الـي تعاني من الحبوب واثارها باي مكان بجسمها تدخل وتدعيلي

[kndora]

صباح الخير


ومبارك عليكم باقي الشهر


بكتلكم تجربتي مع الحبوب اعاني منها من اكثر من سبع سنين والله ما اجذب وكانت علاجاتي كلها ما منها فايده غير غسول شريته من امريكا نسيت اسمه للاسف وبعد هالوقت كله قررت اروح الجلديه وبديت 10-7-2012 يعني توني شهر والحمدلله رااااضيه بالنتيجه واحمد ربي واشكره


انا تبع العاصمه فخذيت تحويل حق مستشفى اسعد الحمد وكانت دكتورتي اسمها اطلال اللافي عيادتها رقم 5 الله يجزيها خييييييييير والله والله والله اشكرهاا من كل قلبي فحصتني وقالت نبلش من البدايه ونخلي اخر الخيارات حبوب الروكتان


الزبده اول مره رحت لها وصفتلي

مضاد حيوي حق الحبوب ( كبسولات ) اسمه tetralysal 300 mg
صورته

كريم benzac ac 5%

حق ويهي كنت استخدمه بعد حق ارقبتي ومشالله لاحظت عليها التغيير حييل صارت صاافيه والحمدلله وهم ويهي الحمدلله احسه متحسن عن اول

كريم retin-a 0,5 mg

حق ظهري بالبدايه حرقني واحس ظهري يتشقق لان اهوا مقشر بس بعدين قطعته يومين ورديت عليه وكل شي رد طبيعي الحمدلله والحمدلله نتيجه زينه لحد الحين اختي تقول ان مشالله خف الي بظهري الحبوب واثارها قلت حق الدكتورة ان مو وايد حسيت تغير قالت مو بشهر لازم علاج

مابي منكم غير الدعاء



يتتتتتتتتتببببببببببببع تحت

 

[kndora]

المره الثانيه لما رحت

وصفتلي المضاد مره ثانيه

لكن غيرتلي كريم الظهر اعتقد عشان تريح ظهري منه لا مقشر حيل قوي

وصفتلي benzac ac 5%

نفس الي اول مره وصفته حق ويهي قالتلي استخدميه حق ويهج الظهر بدون التعرض للشمس وبليل استخديمه حق ظهرج قبل النووم

ووصفتلي كريم يديد حق ويهي اسمه differin 0.1% والصراحه توني باديه وما ادري عن النتيجه

واخر كريم وصفتله لي اهوا مرطب بس اعتقد الي كتبته لي مو موجود فعطتني بديل
اسمه dexipan


قالتلي مرطب حق الويهه كذا مره باليوم واااااااااايد ارتحت عليه الحمدلله صج يرطب

وعلى فكره اهوا كريم حفاضات والاتهابات وجذي

وقالتلي لاااااااازم حماايه ضرووري ووصفتلي حماية اشتريها من الصيدليات الي برا من نيتروجينا

وبس جذي خلص موضوعي ما ابي منكم غير الدعاء الله يوفقكم ياارب

 

[سالم الروح]

صبـآح النـور ..

مشككووره ...​

 

[kndora]

العفو حياتي حياج

 

[ظبية بوظبي]

يا قلبي كل هالمراهم والكريمات ترى مؤقته
ولين متى بتمين على هالحال
مالج الا الروكتان ترى راااحه بال ان شاء الله
الا اذا بتكونين من هالناس الي بس فتره من عمرهم تطلع لهم حبوب بعدها تروح بلا رجعه
ومشكوره عالموضوع

 

[ضنـآني الشوق]

مشكوره

 

[miss angel]

مشكورة حبيبتي والله يوفقج

 

[.mahra]

مشكـــــــــــوره ^^

 

[kndora]

يا قلبي كل هالمراهم والكريمات ترى مؤقته
ولين متى بتمين على هالحال
مالج الا الروكتان ترى راااحه بال ان شاء الله
الا اذا بتكونين من هالناس الي بس فتره من عمرهم تطلع لهم حبوب بعدها تروح بلا رجعه
ومشكوره عالموضوع

