الــوافدين

[Misskitty]

:eh_s(22):الســلام عليكم بنـات :eh_s(22):

انا بكتب الموضوع ومابي احد يرد رد سلبي .. بكتب هالموضوع بس مو دفاع عن الوافدين لكن بسبب واقع شفته وعشته

في وايد ناس قاعدين يقولون ليش الوافد يزيدون لهم و الي يقول اكلونا بالدروس الخصوصيه

انا قبل كنت اقول جي بس لمن عشت بالمدرسه و شفت الوافدين وشغلهم

والله يابنات شرح المدرسات الوافدات يهبل و بالشغل مايقصرون كل الشغل فوق راسها و مستعده تتحمل كل الاعمال مع ان عندها يهال صغار بالبيت وماعندها خدامه صج يابنات ماقصرت ويا طالباتنا مع انه وايد طالبات مو محترمينها لانها وافده يعني عادي لو يتهاوشون ويها و شكثر اوليا امور يحطون مشكله فوق راسها مع ان مالها دخل لانها وافده ومع هذا تصبر

وبعد تلقينها مرتبه بيتها وماسكه اولادها ولا بعد متفوقين ومن الاوائل و تلقين زوجها بعد وياها يساندها و يساعدها
صح انها مو كل يوم لبس جديد بس مرتبه و نظيفه

انا قبل كنت اقول ويه ليش كل حبهم هذا للفلوس بس لمن عرفت السبب مالومهم تصورو معاش المصري بمصر اذا كشخه 7 دنانير بالشهر !! 7 دنانير الي ناخذها احنا بساعه و نقطها جنها مو شي

تصورو لمن يجون الكويت هنيه تدرون ليش ييجمعون فلوس . بمصر يشترون شقه ويأثثونها و يظمنون مستقبلهم هناك لاتلوومونهم لو انهم يسوون جي و يعطون دروس خصوصيه من الفقر الي شافوه وهنيه ماشاء الله احنا ندفع على اولادنا مباااالغ ودام هم لهم القدره و الفلوس جايتهم ومو حرام و يشرحون بضمير ليش يضيعون الفرصه

صح ان فيه منهم فئات ياربي لك الشكر يلوعون الجبد و يستغلونج بس ترى في نااس وايد جي سواء وافد او غير وافد بس احنا مو ملاحظين



بنات مره ثانيه اقولكم انا مادافع عنهم لسبب بس صراحه انا عشت وشفت بالمدارس و صج صج صج عرفت قيمه الشخص الوياج و قدرت الوافدين لاني شفت منهم كل خير

بس كلام كان بخاطري من زماااااااااان وفضيته هنيه :eh_s(9):

وبالنهايه الله يحفظ الكويت ويعزها بلد الخير ويخليها لنا قولو امين
​

 

[رحلة امل]

كلامك صحيح بس والله اغلبهم نفسيتهم تعبانه من الحسد والغيره الله يكفينا شرهم وطبعا الكلام مو من فراغ انا عاشرت اكثرهم وعرفت نفسيتهم الله يعينا على عيونهم والله يعين عيالنا

 

[om mariam]

انا برد عليج
كان وحده عندنا وافده معاشها 370 هاذي معاشاتهم او 470
تدفع اجار 120 قاعده في صاله وحمام بسسسسسسسسسسسسسسسسسسسسس وانا شفتها
وعيالها توديهم عند مربيه بـ 25 الاثنين والثالثه بالمدرسه اتخيلي ؟
شنو تبي تاكل وشنو تلبس
اي ونسيت اقول لج تدفع حق التوصيل 35 اعتقد او 25 وبنتها الصغيره خدج واهيه تودي الطبيب واهيه اتييب والريل هده هني مع بناتها وراح
وتحضير ولا اروع وشرح ولا احلى ووسائل
لا بين مده ومده تعزمنا حتى لو كان سمبوسه وجباتي
مو الله يكون بعونها
مو الكل مو زين بس في وايد هم منهم زينين
ومشكورة على الطرح
واسفه على الاطاله

 

[سحر الشرق@]

معاج حق
الغربه تاخذ احلى ايام عمرهم
وصج اكل يقول استانس لما يجون مدرسين عيالنا وبناتنا وافدين

 

[Turquoiseya]

او كي 00 ميخالف 00 شحلات تدريسهم 00 وشحلات نفسياتهم
وشحلات دروسهم الخصوصية بعد00 ماقلنا الوزارة ماتحتاجهم 00 مع ان الصراحة مو محتاجينهم00 كوادر البدون والخليجيين احسن عندي 00 بس لاتمسكونهم مناصب فوقنا 00 مثل اللي صاير بتوجيه الانجليزي

اللي صاير بتوجيه الانجليزي : انهم يصقطون الكويتية مليون مرة وينجحون الوافدة على طول 00 عسى ماشر ! ترى الكويتية دخلت اقسام الطب والصيدلة والهندسة 00 وكلية العلوم والتربية ( الاقسام العلمية ) وغيره اللي اهي دراستها بالانجليزي00 ونشوفها تصقط ويتدقر فيها لما نجي صوب قسم الانجليزي!

