الــدزة ؟

[Lemon Juice]

قـوه خواتي

اشلونكم .. ان شاء الله طيبين

بغيت أسألكم يا بنات عن الـدزة

شنو ينحط فيها غير المهر والبخور ودهن العود ؟

والصناديق الحلوه وين نحصلهم وشلون طريقة التزيين من برا ..

احنا ما نعرف ما قط أحد تزوج من عيالنا

أهم شي يكون شغل ناعم راقي

عطوني أسامي المحلات اللي تعرف تزيّن هالشغلات اذا عندكم علم

ساعدوني يزاكم الله خير

 

[مناوي الكويت]

والله في صناديق حلوه بس ما ادري وين
بالدزه حطى خامات سنعه حلوه نقشتها الذهب البخور الدهن العود في على ما اعتقد محلات الدهن العود يسوون لج حق الدزه

وعساه مبارك عليكم يارب

 

[^noonaa^]

هلا حبيبتي شوفي اذا تبين صناديق دزه وشكلهم حلو روحي محل لاكشيت اللي جبال بياع الورد عنده صناديق
وبالنسبه للتزين انتي زينيه بنفسج احس مايبيله شي واذا ماعرفتي وديه محل بوابا الهدايا ولو انه نصاب

وومن رايي اذا بتسوين الدزه مثل دزه ايام قبل حطي فيها طقم بخور ودهن عود وعطورات عربيه وقطعه خام وحنه وثوب صلاة وقران والدبله ىطبعا

واذا تبونها مودرن حطي قمصان نوم وطقم عطور وغلفيهم تغليف حلو شوفي دشي مموضوعي اخذي افكار منه وحطي ملفع ماركه او ساعه

واذا اتذكرت شي بقولج ان شاءالله واذا تبين مساعده بعد سأليني حبيبتي انا حاضره

 

[اخت أخوها]

بالنسبة لتغليف الدزة شوفي بوابة الهدايا إلي جبال مجمع المهلب
عندهم أفكار للدزة ويكتبون لج اسم المعاريس على الصندوق من داخل

وبالنسبة شنو تحطون فيها ، كل ناس غير بعضهم بس يحطون دهن عود وبخور وعطور شرقية وبعضهم يزيدون عليها عطور فرنسية أو طقم مكياج او ساعة فعادي على راحتكم

والله يوفق معرسكم وييسر اموركم

 

[يفيرا]

رد : الــدزة ؟

:klhfl:مساء الخير

1. 
   انا سويت صندوق الحين عن منجره فى الضجيج كله حفر ومنجد داخل بمخمل عنابى وعلى الباب مرايه مكتوب عليه اسماء المعاريس:33_1185028183:

 

[يفيرا]

رد : الــدزة ؟

:klhfl:مساء الخير

1. 
   انا سويت صندوق الحين عن منجره فى الضجيج كله حفر ومنجد داخل بمخمل عنابى وعلى الباب مرايه مكتوب عليه اسماء المعاريس:33_1185028183:

1. 
   
   انشالله اذا خلص راح احط فيه عطورات ودهن عود وساعه ملافع وبخور:wqedqw:

 

[Lemon Juice]

قواكم الله ما تقصرون خواتي , يزاكم الله خير

اليوم قعدت أتناقش مع البنات بالدوام عن هالموضوع ونفس كلامكم

شكلنا بنحط بخور ودهن عود وقرآن وثوب صلاة .. حلاة الشي مثل أيام قبل

قديمك نديمك

 

[بنت الثانوية]

احنى بدزة اخوي سوه عربانة سيندريلا ومن داخل تصير نفس كبت

حطينه فيها قمصان النوم وملابس داخليه و بدل وشيلاتهم وجناطهم وجواتيهم عزج الله

وقميص مال اول ليله

مع عطور ومكياج والصندوق اخذناه من الدر المنثور فيه بخور ودهن ومبخر بس تحطين فيه المهر

وسجاده وحرام وقرآن ومو ذاكره شنو بعد
--

ودزتي سوولي مكتبه فيها تقريبا 5 ارفف ومزينينها بفراشات ذهبيه وخام سكري وذهبي
وحطولي فيها عطور وقمصان نوم و البدل ومكياج وسجاده وحرام وعبايه وجناط مع جواتيهم
وملابس داخيه

وكانوا حاطينهم بنف فازه شفافه ان شاء الله تكونين عرفتيها وصافينهم على باساند ..

