الفرق بين سونار الطوارئ والعيادة... خبرتكم بنات

[زشتة]

مساء الخير كروشاتي العزيزات

امس بالليل طحت تعبانه وطار زوجي المستشفى ورحت قسم الطوارئ


حسيت بغضوطات على الصدر وعوار ظهر خفيف بس الخواصر شوي شبت علي


عطوني درب خفيف وكل شي قالو ما ياثر


الحمدلله تطمنا على البيبي


بس الصدمة كانت لمن الدكتورة تقول


there is no problem with you boy

كهربا نزلت علي من السما

انا بنص السابع تقريبا وتقول ولد
وزوجي الوسواسي ين
طلعنا قعد يحن يقول هالسونار غلط
لان مال طوارئ بو طقه يخورها
وقام يشك ان يحطون فيديو هههههههه

طبعا الحين محنج يبي سونار يتاكد اذا بنت او ولد


احنا جهزنا لبنوته واهو حيل تضايق لان يحب البنات اكثر وغير ان قام يوسوس


الحين مادري كروشات نصدق السونارات القديمة ولا مال الطواري الكحيان
لان اخر مرة قبل 10 ايام موعدي بس البارحة تعبت ورحت المستشفى
واخاف اسوي سونارات وايد ويتأثر الجنين وموعدي الياي 19/9
بتظل مشتغلة فينا لي هاليوم
والصراحه خايف من ردة فعل اهله ان قال لهم بنت وطلع ولد
واذا قال ولد يقولون قصيت علينا

الحين شلون ابي خبرتكم

انا بالاسبوع ال28 واخر مرة سويت سونار بال26 وأمس

ومشكورين

 

[عسوله شقره]

عيدي السونار وتأكدي

 

[Aloe Vera]

عادي السونار ما يضر و لا ياثر
عيديه و تاكدي

سونار الطوارئ جودته اقل حسب تجربتي

 

[مزآجيه!]

انا بس بعرف عند منو تراجعين !!

منو دكتورتج؟

اللي مسويه لج رباعي ومو متأكدة من نوعه ومره تقول ولد ومره بنت !!

 

[عن النسآ أفرق ~]

سوي سونار رباعي وتأكدي
الله يكتب الخير ويتمم
يمكن خيره تعبتي عشان تعرفين انه ولد

 

[سيلينا]

عند منو تراجعين . منو الي قالت لج بنت .؟ يعتمد على دكتورتج ؟

وهم الطوارئ اي مستشفى ؟ وهل السونار كان واضح؟

لا تتضايقين الله يكتب الي فيه خير بنت ولا ولد كلهم خير ونعمه
والسونار لو عدتيه ما له مضره

 

[زشتة]

والله بنوتات دكتورتين اروحلهم
دكتورة زينب برويال حياة وبهواني (متفقين ان بنت)


والرباعي سويته بدار الشفا والطوارئ اللي رحته مال دار الشفا (واهم اللي قالو ولد)

 

[M!SS.LOBY]

الله يكون بعونج

 

[M!SS.LOBY]

سبحان الله

 

[M!SS.LOBY]

الحمدالله

 

[M!SS.LOBY]

الله أكبر

 

[M!SS.LOBY]

استغفرالله

استغفرالله

استغفرالله

 

[Dalo3at Rayli]

حبيبتي عيدي السونار ما راح يضر ..
روحي عند دكتور محمد السماك بعيادة بوحمره ,
وااايد شاطر قاللى الجنس من اسبوع 14 !

و صور لي العضو خلاني اتاكد من نفسي ..
و كل شي من الله حياه الله :eh_s(17): ,


​

 

[كيميائيه]

السونار ممكن يغلط ويخربطون بالبل السري
خليها توريج العضو وبهالاسبوع بيبين عدل العضو
وعيدي السونار بمكان ثقه

 

[Um Rashed]

انا دكتورتي صورت لي العضو للتاكد .... لو انتي ماكده عليها يوم رحتي الطوارئ انه شلون ولد واهم قايلين لي بنت ؟؟ وجان قلتي لها وريني اشوووف اتاكد .... عادي لاتحاتين اللي من الله حياه الله ...والله يبارك لكم فيه او فيها

 

[Mrs.H]

اختي العكس قالولها بنت وفيها ولد مع العلم ان سوناراتها من قبل ولد واهيا سوته برويال حياة

 

[حشمه]

السونار مايضر لو تعيدينه

ومره قالت لي دكتوره الطواري

سونار مو واضح لاتسوينه بالطوارئ بالسلام

بس عشان تطمنين روحي حق اخصائي سونار

السونار يكون عنده واضح وتاكدي

تصدقين موضوعج عطاني امل يمكن سوناري غلط ههههههههههه

الحمدالله على كل حال

 

[M!SS.LOBY]

الله يكون بعونج

 

[M!SS.LOBY]

سبحان الله

 

[M!SS.LOBY]

الحمدالله