الغيره حتى فى العنايه المركزه

[زوجة ضابط طيار]

السلام عليكم



هذي اول مشاااركة لى وان شاء الله ماتكون الاخيره



بناات اول شي بقولكم عشاان لايصير فيه ظلم


حماااي شااب واايد طيب وحنوووون بشكل مباااالغ فيه


لدرجة اذا وااحد من اليهااال يبكي ماايبي يروح المدرسه


ياخذه عنده بالدااار ويخشه يقوول والله مايبكي عشاان مدرسه خل يغيب اليووم



المهم حمااي هذا تزووج وحده عكسه تماااما

نجريه حنننانه والاهم من هذا كله غيرتهاا اللى اوفر اوفر


تخيلوا انها بعد عرسها بكم يوم جاابت عماال


عشااان يسكرون بين الصااله اللى نجتمع فيها انا وباجي حريم حمووواني

وخالتي وبنااتها

وبين الدرج عشاان حماي يطلع ويدش محد يشووفه


مره تهااوشت مع مرت حمااي الثاانيه تقولها ليش حااطه مكيااج


جذي مو عييب استحي على ويهج :eh_s(13): امبيه فشله


بناات ماطول عليكم

ذااك اليوم دشت خالتي المستشفى ودخلوها العناايه المركزه


كاان عندها جلطه سم الله عليكم


وكنا كل يوم نروح هنااك صبح وعصر واللى مايعرف طريقة العناايه المركزه


اقول اهي عباااره عن مكاان ممنوع الدخول فيه لانه للحالات


الخطيره واهل المرضى يشوفونهم من الدراايش او شاشات عرض


وتالي يتجمعون اهل المرضى ينطرون الدكتور يشرح لهم حالة المريض اللى يخصهم


يابناات كل يوم كنا نروح صبح وعصر وفي كل مره نرووح



نلقى جداامنا بنت عمرها حول العشرين


برووحها وكله تبجي لابسه ملفع وعباايه كتف وشكلها حيييل


حزينه لدرجة مدري متى تجي ومتى تروح لانها داايم موجوده


ذاااك اليوم واحنا توني داشين انا وزوجي وحمااي وزوجته


وبناات خالتي


كنا نسمع صوتها تكلم الدكتوور تقوله امي شفيها قولي شفيها


ليش دااقين علي تبون ابوي امي شفيها وكاانت تبكي كان قلبهاا حااس

قالها الدكتور ابوج وين اخواانج اى احد كبير قالت مااعندي

احد امي شفيها الله يخليك يادكتوور قولي شفيها


بناات والله العظيم اني ابكي وانا اكتب قالها الدكتوور روحي الاستعلاماات واهم يعلموونج

قالت لا الله يخليك انتي قولي من كثر امها مو غاليه عليها حييل


كاانت تقول لدكتور الله يخليلك امك قولي امي شفيها


قالها الدكتور ادعيلها بالرحمه امج توفت


بناات قسم العناايه كاان متروس بس ماافيه احد تحرك صوت الناس


اللى تبكي بكل مكاان واهي من الصدمه قالت لا لا يادكتور

امي مافيها شى امس حلمت فيها قالتلي ديري بالج عل نفسج

خل ادخل اكلمها والله يادكتور اذا سمعت صوتي رااح تقووم

والله رااح تقوم خلني ادخل اكلمها كاانت تتكلم بهستيريا

وصرااخ

قالها الدكتور ادعيلها برحمه امج دخلنااها الثلاجه


ومشى عنها قامت البنت صرخة من قلب وقطت ملفعها


تخيلو انا كنت موجوده ومت من البكي بس ما قدرت اسوي شى

والكل مثلي

حمااي المسكين رااح ركض وحظنها ضمهاا حييل وغطها بغترته


واهي اغمى عليها وشالها حمااي ودها الطبيب

عااد انا رديت البيت

وطول الطريج ابكي ولما وصلنا البيت وعلى بالليل جذي


اسمع صوت مرت حمااي تصاارخ وتقول لزوجها

اشمعنى انت حمااال الاسيه

اخوك وااقف ماتحرك وكل الموجودين محد تدخل شمعنى انت ليش ما احترمت وجودي

واهو يقولها روحي ناامي وخلي ليلتج تعدي


الصبح رحنا العناايه عشاان نشوف خالتي

واحنا داشين المستشفى لقينا حمااي وزوجته وخواتها عند المحقق

مال المستشفى تدروون شنو سوت :cxxxp:

راحت من صبااح الله خير ولمت خوواتها ورااحت المستشفى


ودشت على البنت اللى امها توفت تخيلو البنت في حاله مايعلم فيها الا الله

وقامت عليها اهي وخواتها وكفختها ومشعت شعرها

وشمختها باظاافرها البنت مو ناقصتها حسبى الله ونعم الوكيل فيها

طبعا زوجها كان يكلم زوجي وقاله على السالفه وسوااد الوجه

اللى سوته يقول حمااي مادريت الا دااقين على تلفون يقولون زوجتك عندنا

عااد حمااي طلعها بكفالة وخزياااااه وودها بيت اهلها

اسف طولت عليكم بس والله حييل ضايقتني هالسالفه شلون الغيره


توصل بالانساان :cxxxp:

 

[@حلاوة الدنيا@]

الله يرحم ام البنت

بس مرت حماج يامريضه نفسيا او مو واثقه من نفسها هي شكو ترووووح للبنت وتكفخها

والله يعينكم عليها

 

[ملاآاآك الشماآل]

رد : الغيره حتى فى العنايه المركزه

يممممممممممممممممممه معقوله


هذي تستاهل الطلااااااااااااق الوقحه


الله يشافي ام زوجك ويرحم ام البنيه المسكينه

 

