الغزووووو الفكري

[Beauty paradise]

سلاام عليكم استغفرالله انا مخي بينفجر من التفكير مو قادره اسيطر على عقلي اربع وعشرين ساعه شغاااال وافكر بالف شي بنفس الوقت والله بموت من التفكير افكر بكل شي بكل شي مو قادره ارتاح وحايشني ارق ونومي معتفس ماااني عارفه شسوي ابي ارتااااااااح والله مو بس افكر بمشاكل افكر بكل شي بالمستقبل والحاضر وشبسوي وافكر بالكون وبالكائنات الحيه والدين والاسلام والجرايم والسجن والحبس وبالنادي والرجيم وبعرسي ومنو بعزم بعرسي معني حتى مو مخطوبه ولا شي بس جذي اففففكر بمواضيع مالها داعي مو عارفه اسوي ستووووب حق التفكير استغفرالله ياااربي ببجي ابي ارتاااح مادري شفيني وسواس ولا قلق لدرجه اني اربع وعشرين ساعه ارجف ببجي والله

 

[Tom ♥ Jerry]

.,


مآدري و الله شنو الحل
الله يعينج

 

[ޢޢޢإيمانޢޢޢะۣۨ>]

حبيبتي آنا فيني من طبعچ شوي ، وايد أفكر وأحاتي ، يمكن عندچ شوي فراغ بحياتچ أو بعض الأمور المهمة متعطلة ! حاولي تركزين بشي واحد مهم وتخلين تفكيرچ بهدف واحد معيّن ، يعني سئلي نفسچ ، آنا شنو أبي الحين ؟ وشنو أهم خطوة لازم أسويها ، اذا وصلتي حق هالنقطه راح تروح كل الأفكار الثانية ، ودايماً شغلي وقتچ بالدعاء وحطّي فيه كل أمنياتچ ، وسامحيني لو ماقدرت أفيدچ أكثر من چذي ، الله يسعدچ ويطمّن قلبچ​

 

[سندس 90]

وااااي والله ثم والله ثم والله انتي نفسي بالضبببط
انا جذي ودي ماافكر ولا احاااتي
والله افكر بالمستتققبل وبكللل شي
ونفس سالفتج انج تفكرين بمنو تعزمين لعرسج انا جذي افكر بأساامي عيالي ههههههههههه
والله جد تععبت
درااستي وحاليا امتحانات
تصدقين اعرف بنات ماشالله حياتهم حلووه نظامياات درجه اولى وسنننع
يقولون انا اعيش اللحظه واتقنها
مثلا ابي انام ، اهئ جو النوم مثلا اتدهن واقرا اذكار النوم اطفي الليت واشغل التكييف وماافكر الا بالنوووم
ومثلا اطبخ بالي بس مع الطبخه
وادرس بالي بس مع الدراسه اقفل على كل شي
وووو ... الخ هذي امور حياتها ماشالله


ودي اكوون جذي >>> بس انا موااسم ، مثلا الحين دراستي وامتحانات يتسلط علي كل المواااضيع
تلاقيني بالعطله شحلاتي وراسي شبه مرتاح


ماادري ليش يصير فيني جذي 

 

[rose2012]

هالحاله تيي وقت الفرااغ عندج فراغ
مخ الانسان وايد قوي و نشيط اذا ماشغلتيه بشي راح يشغلج باشياء لان متعود يفكر
يعني لاحظي وقت العطله تزيد الحال
شغلي نفسج بكتب بعباده قعدي مع الناس لاتقعدين فاضيه
وترا يقولون اذا فكرتي بالشي وايد تقبسيينه

 

[M!SS.LOBY]

الصلاة والاستغفار وقراة القران الكريم يرررريحج

 

[Huda alotaibi]

افصلي >>> ماكو فاصل اعلاني انشغلي بشي محدود

فوضه فكريه ناتجه عن التكدس النفسي جربي تغيرين حياتج

 

[دمعة إنسان]

طبيعة الإنسان التفكير

• " يصدى الحديد إذا لم يستخدم ، ويركد الماء إذا لم يتحرك ، وهذا هو ما يحدث للعقل إذا لم يفكر "
• ضعف الضمير يؤدي إلى ضياع التفكير ، وضياع التفكير يؤدي إلى انحراف المسير ، وانحراف المسير يؤدي إلى خراب المصير

الصلاة والاستغفار وقراة القران الكريم يرررريحج

هذا هو العلاج :eh_s(15):

ركزي على القرآن وتدبري فيه

 

[مو صج ~]

ريلاااكس حبيبتي كل شي بوقته حلو كل شي تفكرين فيه بووقته لا اتعبين نفسج ,, طلعي مع رفيجاتج فرفشي بتنسين الهم انا طلعه للبحر تنسيني همي