الفحص الطبي قبل الزواج .. دمر أمالنا واحلامنا

[دلع الجادل]

بسم الله الرحمن الرحيم​

لا شك ان الفحص الطبي قبل الزواج من مستلزمات الحياة الحديثة ولاننكر دوره في بناء اسرة سليمة ومعافاة من الامراض المعدية والوراثية​

ولكن.........​

البعض منا تعطل مشروع زواجه بسبب الفحص الطبي .....كيف ؟؟؟؟ اقول لكم .....​

اعرف صديقة لي مصابه بالتهاب الكبد الفيروسي b تم خطبتها اكثر من ثلاث مرات ، وبعد الفحص الطبي للزواج تبين للخاطب انها مصابة بالمرض المعدي وتم فسخ الخطبة ولم يتم الزواج...​

للعلم ان التهاب الكبد الفيروسي b له تطعيم للكبار والصغار ونسبة الشفاء من هذا المرض تبلغ 95% ​

ولكن ،،،،،،،​

ما مصير هذة الفتاه ( صديقتي المصابة بالمرض) وباقي المصابات.
مافي احد فكر بمصير هذول البنات ....يعني يقعدون بدون زواج؟؟؟
الي حط قرار الفحص الطبي ما فكر انه راح يقطع نصيب ناس ويفضحهم بين خلق الله...
اوكي ... اهم ناس مصابين بالمرض وساترين على نفسهم ، يجي القرار ويفضحهم امام الناس؟؟
بتقولون المرض مو عيب (وبقول اذا ابتليتم فستتروا)...
ياناس هذا المرض له علاج وتطعيم
ولكن ما اقول الا (حسبنا الله ونعم الوكيل)
يعني راح يقعدون بدون زواج،،
يعني ماراح يشوفون عيالهم،،
لهم الله... والنعم بالله....
صبر جميل ...​

انتظر ردودكم ،،،،،،،​

 

[San3a.Q8]

عيل تتزوج الريال و تعاديه!!

ليش ما تشوفين الحالات الثانية.. ازواج ما يابو عيال و ازواج عيالهم فيها امراض وراثية تشوهات ....الخ و الفحص الطبي بين هالاشياء

احسن شي اصلا الفحص الطبي خلت الناس يتجنبون بلاوي!

اذا صج يبون البنت ينطرونها تتعالج و يردون يسوون فحص و يتم كل شي على خير

بعدين داء الكبد الوبائي ممكن ينتقل مو للزوج ممكن للناس العاديين حتى بالفحص الطبي للوظيفة ما تتوظف اذا فيها هالمرض

الله يشفيها انشالله بس المفروض تخاف الله و تعالج نفسها لا تعادي الاوادم!!!

 

[حلوه ولمآحه]

حبيبتي كل شي له اضراره ومحاسنه ومساوئه
بس الفحص يمنع كثير من الامراض الجينيه والوراثه بعد الله سبحاانه
وصديقتج تقدر تتزوج واحد فيه نفس المرض لانهم حاطين مواقع وتجمعات ،~

 

[noo7a]

انا ماعرف عن هالمرض
بس اصلا المفروض الخاطب و المخطوبه من اول لقاء يشرحون لبعض الامراض الي يعانون منها
عشان لحد ينصدم
ودام له علاج ليش ما تعالج اهي
وليش ماتاخذ الشي الي صار من ناحيه ايجابيه ان الي خاطبها مايستاهلها و تخلى عنها من قبل حتى لا يرتبط فيها
وكل شي نصيب

 

[الشهد كله]

حبيبتي من قالج إن نسبة علاجه 95%

آنا بنت عمي توفت العام ( ما صار لها سنة ) بسبة الوباء الكبدي

اسمرضت فجأة وخلال أسبوعين ماتت وعمرها 18 سنة

ويوم إن نسبة علاجه قوية مثل ما قلتي ليش ما عالجت قبل لا تنخطب وتنحرج

بالعكس آنا أشوف الفحص قبل الزواج وايد أحسن من الأمراض الوراثية

اللي كل يوم يطلع لنا مرض يديد ..............

وعسى الله يشافي الجميع:yaaaaaarb::yaaaaaarb::yaaaaaarb::yaaaaaarb:​

 

[رماد وظل]

بالعكس الفحص قبل الزواج مهم جدا

صحيح فيه ناس تتعطل مشاريعهم بسبب نتيجته لكن نظرتنا لازم تكون مستقبليه

الوقايه خير من العلاج

 

[سكـــرهـ]

حبيبتي كل واحد من الناس يخافون على انفسهم
وخصوصا ان صديقتك به مرض الوباء الكبديb وهذا صعب علاجه واصعب من الوبا الكبديa مااعتقد ترضين تتزوجين بشخص الوبا الكبي b لانه معدي بكل الاحوال
والله يشافي صديقتك

 

[Sweeta Girl]

حبيبتي بالعكس هذي طريقة صحيحه

واذا رفيجتج انرفضت من 3 رجال مو معناته مراح تزوج

يمكن تلقى الي يوافق عليها

كل شي نصيب

بنات مرضى و تزوجو !! و بنات صاحين و قاعدين من غير زواج

:eh_s(17):

