الفزعه مالي غيركم ...

[أمل q8]

السلام عليكم ورحمة الله وبركاته


بنات مادري شلون أبلش الموضوع .. بس أنا قاعده أمر بشغله مصيريه ولازم يكون وياي سند بس الكل رفض يساعدني بسبب المنحاس والخلافات وهالشغله ترجعلي بفايده ولاتضر أحد غيري بنات قلبي يرقع من الخوف وأحاتي والله ماجذب عليكم صارلي 3 أيام أنام ساعه بالكثير باليوم ولاخلالها أفز كل عشر دقايق أحاتي شلون بسوي هالشغله بروحي لازم سند معاي بس الكل رافض مالهم خلق ومشغولين بعيالهم وحياتهم ... المطلوب تدعولي وأبي أدعيه وأيات أقراها قبل لاأقدم علي الشغله عشان تيسرلي هالشغله علي خير وشنو أسوي بنات لأن خلاص أحس عقلي بيزر ...



وماتقصروون ...​

​

​

 

[كويتيه إنما أيه]

رد : الفزعه مالي غيركم ...

اي شنو هالشغله المصيريه والا ما يصير نعرف ؟

 

[<ام تركي>]

رد : الفزعه مالي غيركم ...

الله وياج بس شنو هالشغله عشان نساعدج اكثر

 

[غرور وايل]

وعليكم السسلام ~

الله يفرجها عليج ~

وان ششاء الله تنحل وتبشريناا ~

 

[al3sooola]

قولي اللهم لا سهل الا ما جعلته سهلا فانك تجعل الحزن اذا شئت هلا

 

[ام محمد الشمري]

الله يووفقج ويصلح امرج وويسر لج الخير

في دعاء دايما اقووله ووسبحان الله يتيسر امري

اللهم لا تجعل لي ذنب الا غفرته ولا هم الافرجته

ولا جاجه في الدنيا لك في رضى ولي فيها صلاح الا قضيتها

وكثر الاستغفار

 

[* بنت المطر *]

الله يعينج الدنيا ماعاد فيها خير ومحد فاضي لحد تعلمي تعتمدين على نفسج وتسندين نفسج بنفسج

قووي قلبج الله يكون بعونج مريت بمثل حالتج واااااااااجد وغصبت نفسي ع التعود ياشين منة الناس

وياليت تشرحين لي بالخاص شنو هالشغله يمكن اقدر اساعدج !!

 

[هاديهـ&مطيعهـ]

الله ييسر أمورج ادعي بالثلث الأخير من الليل ماراح تلقين سند أفضل من الله عزوجل

 

[Tom ♥ Jerry]

رد : الفزعه مالي غيركم ...

.


الله يحقق الي في بالج اذا كآن خير لج
و يهديج يارب ..

 

[* ليآن *]

رد : الفزعه مالي غيركم ...

الله يسهل ويسر امورج يارب

 

[DreaMo'O]

الله يسسر امورج ويفرجها عليج

 

[المتميزة@80]

رد : الفزعه مالي غيركم ...

الله يسهل الامور عليج ويوفقج انشاءالله .

 

[Fstani]

رد : الفزعه مالي غيركم ...

الله يسهل عليج ياارب :hjy5jewf:

 

[al-musk]

رد : الفزعه مالي غيركم ...

من توكل على الله فهو حسبه

 

[angell]

رد : الفزعه مالي غيركم ...

الله يوفقج ويسهل عليج كل خطوه

 

[::كيك وعسل::]

رد : الفزعه مالي غيركم ...

استخيري وتوكلي على الله

 

[*الشيـــهـانـة*]

رد : الفزعه مالي غيركم ...

كثري من الاستغفار والله انه حل لي مشكله كبيرة بفضل الله

 

[honey lust]

حبيبتي قولي هالدعاء انا كل ما رحت ابي اكلم دكتور اقولها قبل ما ادخل عليه
اللهم ملكني قلب من احوجتني اليه و اسلل سخيمه قلبه
و انشالله امورج تتسهل

 

[الغاليه ام احمد]

اذا الشغله فيها خير لج ولغيرج الله يوفقج