ابي احد يفهمني شيء واحد : اذا عدد الكويتيات بقسم الانجليزي كبير واحنا تخصص مونادر ، ليش مانشوف رئيسات اقسام كويتيات؟

انا بقول كلمة حق: علاقتي مع بعض الوافدات في الاقسام الثانية زينة لانه همهم التدريس وغاسلين ايدينهم من رئاسة القسم 00 الا الانجليزي : الحسد جدامج تشوفينه ، عيونهم توصل لوسائلج اللي بمكتبج 00 بل انصدمت ان موجه معطي وحدة وافدة امتياز واحنا كذا مرة انشوفها تزرق من حصتها !

 

[LA TROO7]

مو كلهم

اذا انتي واجهتي وحده شاطرة وشاغوله ومحترمه بقولج اني شفت بعيني ابله العاب مقعده بنات سادس وتناديهم ياحمير ويا تحف ومدري شنوو !! عسى ماشر ليش هالحقد !!

وهم بمدرستنا وحده اشتكوا عليها اولياء الامور تضرب البنات بالمساحه ومرات على ظهورهم

مع احترامي لو تخلي الديرة منهم ابرك لناا

 

[najma.q8]

معظمهم فيهم حقد مو طبيعي على عيال الديره .. ويا ليت كافيين شرهم لا صاروا يتحرشون ويفتعلون المشاكل مع الكويتيين في مركز العمل .. أحب اقولهم اذا مو عاجبتكم البلد وأهلها فارقونا ما نبي عماله فاسده عندنا

 

[Angel_store]

معاج حق

 

[طالبة1990]

لا والله لا معاج حق ولا شي

حبيبتي انا بعيني دشيت مشاهدات عند وافدات وعند كويتيات وعند خليجيات

بصراااحة فرررق واااضح ومو شوي

الخليجيات والكويتيات مبدعااااات بالوساائل وبالشرح

اما الوااافدااات ميييييييح


والله انصدمت لان على ايامي كان شرحهم يهبل

وانا ما اتكلم عن وحدة ولا ثنتين

انا اتكلم عن ٩ و١٠ و١١


انا كنت ميداني بمدرسة كل القسم كويتيات وجم وحدة سعودية

كانوا ابدااااع بشكل مو طبيعي

ولما تعينت رحت مدرسة كلها وافدات ودشيت مشاهدة

صرااحة زفت ودايم يتأففون وان اهمه مظلومين دام مظلومين قعدوا بديرتكم احسن

ودايم مشاكل مع البنات ومادييين وحسودييين بشكل مو طبيعي

واللي بقسمها اغلبية وافدة راح تفهم كلامي عدل


صرااحة ازمة



ووزارتنا مو مقصرة معاهم

زياداتهم تجيهم اول باول

غير بدل الايجار وغير المكافأة اول مايتعينون


واذا راتبهم شوي بالنسبة لغلاء المعيشة

فالكويتية نفس الشي مايجي اخر الشهر الا تكون مصفررررة رصيدها

 

[الجوهرة777]

الوافدة اللي على أيامي وأيامج كانوا يشتغلون بذمة وضمير

لكن الحين أول ما تجي مشتطة

وبعدين تنفخ ويعلمونها اللعانه ما يقصرون

يعطونها دروس الوافدات اللي سابقينها بالمهنه ان المعاش ماشي ماشي

مونفس هناك تذبح عمرها علشان لا يفنشونها

يعلمونها انها ما تذبح نفسها من الشغل

وفيهم حقد على عيالنا وفي نظرهم ما يستاهلون


ونفسية وتذمر ويا كثر ما يتحلطمون ومو عاجبهم شي

 

[الجوهرة777]

كلامي من تجربة شخصية في مدرسة معظمها وافدات

10 % فقط يشتغلووون والباقي الله يستر عليهم

وفرق بينهم وبين السعوديات

السعوديات ذمة وضمير وعطاء وصدر وسيع عسى الله يبارك لهم في رزقهم

 

[قاهرتهم 2011]

نفسياتهم تعبانه

 

[رهوف18]

الحقد على الخليج واضح بعيونهم
لكن مهما كان مانقدر نعمم

 

[LOLETA]