[بنت عطا]

لاموصج

مادشت بمخي السالفه

وحتى لو ام البنت ماتت مالهه حق يضمها ويشيلها وووووووين قاعدين كلكم حريم ليش موانتوا شلتوها

 

[جروح خالده]

رد : الغيره حتى فى العنايه المركزه

حسبي الله ونعم الوكيل
صج موصاحيه

 

[MoonDiamond]

استغفر الله
الحمدلله يا رب على العفو والعافيه
يا مثبت العقول ثبت عقولنا

هذي شكلها ماتسيطر على مشاعرها

انا مره كنت كاشخه حدي بيونا حريم
ومرت اخوي كانت موجوده وانشلع قلبها علي وسالتني فلان شافج تقصد زوجها قتلها اي
بغت تموت وتنرفزت على وكان ودها تكفخني ومبين غيرتها قليلة العقل
قتلها ترى هذا اخوي وانا لابسه بدله ومتستره جان تقولي بس شكلج حلو وملفت

استغفرت ربي ومشيت وخليتها


بس اللي سواه حماج صراحه مو شي
مهما يكون مايضمها ويواسيها
مايجوز

 

[نهايتنا قبر و موت]

الله يرحممممهاا يا رب

والله يهددديهااا...~

 

[ـوودي آبـكـي]

وووووووووووي مآصدقهآ
هآذي مختله عقلياًَ اللهم لك الحمد​

 

[اللعبه]

اذا السالفه صج اقول اكيد خالتج وحماج مو صاحيين . خالتج لانها اخطبتها وحماج علشان مقعدها عنده .

 

[سأشرق]

يا قلبي الله يرحم ام البنيه و يصير قلبها
مرت حماج مو صاحية كلش المفروض تحترم ريلها زود لانه شهم و كسرت خاطره البنت
واااااااااااي بعض الحريم قلوبهم حجر الله يهدينا و يهديهم

 

[كنوشة 2009]

الحمدالله والشكر شنو هذا كافي اللي في البنت بعد يطقونها
انزين البنت ليش ردت المستشفى؟

 

[زوجة ضابط طيار]

رد : الغيره حتى فى العنايه المركزه



والله يابناات لو السالفه ماصارت جداامي


ماقلتها بس للحين احس بمرارتها


وحماي مسكين شااف البنت قطت ملفعها وقامت تصااارخ بهستيريا



لو ماكان فيه خير ماغطها بغترته حماي مو غلطاان الغلطانه


زوجته فيه سوالف طويله عريضه سوتها تفشل


وهي حلوه وبنت ناس لكن غيرتها هذي مرضيه


حمااي والله مسكين شا

 

[om al ghaleen]

الحمدالله والشكر
معقوله في ناس جذيه !!

\\

 

[عيش و مرق]

واااااااااااااااااى قطيعه شفيها مرت حماج سعلوه بروح البنت امها ميته وتلاقينها مو بشعورها بعالم اخر يوم شالها حماج لالالالالا هذه مو صاحيه الله يعين حماج عليها اعوذ بالله بس هم كان المفروض انتو الحريم تروحون لها اتواسونها وتشيلونها مو حماج مهما كان هذه ريال ومومحرمها

 

[حلوه و أموره]

رد : الغيره حتى فى العنايه المركزه

امبي حسبي الله عليها


البنت كافي اللي فيها

بعدين اهي تدري بريلها طيب زياده عن اللزوم ..خلاص عيشي مع هالريال و حمدي ربج ان ريلج ريال طيب جذي

بس سبحان الله اللي عنده شي ما يحمد ربه عليه

 

[ام متلق]

رد : الغيره حتى فى العنايه المركزه

البنيه تكسر الخاطر صح مافيها روح وتعال والله يصبرها على فرقا امها ويعوضها خير بس سالفة ان حماج يواسيها ويضمها ويغطيها بغترته ترى حيل صعبه مهما كان هذا انسان غريب مو محرم لها ولا حتى من اقصى قرايبها عاد الحق حق كان اولى انتي او حماتج او وحده منكم تسوي هالتصرف ماله حق ابدا بالي صار حتى لو من باب الشهامه مايجوز هذا رأي وعسى ربي يوفق الجميع

 

[زوجة ضابط طيار]

رد : رد: الغيره حتى فى العنايه المركزه

لاموصج

مادشت بمخي السالفه

وحتى لو ام البنت ماتت مالهه حق يضمها ويشيلها وووووووين قاعدين كلكم حريم ليش موانتوا شلتوها

مشكوره اختي على مرورج

صح كلامج المفروض احنا نشيلها لكن اللى عاش هالموقف

وشااف بعينه بنت فقدت امها كم قلب يبيلي عشان اقدر اشيلها

انا غصب زوجي طلعني والله غصب كنت ابكي يهستيريا تخيلت

لو انها امي والحريم اللى مو جودين احسهم تبلدواا محد عرف شيسوي

محد قدر يقرب صوبها

 

[فطووومة]

الله يرحم ام البنت ويشفي خالتج

بس كلج ماله داعي حماج يروح ومادري شسوي الصراحة مو حلو تصرفه وما الومها انها تعصب

جان قال حق مرته او حق اخته تروح لها شدعوة ماكو حريم

انا اشوف من حق زوجته انها تغار بس البنت مالها شغل مسكينة ان يطقونها


والله يهدي النفوس

 

[يازمان العجايب]

رد : الغيره حتى فى العنايه المركزه

مسكينه مريضه
والشرهة على خواتها اللي مساعدينها بسواد الويه

 

[sweet dashttya]

رد : الغيره حتى فى العنايه المركزه

امبي من صجها واي واخزياه

شلون متحملها واااااااااااااااااي فشله