 

[نفهمها صح]

تدرين انه الفحص انقض بنات كثيره عندنا بسعوديه
لانه اكتشفوو كذا حاله فيها مرض الايدز
ها شرايك
يعني لوو مافيه فحص علي قولتك شذنب البنت الي راح تتزوجه ويعديها بلمرض ...الي منحبه لانفسنا منحبه لغيرنا
واذا يبغاه بياخذها ...لانه لزوم ياخذ هوو تطعيمات ضده
الله يشفيها وبتلقي رزقها​

 

[جروح ودموع]

ليش اختي تحسبين بالعكس احسن قرار الفحص قبل الزواج عشان ما تنتشر الامراض وناس حرام مالهم ذنب ينعدون والوباء الكبدي سواء بي او سي مالهم علاج نهائي واثنينهم يؤدون للوفاة لان بعد جم سنه من المرض يصير تليف بالكبد واحيانا سرطان الكبد عافانا الله واياكم والفحص انقذ المجتمع من انتشار الامراض المعديه وهذا من مصلحة الكل

 

[LuLiTa]

انا مع الفحص الطبي ... لانه ممكن يعرف الناس بالامراض اللي ممكن انها اتصير بـ عيالهم اذا تزوجوو ...

الي حط قرار الفحص الطبي ما فكر انه راح يقطع نصيب ناس ويفضحهم بين خلق الله...
اوكي ... اهم ناس مصابين بالمرض وساترين على نفسهم ، يجي القرار ويفضحهم امام الناس؟؟
بتقولون المرض مو عيب (وبقول اذا ابتليتم فستتروا)...​

تعليقي على هـ الجزئية من كلامج ... شلون مصابين و ساترين على نفسهم ؟ اهل البنت لازم يعلمون الخطيب بـ الامراض اللي فيها لانه اذا سكتو فـ هـ الشي يكون فيه غش للخطيب و اهله .... سواء تم النصيب او ما تم ... هذي اصوووول الزواج في الدين و من حقوق الريال و المرة ....هم بعد المرة لازم اتعرف عن الامراض اللي في الريال عشان ما تنغش فيه .... و مو شرط لما اتسوون الفحص اتعلمون الديرة كلها بـ النتايج المهم الريال يكون عارف عشان لما يتم الزواج ما يقول غشووني و يطلقها :eh_s(1):...

 

[جادل سبيع]

الله ايشافيها وايمتعها بالصحه والعافيه..
انا مو معاج حبيبتي لازم اتصارحه لان اذا تزوجته بدون علمه ابمرضها هذا غش وخداع وديننا نهى عنه بس الله يرزقها..
وبالنسبه لــ[[اذا بليتم فاستترو]]هذا يقصد به المعصيه يعني اذا ربي بلاك ابمعصيه استتر ولا تجاهر الله ايكافينا وياكم الشر..

 

[Freakya]

لا اقول شرايج تتزوج الريال و تعاديه ؟؟
لو كان العكس جان اهيا اللي رفضته مو عدل ؟
الزواج قسمة و نصيب و ربج ما كتب لهم خلصت الدنيا شنو . .

 

[* ملكني الخوف *]

احسن قرار حطوه لمصلحه الطرفين

 

[neitfa]

الله ماحطوه الاا من هالامراض اللي منتشره بالعكس لوصار العكس الرجالرفيه وبا كبدي ماظن بتوافقين عليه ودمتي بود

 

[رحيل المرافيء]

اكوو بنات صاحيات مافيهم شي وماتزوجوا
الزواج نصيب
اذا لهم نصيب بياخذونه
وهالمرض لازم شريك المريض ياخذ تلقيح حبوبة
مو خذوه فغلووووه
ورب العالمين قال ولاترموا بأنفسكم الي التهلكة

 

[pusy cat]

اذا البنت فيها مرض وماصارحت الخاطب بهالشي معناته انها غشته

دام له علاج خلتتعالج عقب اتزوج

بالعكس انا مع الفحص 100%

يمكن جيناتهم ماتناسب بعض ويجيبون ابناء معاقين

 

[pusy cat]

عاد تدرين لو اهي مصارحتهم بمرضها كان ممكن يأجلون الخطبه او الملجه لين ما تطيب

بس يوم بين المرض بالفحص والبنت ماصارحتهم حسو انهم انخدعو عشان جذي رفضوها مو لمرضها وبس لانها غشاشه*

 

[G!RLooNa]

لا عيل لا يفحصون و امراض كل واحد تنتقل حق الثاني احسن و اييبون يهال فيهم المرض خوش عايله

و الفحص سري و نتايجه ما يحطونها بالجرايد ! الطرفين يعرفون النتايج و كان الله غفور رحيم

 

[G!RLooNa]

بعدين حتى لو الفحص مو مطلوب و واحد من الطرفين فيه مرض لازم الثاني يدري و رفيجتج ٣ تخش عنهم و تخليهم ينصدمون بالنتايج بعد لو اهيا ماتدري لاحول و لا قوه لكنها عارفه و قاعده تخش !