الفراق يصير وعيونك تشوف .. ماهو بإيدي !!

[عبالكم كسرتوني؟]

السلام عليكم ..​

هالموضوع من زمان يدور براسي ،، يمكن راح يقلب المواجع
بس سامحوني مو قصدي اجرحكم ..
واللي تحس ان الموضوع سخيف ما انصحها ترد
لأن في ناس ليلحين منجرحين من هالموضوع ومابي اضايقهم اكثر ...
موضوعي اليوم للبنت اللي كان كل حلمها انها تتزوج الشخص اللي حبته سنين
واهوا بعد حبها بس الايام غدرت فيهم
بسبب المذهب او القبيله او او او ......إلخ
تمسكوا بحبهم ،، حاولوا يقاومون .. وبالاخير استسلموا
اهي شافت نصيبها واهو راح بطريجه ..
اللي بعرفه الحين
عقب ما انتي تزوجتي غيره شنو شعورج ؟؟
قدرتي تنسين الشخص اللي حبيتيه ولا بعدج تذكرينه ؟؟
شلون تتعاملين مع زوجج وبقلبج واحد ثاني ؟؟
اسئله وايد تدور براسي !!
اللي يخصها الموضوع ياريت تجاوبني وتطلع اللي بقلبها ..

بليز بنات لا تفتحون اي مجال للهواش
وانا ما حطيت الموضوع إلا لأني واثقه انكم بتقدرون ظروف هالبنات وبتدعون لهم بالخير ..​

 

[غزالي وبس@@]

الحب الصجي مايجي الا بعد الزواج والعشره مادري انا احس جذيه وهذي وجهه نظري نشوف راي باقي البنات

 

[أسيرة_أحزاني]

رد : الفراق يصير وعيونك تشوف .. ماهو بإيدي !!

ودي افيدج بس ماعندي جواااب الا اني ادعيلج الله يمسح على قلبج

 

[ميـسـٍـٍآإآء..ღ]

رد : الفراق يصير وعيونك تشوف .. ماهو بإيدي !!

حبيبتي

دام انه ماجاءءءء من نصيبج

انسيه عشان حياتج تمشششى

لو افترضنا انج مانسيته .. تتوقعين ببتزوجينه ..؟!

او يعني بتتغير فكره اهلج او اهله ..

حبوبه وانسسسسسسسي السالفه وافتحي صفحه جديده لـ حياتج

هذي نصيحتي لج


تقبلي مروري

















،،،،،

 

[عبالكم كسرتوني؟]

مشكورين حبايبي عالمرور
حابه اوضح شغله
انا مو متزوجه وهالشغله ماصارتلي "وان شاء الله ماتصير"
بس وايد اسمع قصص عن هالبنات وحيل يكسرون خاطري
احس حرام ينحرمون من شخص حبوه لأسباب تافهه ..

 

[شــــــــــــــوقــــه]

الله كريم

 

[دوووووووووووبا]

لازم البنت تنسى عشان الشيطان لايلعب فيها وممكن يوصلها للـ
خـــــــــــــــــــــيانه
واحيان يكون الزوج طيب ويدور رضى البنت فـ ماله داعي تفكر بغيره
حب زوجها لها ينسيها الحب القديم باذن الله
والله يوفق الجميع

 

[الحنــونــة]

بصراااحه انا دشيت عشان >>>> لاتضحكين علي
عشان غنية نبيل شعيل الي حاطتها عنوان موووضوعج
امس كله ادووورها باليوتيوب مو محصلتها
شسمها الاغنية
ومشكوووووووووووورة

 

[monmon12]

ما نسيته ولا راح انساه ولي هاليوم ابجي وكلامج توه بجاني


انا خذيت نصيبي من الدنيا وياه وبس مابي بعد شي ثاني

الحمدلله

 

[زينانه]

لازم تنساه وتحاول تتاقلم مع زوجها وتحاول تحبه وتصونه
وصدقيني يمكن زوجها يصير افضل من حبيبها 1000 بالميه
وبعدين اذكري فبالج وحده اخذت حبيبها غصب عن اهلها وارتاحت لاخر درجه
بالعكس بتلقين حياتها كدر بكدر... وربي ماراح يحط البركه فبيتها
اول شي لانها عاندت كلام والدينها وثاني شي لان مافي رجال يستاهل اترك اهلي عشانها
شنو بيضمنج انه ماراح يخونج والا يدوس عليج بيوم من الايام

 

[عبالكم كسرتوني؟]

ما نسيته ولا راح انساه ولي هاليوم ابجي وكلامج توه بجاني


انا خذيت نصيبي من الدنيا وياه وبس مابي بعد شي ثاني

الحمدلله

بعد عمري لا تبجين والله مو قصدي ابجيج
بس ابيج تطلعين اللي بقلبج وتقولين كل اللي بخاطرج
وانا حدي حاسه فيج وراح افهمج
انتي تزوجتي غيره ؟
وشنو حالتج الحين ؟؟

 

[انا مو هني]

رد : الفراق يصير وعيونك تشوف .. ماهو بإيدي !!