هلا حبيبتي

الروكتان له سلبياته وانا اتحملها وخصوصا الجفاف وسقوط الشعر وعوار العظام انا توني صغيره حرام ابهذل عمري فيه وغير هذا له اضرار ع الكبد اذا ما شربت ماي فخليني من البدايه ابلش بالاخف سلبيات وخالتي استخدمت الروكتان والحين تعاني واايد من معدتها وجبدها مع العلم كانت تاخذه بوصفه ومراجعه شهريه فعشان جذي هونت عنه مع اني كنت ابيه

ويعطيييج الف عافيه ع النصيحه

 

[نوفآ]

صراحة الكريمات عجييبه
قبل اربع سنين تقريبا نفر بوجهي حبوب ورحت الجلديه
وقال لي الدكتور تستعملين كريمات تبييض قلت لا قال امبلى
جان تقول امي حطيت الكوم ع وجهها كانت طالعه فيني حبوب
قال الكوم كرتوزون وهذا سبب الحبوب وعطاني نفس كريماتج
وحييل صفى وجهي عليه ودي ارجع اعالج بجلديه الحكومة احسن من الخاص
جربتهم اثنينهم جلدية الحكومة يعالجونج من اول شي

 

[Ranoon]

انا بعد تطلع فيني حبوب وخاصة من الذقن والحين شوية في من رقبة
وناوية اروح للحكومة ...

مع اني ما استخدم خلطات تبييض ومو من كثر ما استخدم خيط حف للوجه

بس اسوي تشقير لوجهي ... وحتى مو على طول اشقر .. بين فترات
والمشكلة ان وجهي حساس وموعارفة شسوي .... !

بسوي تحويل للجلدية .. والله كريم .. وارتاح من حبوب
دايما اهلي يسألوني شفيه وجهج حبوووووووووووووب !!! اففف

مشكورة على نقل تجربتج ... والله يوفقج ان شاء الله

 

[أبلة فاتن]

مشكورة حياتي عفيه بنات الحبوب اللي تطلع قبل الدورة او وقت الدوره المهم بنات الحبه البيضه هذي واااي تجلطني الحين طالعه لي وكانت خافه المهم رحت لصيدلية الهاجري المعلب عطاني هذا وااي بنات نمت وقمت الصبح ولا المنطقة منفجرة حبوب بغيت ابجي بس قلت عادي المهم حطيت ثاني يوم ولا يزيد احس جلدي بيطيح ويحرقني وحيييل انتفخ جنه عين كبيره وكلهم حبوب يم بعض فيهم القيء الابيض ببجي المهم خليتهم قلت ماني حاطه كريمات ولا مرضضضضضضضضضضضضض بروحه خف عاد توني لاعت جبدي منهم اهما لمن بيروحون يتغمجون ويطيحون من الجلد بروحهم وجنه مافي شيء شالحل مع هالمشكله عندي مبايضي تعبانه اليسار فقط وهذا دايم يطلع لي خايفه يصير اثر كبير مكان الحبوب انا عقدتي ويهي عااااااااااااااد ما احب يخترب جسمي عادي بس ويهي نووووووووووووووووووو

 

[أبلة فاتن]

انا بعد تطلع فيني حبوب وخاصة من الذقن والحين شوية في من رقبة
وناوية اروح للحكومة ...

مع اني ما استخدم خلطات تبييض ومو من كثر ما استخدم خيط حف للوجه

بس اسوي تشقير لوجهي ... وحتى مو على طول اشقر .. بين فترات
والمشكلة ان وجهي حساس وموعارفة شسوي .... !