واذا انتي من هواةة تجميع الافكار روحي بياع الورد .. تشوفين اشياء وايد وبروحها تطلع الافكار

هو عرس منو<< فضوول لوول

 

[Lemon Juice]

بنت الثانوية

اتصدقين كلش ماني مقتنعة انه الواحد يحط بدل وقمصان وشيلات وجناط ..إلخ

لانه ما ندري شنو ذوق البنت ويمكن ما يعجبها ذوقنا

لو اني مكان البنت مابي شي بالدزة غير البخور ودهن العود والمهر طبعاً ههههههه لانه ذووقي صعب متعب

 

[bnt_kwt]

رد : الــدزة ؟

صح
لا تكلفون على روحكم واخر شي ما يعجبها
حطولها المهر والدبله
ودهن عود وبخور وممكن شويه عطور

بس اهي تاخذ اللي يعجبها وعلى ذوقها

 

[مدام فاشن]

اول شي الف مبروك

الصندوق عندج وايد اماكن مثل الي بحولي بياع الورد عنده وايد صناديق حلوه وتلقين كل الاحجام
والحين منزل مثل صندوق خشب ملبس بيلد ابيض وايد حلووو

وبعد عندج سنتر بوينت منزل مثل كبت صغير وفيه ارفف تقدرين تاخذينه وتحطين بكل رف شلغه وشكله بيطلع واووو


والاشياء الي تحطينها مثل الاشياء المعتاده البخور ودهن العود وتقدرين تاخذين ملوت جنيد لانه الغراش ملوتهم بروحهم يكونون تحفه ويعطون شكل داخل الدزه

وبعد يحطون صياده وثوب صلاة وقرأن

هذا المعتاد

والحين صارو يزيدون ساعه وشي ذهب مثل سلسله او خاتم زياده ذهب

او سواره مثل الدبله بالضبط

وفي ناس تحط فرشه للفراش راقيه

او كفر راقي

وناس تحط قطع خام ذربه تاخذينهم من ميسور والتراث الهندي

والفلوس بعد يبيلهم طريقه تفنتقين فيهم مثلا تحطينهم بصندوق او تلفينهم بشرايط وتزينيهم


وبعطيج امثال من دزاتنا

دزت اخوي حطت بيض صعو ذهبي وسلفر وانثرته داخل الصندوق وفي برواز حطت صورة اخوي وكتبت على الصندوق اسمها واسمه

دزت اختي حطولها عطورات فرنسيه زياده

دزت ولد خالتي حطت لها فرشه عنابيه مخمل حق لفراش

ولفلوس حطتهم بصندوق خشب ارضيته كلها بخور

ودزتي قبل فتره وجيزه

حاطين لفلوس بمثل بوك مخمل مقسم اربع اقسام وكل قسم حاطين فيه فلوس وفيه مثل خيط يتسكر ودناديش

وبقشه مخمل مثل لون البوك حاطين فيها دهن عود غراش كرستال حلوه ومدالية دهن عود

وبخور وساعه اوميغا

بس فكرة البوك وشكله اينن اذا تحبين اشوفينه ومن وين ماخذينه دزيلي برساله وبصوره لج ان شاء الله

ولاتزينين الصندوق من بره يطلع شكله اذرب

واي مساعده احنا حاظرين

وربي يوفق معاريسكم

 

[Q8stylle]

البنات ماقصروو

 

[Lemon Juice]

قواكم الله ما تقصرون

لا خلا ولا عدم

خذينا الصندوق من عطورات العفاسي .. حجمه وسط ومعاه عطر عربي ودهن عود وعلبة المهر

و زدنا عليه بخور ودهن عود ثاني من عطورات الجزيرة

هذي دزتنا واطلعت بسيطة وناعمة

 

[نيكون]

المصممه سندس البطي افكاره حلوه اهي حاطه فوق اعلان بكويتيات بس روعه وعن تجربه 65800706

 

[mlakiya]

عساااااااه مبارك عليكم يارب

 

[قمر الكويتية]

رد : الــدزة ؟

بسوق الديرة فيه مجمع بجانب مجمع عيد النصار إلي بالسرداب فيه محلات الشايع فو الطابق الأرضي فيه محلات تبيع علب حلوه للدزة

 

[بنوته@كيوته]

ماشالله البنات ما قصرو
مبروكين يا رب

 

[مدام زيزو]

رد : الــدزة ؟

ساعه للعروس
عبايه وشيلة كشخه اذا متحجبه
جنطه ماركه
عطر غالي جذي

 

[شموااهـ]

رد : الــدزة ؟

بوابة الهدايا

 

[D@LoOoL]

حبايبي اذا حابين تضيفون لدزتكم طقم ثوب صلاة العروس




موجوده الصور و التفاصيل بتوقيعي














و الله يوفقكم يااااااارب و يتمم عليكم انشاءالله