الفحص وما ادراكِ ما الفحص تعالو نتناقش

[كتكوته حبيبي]

السلام عليكم حوامل و ووالدات شلونكم انشاء الله تمام الموضوع مبين من العنوان
انا على كثر ماسمعت عن الفحص عن عواره وانا ولاده ثانيه او عوار الولاده اهوون قمت اخاف وافكر اني مابي احمل الحين احس مو مستعده هههههههه ياريييت كل وحده جربنا الفحص تقولنا شلونه واشلون العوار محتمل ولا كلش مانقدر نتحمله نزيين وبعد اشلون وضع الي غشائها مطاطي عفواً ع التوضيح او الي غشائها ما انفض يعني حمات من اول ليله واهيا بنا ليما الولاده هل لها عنايه اكثر او تقدر مثلااتطلب كمام وقت الفحص او يحطوولها مخدر وتقدر تكلم دكتورتها تفهمها الوضع ولا تسكت لي الولاده في بعض الدكاتره يعصبون اذا درو انا الغشاء موجود وبعضهم دفشات تلقينها تسكت اوو وقت الفحص تفضه من غير سابق انذااار خخخخ قولونا بنات خنسمع تجاربكم ونتطمن

 

[الدنيا غير]

لا تذكريني بالفحص الله يعيني
انا صراحه ما أتحمله وسالفه الكمام انسي ما يحطون الا اذا انتي خلاص واصله و فيج ولاده
خو انا اول ما ادخل التاسع كل يومين لازم فحص ياويلي وتعالي عاد شوفي بالولاده ماكو سستر ولا دكتور ما يشوف اهوا زين يسهل الولاده و يوسع الرحم بس يعووووووووووور ..​

 

[كتكوته حبيبي]

يماا خرتيني انا عوار الجماع موقاده اتحمله او الايام عيل شلون الفحص وااي الله يعينكم ويآجركم انشاء الله

 

[عروسة بيبي]

انا كنت متصرقعه منه وكله احاتيه لين صار وقته وجربته صح يعور بس عادي عوار بوخمس دقايق او اقل بصراحه يعني عااااادي يحتمل مو نفس ماصوره بعض البنات وخلوني افكر واحاتي يعني طلع مو لهدرجه وعوار عادي بس لانها تضغط شوي وسوي نفس ماتقولج الدكتوره خذي نفس عمييييق. وسهالات ان شالله انا بجر واول تجربه لي ادعوووولي ربي يسهل ولادتي ع خير ...

 

[TINA]

بنات يعني لو انا اراجع عند دكتور متى يبدي الفحص هذا ؟ اي شهر انا بالسابع الحين و السستر تسويه ولا لازم الدكتور؟؟ انا بكرية اول مرة اسمع عن هالفحص

 

[tbola]

اي والله حته انا قمت اخاف

 

[الدنيا غير]

لا دير بالج يسوونه قبل شهرج مو زين انا في بجري كان توام و حاشني عوار بظهري خفيف و رحت على فالي الفروانيه حسبي الله عليهم و الا طكتور يقولي خليني افحصج وانا ما ادري عبالي شي عادي و لما فحص اهوا فتح الرحم و لا تشوفين الخرعه و المستشفى كلها قامت و قالوا لي ولاده و انا توني كنت بالسادس وولدوني و وتوفوا التوأم لان بعدهم صغار و الحمدالله ربي عوضني بثلاث صبيان و الحين حامل بس من يومه ما اخلي أحد يفحصني الا بالتاسع و لازم الدكتور​

 

[ميس:)]

مايعور انا مخرعيني منه بس لي قالولوج بنوسعج انحاشي لان يبط الماي احتمال مثل ماصارلي خخخخخ وصدقيني اهو يضايق مايعور

 

[كتكوته حبيبي]

