الغدة الدرقية

[مواســم]

السلام عليكم ورحمة الله وبركاته

شلونكم خواتي عساكم بخير

انا من 7 شهور متزوجه

وسويت تحليل حق الهرمونات عشان بشوف اذا انا سليمة ووالحمدلله كل شي طلع اوكي

بس اللهم الغدة الدرقية قالولي مرتفعه وحولوني من طبيب النسا الى طبيب الباطنيه

هل في وحده منكم مرت بهالحاله وشسوي حدي خايفه

:eh_s(10):

 

[غلاتي الكويت]

ما تشوفين شــر

انا بعد عندي خمول بالغده الدرقية


ويعطووني حبوب اكل حبة باليوم وبس


مافيج الا العافية لا تحاتين

 

[مواســم]

مشكورة يا قلبي

خمول يعني النسبة تزيد ؟ انا نسبتها زايدة

 

[blue diamond]

مافيج إلا الخير ان شاء الله
حبوبه انا عندي خمول في الغده وآكل حبتين في اليوم
انتي روحي وحللي واهما راح يعرفون نسبه الهرمونات اللي لازم تاخذينها
ونصيحه اذا عطوج الحبوب لا تستهينين فيها نفس بعض الناس أكليها بوقتها وبيوومها

 

[إستبرق]

عادي حبوبه لاتحاتين انا بعد كانت عندي الغده نشطه وكل تحاليلي زينه قالت لي خلاص روحي عالجي الغده وانشاءالله تحملين ورحت دكتور لغده درقيه وعطوني حبوب والله الحمدلله شهرين وحملت
انشاءالله مافيج الى العافيه يارب وتحملين وتولدين بالسلامه

 

[مواســم]

مشكورة حبيبتي بلو دايمون يامال العافيه والله

والله يشافي بنتج يا استبرق ويردها لج سالمه ومتعافيه ياارب

 

[شانيل نمبر 5]

لا تحاتين يابنت الحلال انا فيني الغده الدرقيه قبل اتزوج واللحين اكل 375 غرام تر الكسل
عندي مرتفع ومو السبب الوحيد انها تأخر الحمل انا ماشاءالله حملي سريع واعرف ناس فيهم غده
وبسرعه يحملون

 

[حروف]

ماتشوفين شر مواسم يالغاليه

ابشرج ان شاء الله خير انا خالتي جذيه صار فيها ونفسج قالولها مرتفعه وترى شي عادي وطبيعي

و الحين اهي حامل عسى الله يتمم عليها عالجت الغده وعلى طول حملت

روحي عدلي الغده وان شاء الله يرزقج رب العالمين

انتي وين تعالجين؟

بسألج خالتي

بس ها بشرينا عاد اذا حملتي واي شي انا حاضره اذا تبين اسألها عن اي شي

دعواتج لي بصلاتج بالتوفيق لاختج حروف

 

[مواســم]

سارا حبيبتي يمكن ليش بخاص ف اهم مبالغين ويبون قريشات والله يكتب اللي فيه الخير

حبيبتي حروف يزاج الله خير انا اشوه تطمنت من كلام البنات
واعالج الحين عند ماجدة اليتامى وحولتني عالباطنيه عندها

ومشكورة بعد عمري على مرورج ورايج