بسوي تحويل للجلدية .. والله كريم .. وارتاح من حبوب
دايما اهلي يسألوني شفيه وجهج حبوووووووووووووب !!! اففف

مشكورة على نقل تجربتج ... والله يوفقج ان شاء الله

\



:eh_s(16)::eh_s(16)::eh_s(16)::eh_s(16):

والله من صجج انا لو شنو ما احط المشقر على بشرتي عندج منطقة الخدود هذي حساسه

والحف والشمع اسوء ايام حياتي


ما ارتحت الا من بعد الليزر بس حبوب الدورة هذي اللي ملوعه جبدي حشاج اففف
اكرهها ودي اعدمها :rgewrg:

 

[^^Rq8^^]

مشكورة حبيبي

 

[ريـ’ـآنـهـ‘]

انا اعالج ويهي عند دكتور هشام بعيادة الزهير ونفس مشكلتج اثار حبوب ووصفلي بعد نفس كريماتج ان شاءالله القى نتيجه

 

[Mjnont '3lay]

انا كنت اعالج بالمركز اللي بالسالميه حكوومي جنب مركز سلطان بالضبط
وعطتني الدكتوره انوار عياده رقم 3
نفس كريماتج للحبوب والاثار
كريم benzac ac 5%
و

differin 0.1%

بس للمعلوميه ترى هالكريمات تصفي الوجه تخليه قزازه مافي ولا حبه بالوجه بس اذا تركتيه تطلع الحبوب وتزيييد عن تجربه
انا صارلي اسبوعين استخدمهم قبل ولمن تركتهم طلعت لي حبوب جديده وزياده تعبت نفسيتي والحين غير الرتن ايه والدكوين وكريم ثالث ناسيه اسمه فيه نسبه واجد قليله كرتزون ما استخدم
والحمدالله من امس مبلشه فيه واليوم قمت من النوم بشرتي تهبل بيضه وتقريبا اختفت الحبوب وبشرتي ارتاحت عليه
ان شاءالله اني رح استمر عليه
طريقتي احط الخلطه هذي بليل بس اول شي اغسل بشرتي عدل وانظفها وبعدين استخدم الخلطه واقوم الصبح اغسلها عدل بصابونة الطاووس الاصليه بزيت اللوز الناعم وبعدين احط كريم موحد بشره دكتورة جلديه واصفته لي

 

[فـسقانه]

يسلموووووووووووووووووووووو

 

[kndora]

انا كنت اعالج بالمركز اللي بالسالميه حكوومي جنب مركز سلطان بالضبط
وعطتني الدكتوره انوار عياده رقم 3
نفس كريماتج للحبوب والاثار
كريم benzac ac 5%
و

differin 0.1%

بس للمعلوميه ترى هالكريمات تصفي الوجه تخليه قزازه مافي ولا حبه بالوجه بس اذا تركتيه تطلع الحبوب وتزيييد عن تجربه
انا صارلي اسبوعين استخدمهم قبل ولمن تركتهم طلعت لي حبوب جديده وزياده تعبت نفسيتي والحين غير الرتن ايه والدكوين وكريم ثالث ناسيه اسمه فيه نسبه واجد قليله كرتزون ما استخدم
والحمدالله من امس مبلشه فيه واليوم قمت من النوم بشرتي تهبل بيضه وتقريبا اختفت الحبوب وبشرتي ارتاحت عليه
ان شاءالله اني رح استمر عليه
طريقتي احط الخلطه هذي بليل بس اول شي اغسل بشرتي عدل وانظفها وبعدين استخدم الخلطه واقوم الصبح اغسلها عدل بصابونة الطاووس الاصليه بزيت اللوز الناعم وبعدين احط كريم موحد بشره دكتورة جلديه واصفته لي

هلا حبيبتي الكريمات لو تقرين النشره مكتوبه استمرار لمدة 3 او 4 شهور لان هذا علاج

ونفس الكلام قالتلي اياه الدكتور ان لازم تستمرين مو من اول شهر تطلع النتيجه لازم استمرار وانشالله هالمره بستمر ومو مثل كل مره تعبت من الحبوب واثارها

 

[Dr.rooz]

يعطيجج العافيه


انا راجعت سنه ونص بالحكومه و مره تختفي و مره ترد?
و الحين اراجع بخاص و ان شاء الله تبين النتيجه ?

 

[kndora]

يعطيجج العافيه


انا راجعت سنه ونص بالحكومه و مره تختفي و مره ترد?
و الحين اراجع بخاص و ان شاء الله تبين النتيجه ?

انشالله