امبي يعني شلون يوسعونج وااي انا اذا سوري ماصار جماع اسبوع ارجع مثل اول يعني اتضيج مادري هالشي طبيعي ولا لا وبعدها بس يصير جماع احس جني اول مره مو اول مره اول مره بس احس انا تغيير الله يعيين انشاء الله ليحملت وحسيت بالطلق مراح اروح الا لما احس واصله حدي مابي يلعبون فيني يمااااا

 

[جوليانا الحلوه]

هو على حسب الي يفحصج بولدتي الاولي تهاوشت ويا السستر كانت صج حقيره وعورتني حيل واضافرها طويله هاذي شلون يخلونها تفحص بس ما سكت شرشحتها وطردتها من الغرفه للحين ما نسيت شكلها وكنت منهاره وخايفه من الولاده وبعدها جت سستر الله يجزاها خير والله انها دخلت ايدها وطلعتها ما حسيت باي شي ايدها حيييل خفيفها وهي كانت معاي بالولاده وبس

 

[om 7sony]

يصير السستر تفحص !!!

الصراحه واااايد خرعوني من الفحص
بس طلع لا يعور ولا شي
هو شعور مو مريح اي
بس ماكو الم بمعنى الالم ........
حرااام يقارنونه بالولاده ،،،،

وعن سالفة الغشاء ،،، للاسف ما عندي فكره

 

[RO0O7Y KUWAITYA]

يماااااي يعور ومرتين لما فحصتني الدكتوره نزل بقع دم ع القلافز

 

[ميس:)]

رخي عضلات فخذج وماتحسين الي يتعورون هذيل يشدون عضلاتهم من الخوف

 

[كتالونيه]

على حسب
ايد الدكتوره او الدكتور
في دكاتره ايدهم خفيفه
ماتحسين
وفي دكاتره يمااااي يلعبون وحيل
يسون تحسين انهم يبون يخربون الرحم
يمااااي
انا والله بحمالتي بعيالي كل اسبوع اسوي
تعودت
اما
بحمالي اللحين ماسويت ولافكرت اسوي دام
مافيني عوااار

 

[دلوعة مبارك]

الفحص بولدي يالله يالله .... شنو عوار شنو صياح



هالمرة مراح اسوي فحص مراح اجي والا انا واصلة

 

[كتكوته حبيبي]

يماااااا بناات كلامكم يخرع وليش لازم فحص خو اذا وحده فيها طلق حامي يبين بالتخطيط يعني ولاده بعد ليش الفحص

 

[كتكوته حبيبي]

يماا بنات كلامكم يخرع وليش الفحص اذا وحده فيها طلق حامي يبين بالتخطيط يعني ولاده فحص بعد حق شنو بس حق التعذيب

 

[c a t w o m a n]

وع وع وع


اشكثر كريه الفحص


كنت انسى الطلق وقت الفحص من عواره

بعدين قمت اشوت فيهم ما اخليهم يفحصون


كان يعورني ادرجة اقوم من الكمام


بس ترى مو مقياس على فكرة

وايد حريم ما يعورهم


الله يسهل عليج حبيبتي

 

[أبكاني ذنبي]

الله يستر صراااحه اقووال مختلفه


انا بجريه ولا ادري عن عواره شي بس تسهل ان شاء الله

 

[-فلانة-]

ما أدري انا بجرية..بس أحس من كلام البنات إنه على حسب اللي يسويلج الفحص..يعني فيه ناس دفاشة إيدها ثقيلة و في ناس إيدها خفيفة ما تحسين فيها، وغير إني أتوقع إذا الحامل شادة عمرها و ضاغطة على منطقة الحوض راح تتعور،، يعني لو الوحدة منا ترخي عمرها أعتقد بيصير أسهل عليها،،
وبالنسبة للغشاء حبيبتي بلغي دكتورتج عساس تكون على علم و لو إني سامعة إن الغشاء المطاطي ما ينفض إلا بطلعة راس البيبي،، بس بلغيها و شوفي شتقول..​