الجزء الاول
1997
منيره*الام*- يالله يا لياان يالله يا زييينه نزلووو تاخرتو على المدرسه
ليان ( تنزل من الدري ) - كاني يمه
زينه ( تنزل وراهاا ) - كاني انا جاهزه
منيره - يالله تعالو اكلو على مايزهب ابوكم
ليان وزينه مشو لين السفره وتربعو بالارض وقطعو الخبزه وقامو ياكلون ،
منيره - زيونه درستي ؟
زينه - اي يمه درست عدل
منيره - عفيه خلاص يمه انتي كبرتي صار عمرج 9 سنين لازم تدرسين بروحج وتحلين واجباتج
ليان بغيره خفيفه - انا بعد درست يمه
منيره تضحك - عفيه عليج يمه
زينه - جذابه انتي صغيره توج ياهل
ليان - لا انا كبيره عمري 7
منيره - بسكم نجره خلاص عاد
فهد ( نازل من الدري ) - شفيهم بناتي يصارخون !
ليان وزينه زقامو بسرعه - يباااااا
فهد - هههه هلا يبا عيون ابوكم
لمو ابوهم وقعدو بحضنه - ها جاهزين يبا ؟
ليان وزينه - اي جاهزين
طلعو البنات مع ابوهم يوصلهم المدرسه
قطهم و تاكد من دخولهم المدرسه وحرك سيارته
..
بالهده
زينه - خالي فيصل ! شتسوي هني وين ابوي؟
ليان ماتدري شسالفه ..
فيصل مدوده - اا..اا.. اي ابوكم بالدوام تاخر قالي اييبكم
زينه - ليش مو امي يت شمعنا انتا
فيصل تنرفز - زينه يبا شفيج انا ييت وخلاص يالله امشو وياي
زينه سكتت وسحبت ليان وياها سيارة
طول الطريج ساكتين
فجاه زينه - هني مو بيتنا وين مودينا خالي
فيصل - ادري
دخل المنطقه وهو ساكت ويتجاهل اسئلة زينه
وصل صوب بيتهم وزاد استغراب زينه
نزلو ودخلو وشافو خالتهم ناديه و سميره لامين بعض ويبجون
زينه بخوف - خالتي
ناديه قامت عن حضن اختها وخذت زينه ولمتها وقامت تبجي
زينه قامت تبجي - خالتي شفيييج
ليان قامت تبجي وهي تشوفهم كلهم يبجون
قامت سميره وخذتها تمسح دموعها وتسكتها
زينه تصارخ - وين امي خالي فييييصل ويييينهااااا
فيصل سكت ..
زينه سكتت ودموعها تنزل ..
ليان تبجي - ابي ابوووويي وييين ابووويي مابييييييكم
فيصل انزعج وطلع برا البيت ..
اول مافتح الباب كانت بويها عمتهم " ساره " ..
دخلت وهي تمسح دموعها شافت ليان وبجت زياده لانه ليان حيل متعلقه بابوهاا حيل لدرجه مو طبيعيه فَ تذكرته
ليان اول ماشافت عمتها هدت خالتها وركضت لهاا ..
ساره صرخت - فهــــــــــــــــــــــــــــــــد مــــــــــــــــــااااااااااااااااااااااااااات ..
-
سنة 2009
زينه معصبه - ليان وبعدين وياج ماكو طلعه
ليان - مو بكيفج منو انتي تقوليلي شنو اسوي وماسوي
دخل عليهم خالهم فيصل بصراخ - بــــــــــــــــــــــــسسسسسسس خلاااااااااااااااااااااااااااص
ليان اخترعت وزينه مسكت ضحكتها
فيصل - وبعدين وياكم انتو الثنتين لجيتوني ترا راسي صدع منكم
دخلت وراه سميره معصبه - شصاير !!
ليان - يما زيون مو راضيه تخلي اطلع
سميره متنرفزه - زيون وبعدين وياج انا قلت لها تطلع شتبين
زينه - يما انتي ماتعرفين رفيجاتها صيع
سميره خافت - ها !
ليان عصبت - زينو قضبي لسانج ومالج شغل برفيجاتي
سميره - خلاص بس ماكو طالعه
ليان بصراخ - يمااااااااااا
فيصل - وصمااااااااااا تصمج خلااااااااااااااااص جببببب
وقــــــفه ..
الاحداث الي بتصير الحين من سنـة 2009 ..
خلوني اعرفكم على ابطال وشخصيات الروايه
من ماتو ام وابو ليان وزينه ( ماتو بحادث سياره ) سكنو عند خالتهم سميره وصارت بمثابة امهم
سميره متزوجه بس ريلها مايقدر اييب عيال فَ خذتهم وربتهم على انه عيالها
وريلها مو مقصر وياهم بشي ابد ريال مدين ويخاف ربه ومعتبرهم بناته ..
ليان عمرها 18 سنه .. وزينه 20 سنه
خالتهم ناديه متزوجه وعمرها 44 سنه عندها رائد و يوسف ومنار
رائد عمره 24 سنه ويوسف 20 ومنار 18 سنه
خالهم فيصل مطلق .. عنده سهام عمرها 14 سنه .. عمره 39 سنه
اعمامهم ( ساره \ وليد \ عبدالله ) ..
ماراح اذكرهم وايد بالروايه فَ اذا ذكرتهم بعرفهم ..
..
ليان - يمه الحين عقب ماقلت حق البنات اوكي تقولين لي ماكو طلعه
زينه قامت - يالله يما انا بصعد انام
سميره طاقه ليان بالطوفه - نوم العوافي يمه
ليان وصلت حدها - ترا مايصير جذي شنو هذا حاكرتني 24 ساعه بالبيت بسبت هالزفت الي اسمها زينه شنو ماعندج ثقه فيني
سميره زفرت بضيق ماتبي تسوي عداوه بينها وبين اختها .. سكتت شوي - خلاص انزين
ليان بققت عيونها - راح اطلع خلاص
سميره - اي
ليان نقزت باست راس امها - احبج يماا
سميره تمسح مكان بوستها - يمه منج بس حق الطلعات والفلوس تبوسيين هاا
ليان تضحك - لا شنو شدعوه
Ohh, how about a round of applause
Yeah, standin' ovation
Oooh ohh yeah, yeah yeah yeah yeah
You look so dumb right now
Standin' outside my
شالت الفون - هلا رغووود .. يالله الحين اطلع
سميره - مادري ليش تسمعين هالغربي
ليان باست راستها - اسمعه لاني احبه .. باايي
طلعت بره البيت وعلى طول ركبت السياره - هااي
رغد - هايااات يالمعفنه
ليان - معفنه بعينج خلصينا مري قرطبه
رغد تحرك السياره - شحقا بعد !
ليان - شفيج نسيتي ريوم ؟
( رغد .. شعرها بوي كستنائي ستايلها سبورتي بس مو بكل الاوقات حبوبه وغشمرجه .. 19 سنه )
رغد - ويع ليون تكفييين لانمرها قثيثه
ليان - حرام عليج وبعدين مو كيفج انا عازمتها خلصي مريها
رغد - اووف انزين
دشو قرطبه .. قطعه 2 ،
سفطو جدام البيت ورنو هرن
فجاه .. طلع لهم واحد
ليان تنحت - يمـا !
رغد صدت ويها ومو عاجبها الوضع
فتحت دريشة ليان ..
الولد - امرو ؟
ليان - اا..امم احنا رفيجات ريوم
الولد ( شحلاتها بنت اللذينه) - اها .. انا اخوها خالد
ليان ( واي اعشق هالاسم .. ولايقه عليييه حده زووغه ) - تشرفنا * ابتسمت * ..
خالد ( بادلها الابتسامه ) - عن اذنكم اناديها
مشا ودخل البيت ..
بالسياره ،
ليان - شحلاااااته
رغد - شوفي من ناحية جمال شحلاته شحلاته بس ياني احساس انه خبيث مادري ليش
ليان - وين خبيث شوفي شحلات اسلوبه
رغد - والله مادري بس عاد وايد احلى من ريوم
ليان - لا نفس الشي ريوم تينن مشاءالله !
..
توقعاتكم :eh_s(7):