والله مع احترامي الشديد
لارائكم

بس الوافدين قمة في الابداع

وخصوصا المعلمين


يبة انا افهمت الفيزيا والكيميا الا من المدرسات المصريات


ودايما اذكرهم بالخير لاني استفدت منهم حيل

وشكرااا

 

[Miss Cherry]

انتي قلتيها بديرتهم معاشاتهم 7 دنانير وهني 400 دينار ومو عاجبهم بعد وسالفة الدروس الخصوصية المفروض انها ممنوعة ومع هذا الوزارة مخليتهم على كيفهم لو كويتي مخالف القانون جان تلوه بس الوافد خل يترزق حرام وهو يطلع من ورا ظهورنا دبل معاشه

الحين الدروس الخصوصية اقل شي الساعة ب 10 دنانير وشغالين بمواسم الامتحانات ليما الفجر يعطون دروس وتلقين الوافد يجي هني على اساس انه موظف حكومي والقانون يقول مايجمع وظيفتين بس يجون هني يدورون لهم وظيفة ثانية شغالين يحلبون من خير البلد والكويتي ممنوع يجمع بين وظيفتين

انا مو ضد الوافد .. الوافد والكويتي والخليجي اللي ينتج ويحلل معاشه عليه بالعافيه بس مشكلة لما ياخذ معاش من خير هالديرة وهو حاقد عليها وكارهه وعينه على اللي عند غيره

ووحده من الردود تقول معاش المدرس الوافد 400 دينار ومنه اجار وتوصيل ومادري شنو .. الحين الوزارة توفر لهم سكن مجاني وللي مايبي يعطونهم بدل اجار حالهم حالنا يعني ماكو فرق ولا فيه ظلم

وانا اشوف الوزارة قاعد تطلب فوق حاجتها مدرسين وافدين مع انه خريجين التربية عندنا واااجد كل سنة مع هذا عدد الوافدين قاعد يزيد وياليت يطلبون ناس عندها مؤهل يسوى .. واجد اشوف مدرسين وافدين ماعندهم خبرة نهائيا يعني خريج جديد فرش من ديرته هذا شنو بينفعنا فيه ليش ما يشرطون الخبرة

 

[Turquoiseya]

miss cherry

الحين الدروس الخصوصية اقل شي الساعة ب 10 دنانير وشغالين بمواسم الامتحانات ليما الفجر يعطون دروس وتلقين الوافد يجي هني على اساس انه موظف حكومي والقانون يقول مايجمع وظيفتين بس يجون هني يدورون لهم وظيفة ثانية شغالين يحلبون من خير البلد والكويتي ممنوع يجمع بين وظيفتين

هذي تسميها الوزارة اعمال حرة 00 عشان جذي مخليتهم على كيفهم يسرحون ويمرحون
ولاتنسين تشوفينهم الصبح نايمين على طاولاتهم من السهر بالليل

 

[سنـــابل]

اللي اعرفه ان الدروس الخصوصيه مخالفه للقانون
وهو طايحين له دروس خصوصيه

 

[جـمـان]

بــعضــهم يشــتغل مســائي بــعد .. وره الدوام
احنــا اتذكر مـرت علي أبله مــلابسـها بالسـياره
تطــع من المدرســه و تبـدل بالسـياره و تـروح شغـلها الثاني .

 

[PuPa^^SWeeT]

حبيبتي سالفة الدروس الخصوووصية غلطة كبيرة


البنات صايرين يعتمدون على الدروس الخصوووصية حيييل اكثر من الحصص


اذا مبدعين على قولتج و يعرفون يشرحون ليش الدروس الخصووصية

وحتى لو توصيل

اهيا ايجار شقتها 120 من معاش ريلها

احنا معاش شقة 400 و فوق زين ماتدفع الكويتية اصلن

نفس الحال

وعيالنا على الطلبات بالمدراس و هالسوالف


مو مشكلة ماراح انحسدهم

بس الدروس الخصووصية يكنسلونها


وسالفة الزيادة احنا بعد نبي زيادة

 

[VET-Nour]

عندنا ابلة عربي كانت تدرسني السنه الي طافت تقول حق البنات يا سافله [ مصريه ]
و في الي تسب بكلام ماينقال , والي حاسده و تقول انتو عندكم و عندكم ... ليش ما تدرسون عدل ؟ و احنا ندرس و نجاوب و درجاتنا مرتفعه ,
و الانجليزي رئيسات الاقسام كلهُم وافدين ولا مره شفت كويتيه رئيسة قسم؟؟؟
و ترا الابله الوافده اذا عندها بنت بنفس المدرسه الي تدّرس فيها , توصي الابلات و تقول نجحوها
و تجيب اعلا الدرجات و الكويتيات لاا بمجهودهُم , و ينقصون بعد ,
صج في ابلات زينيين بس الاغلبيه ماادري اشلون صايرين :&