناوزوجي ركعتين شكر لله،واختي me مشكوره حبيبتي على ردك وماقصرتي واناعلي طول مرتاحه وماني مجهده نفسي.ويااااااارب يرزقكم بالذريه الصالحه ويرزق كل منهو محروم منها يااااااارب،والله لم كنت ادعي ان الله يرزقني الحمل كنت ادعي لكل المحرومات من الظناء ان الله يرزقهم قبلي:yaaaaaarb:

 

[Swan]

ألف ألف ألف مبرووووووووووووووووووووووك الحمل
والله يثبت حملج ويتممه يقر عينج وعين ريلج بالذرية الصالحه
والله يرزقني وكل محرومة بالذرية الصالحه

 

[wahag]

الله يبارك فيك انشاء الله اختي swan ويرزقك يارب انتي وكل محرومه من الظناء ااااامين ياارحم الراحمين ترزق خواتي عاجلا غير اجلا:e3::e3: