الغدة الدرقية ...... شنو سالفتها

[بمبرة]

حبيباتي
السلام عليكم ورحمة الله وبركاته
سؤالي باختصار منو تعرف اعراض الغدة الدرقية (الخمول)؟؟
وهل الغدة سواء خاملة او نشطة تأخر الحمل؟؟؟
آنا حللت للغدة تقريبا قبل سنة والحمدلله كانت سليمة :0bee2e8d89:بس صار لي جم شهر وآنا احس بخمول وتكسر في جسمي وحرورة وللحين ما حملت:0bee2e8d89:
فما ادري شنو تنصحوني اني احلل مرة ثانية او هذا تعب وقلة نوم؟؟؟

يالله كل من يجاوبني له الجنه وعسى الله يرزقه كل ما يتمنى
اللهم آمين

 

[مواســم]

انا كانت فيني الغده ويمكن مازالت

بس الحمدلله حملت والدكتورة قالت عادي

وصج اهي اتعب الجسم وتحسين بخمول ونعاس على طول

 

[أمونة الحلوة]

بصراحه ماعندي اي فكره بس انا انصحج روحي حللي مره ثانيه احسن علشان تطمنين واذا في شي لسمح الله تقدرين تعالجينه بسهوله قبل لا يزيد وان شاء الله مافيج الا العافيه
وان شاء الله البنات يفيدونج اكثر

 

[ام صغيروني]

انا بي خمول الغده وهي اللي تأخر الحمل

لان الدكتوره قالت لي لازم تعالجين الغده الاول لانها هي المسؤله عن كل شي

روحي حللي .......... والله يكون بعونك

 

[النبع الصافي]

حللي احسن

 

[زنوبة الحلوة]

والله انتي سويي تحليل اتطمني على نفسج

بعدين الخمول مو شرط يكون من القددة يمكن تكونين مرهقة هاليومين

بس ما يمنع انج تتطمنين على نفسج


والله كريم انشالله ويرزقج الذرية الصالحة

 

[sanyoreta]

انشاء الله مافيج الا العافيه
وان شاء الله البنات يفيدونج اكثر

 

[زيـنـه]

خمول الغده اعراضه:
النوم الزايد
الكسل و الخمول
الاكتئاب و ضيقة الخلق
زيادة الوزن
برودة الاطراف
جفاف الجلد

و ممكن لها دور في تاخير الحمل

حللي و راجعي طبيب غدد و هرمونات افضل

و الله يكتب لج اللي فيه الخير

 

[بمبرة]

:tek:جزاكم الله كل خير
وشورتكم وهداية الله