لمن الوحده تتزوج اتصير خوش مرا وتحب ريلها وان ما حبتا تحبه غصب وان ما حبتا غصب نادوني احببها فيه

 

[المـــاســــة]

اييييييه الله المستعان

يصبر اللى حظهااا مال

 

[عبالكم كسرتوني؟]

بصراااحه انا دشيت عشان >>>> لاتضحكين علي
عشان غنية نبيل شعيل الي حاطتها عنوان موووضوعج
امس كله ادووورها باليوتيوب مو محصلتها
شسمها الاغنية
ومشكوووووووووووورة

ههههههههههههههه ضحكتيني والله
شرفني مرورج حبيبتي
اسم الاغنية : لعبة الايام

 

[عبالكم كسرتوني؟]

عشيقج لاتاخذينه وطليقج لاترديله​

المثل هذا ياليتني طبقته بحياتي جان ارتحت

شوفي ياقلبي عن تجارب اللي حولي وعشت معاهم كل لحظه بحياتهم صدقيني اللي تقول الزواج بينسيج

اللي حبيتيه كلامها مو صحيح الا بحاله وحده انه ماكان حب حقيقي بالأساس , الحب الصجي مايموت

ولاينسي مع الأيام بس يمكن الوحده تتناسى مو تنسى عشان تكمل حياتها

معاج بكل كلمه قلتيها
بس مو جنه المثل عكس كلامج ؟!
او يمكن انا ما فهمت عدل ..

 

[فاقده ابوهاااا]

رد : الفراق يصير وعيونك تشوف .. ماهو بإيدي !!

الزواج قسمه ونصيب وما تدرين يمكن الي كنتي تحبينه يطلع شين والي عمرج ما حبيتيه يطلع احسن منه بمليون مره وياما ناس حبوا بس ما تزوجوا وهذي مو نهاية العالم الواحد لازم يكمل حياته ويرضه بنصيبه صج ان نسيان الحبيب شي صعب ومؤلم بس الواحد لازم يتأقلم مع حياته اليديده

 

[سنفوره كويتيه]

رد : الفراق يصير وعيونك تشوف .. ماهو بإيدي !!

انا مو متزوجه

بس الله لا يقوله انحط بهالموقف

لان مجرد التفكير فيه توه احس يتلي القشعريره

 

[الصعيريه]

رد : الفراق يصير وعيونك تشوف .. ماهو بإيدي !!

كل شي قسمه ونصيب

 

[حلوه وبس]

شي صعب و صعب حييييل

الله يجبر على قلب كل وحدة مرت بهالموقف

 

[monmon12]

بعد عمري لا تبجين والله مو قصدي ابجيج
بس ابيج تطلعين اللي بقلبج وتقولين كل اللي بخاطرج
وانا حدي حاسه فيج وراح افهمج
انتي تزوجتي غيره ؟
وشنو حالتج الحين ؟؟

لا ما تزوجت مو لني رافضة الزواج بس انا ما تقدومولي وايد والي تقدومولي

مالقيت الي يناسيبني حيييل فرق بيني وبينهم

وانا اشوي تفكيري صعب والسباب ما يبون وحده نفسي

ساعات أتذكره باشياء صغيرة خلاص تخنقني العبرة اتحمل واسكت

هذا الشي محد يعرفه غير البنت الي مرت نفسي
ألم ماله حدود وكسر قلب
ما تعرفين شنو تسووين بس لازم تصيرين قويه

ولازم تصبيرين عليه وانتي عارفه زين انه ماله نهايه او حل


انا مو قاعده اتكلم عن علاقه عابرة وخرابيط
انا اتكلم عن عمر وعشرة ومواقف

بس تفاصيل العلاقه ماحب احد يطلع عليها بس مافيها حرام

انا الحين عايشه حياتي ادرس واطلع واسافر واسوي كل شي بخاطري
بس دايما في بالي ايهو مااقدر انسى
بعد هذا قلبي

لا مطلوب مني انسى ولا وقفت حياتي بس الي بقلبي خاشته وساكته
وصابره لنا انا صج احبه بس ماخلي قلبي يمشيني

عقلي ايهو الي مشيني بس مشاعري مو بيدي