الغاء مادة العلوم في السنة القادمة لاعتبارها مادة غير أساسية

[قطة الشاشة]

الموضوع باين من العنوان هل برأيكم تعتبر مادة العلوم مادة غير أساسية والغاء المادة العام القادم
باعتقادي أن مادة العلوم مادة مهمة بحيث تقوم المعلمات والمعلمين بتدريب التلاميذ على التعريفات ومفاهيم علمية هل من المعقول أن يتم تدريس التلميذ العلوم فقط الصف الرابع والخامس ؟؟؟؟ مع ان منهج الصف الرابع والخامس منتهى الصعوبة ......
برأيي قرار غير صائب



أتمنى الكل يشارك....:bbbiu:

 

[Miss Basma ..}]

هم قالوا أنهم يبون يخلون أربع مواد أساسية و طبعا العربي و الانجلش و الرياضيات منهم
تبقى مادة يجادلون فيها إما الإسلامية أو العلوم
للعلم ، سبق أن قالوا أنه سيقللون حصص الإسلامية و يجعلونها مرة بالأسبوع
و الحين عاد شوفي شنو بيسوون

أنا أشوف أنهم يخلون المواد الأساسية خمس و تشمل العلوم و الإسلامية أو يكتفون بثلاث

 

[قاهره عذالي]

والله بدت الوزاره تخبط

ع الاقل يقولون اسباب هالقرار وشلون توصلون له

 

[كنوشة 2009]

وزارة التربية من تخبط الي تخبط ومن اردى الي اردى

 

[أأأميرة الورد]

بالعكس احسن علشان يتاسسون عيالنا عدل بالمراحل الثلاثه الاولى وتكون قدرتهم على القراءة والكتابه احسن واقوى

الحين والله الحياتيه والوطنيه والموسيقى ولا البدنيه ثلاث حصص ليش جذي حرام

والله ابرك لو يلغون المواد الثانويه ويركزون على الاساسيات

بعدين الطالب راح تكون رابع وخامس سهله له اذا هو يعرف يقرأ ويكتب

والله انا معلمه وعندنا بنات بالخامس والرابع ومايعرفون القراءة تطلعين اربع خمس بنات من الصف

والباقي حرااااام مايعرفون شي

ليش ماراح ينظلمون اذا راحوا المتوسط والثانوي وهذا مستواهم ؟؟؟؟؟؟؟؟؟؟
والحين الكل قاعد يحط مدرسين خصوصين وتاسيس للطالب

ليش جذي مستوى التربية ؟؟؟؟

 

[3houd86]

ما عندهم سالفه و غلطانين غلطانين غلطانين.
بدال لا يلغون مهارات الحياه و هالخرابيط يلغون العلوم.

طول عمرنا ناخذ مواد أساسيه و مواد عاديه بالمدرسه و بلابل بالقراءه بالإبتدائي.
ألحين البنات عندي برابع ما تعرف تكتب و تأثر علي بالرياضيات.

ألحين بذكاءهم الخارق لما يشيلون كللل المواد و يخلون بس المواد الأساسيه و البنت عندها 7 حصص باليوم راح تاخذ جم حصه من كل ماده؟
آنا أدرس رياضيات حصه يوميا حق 3 صفوف, هاذي ثلاث حصص لي باليوم.
بيقنعونا إنا ندش عالصف الواحد ندرسه حصتين درسين يعني بدال 40 دقيقه ساعه و نص رياضيات و إن الطفل راح يفهم؟
بيقنعونا إنهم لما يزيدون حصص العربي من 2 إلى 3 أو إن شاء الله 4 باليوم البنات راح يفهمون؟

أقسم بالله قسم أحاسب عليه يوم القيامه إن ما ضيع العيال إلا هالناس و هالقرارات. و إن إحنا نهلك و نقطع نفسنا مع البنات و احنا عارفين و متيقنين يقين تام و كلي إنهم مو فاهمين و لا راح يفهمون و لا راح يفلحون.

و من متى العلوم مو ماده أساسيه؟
طول عمرها ماده أساسيه و من أمتع المواد إللي كنا نخذها بطفولتنا.

الله يعجل بزوالهم و يفك العباد منهم. ضيعونا و ضيعوا الجهال.

 

[om mido]

عيالي بمدرسه خاصه وكانوا قبل بكندا

واهم مادتين عندهم والي يركزون عليهم مادة الانجليزي الي اهي لغتهم قراءة وكتابه والمادة الثانيه الرياضيات والعلوم كان شي خفيف

ما اعرفوا العلوم عدل الا لما راح ولدي سادسة
واحس جذي احسن لان بالبدايه ركزوا على الكتابه والقراءه والرياضيات وعقب تييهم مواد ثانيه يركزون عليها

 

[randomy]

افضل...وياليت يلغون الوطنيه والمهاره والاجتماعيات


اولى وثانيه وثالثه...يهال..تعب عليهم زحمة المواد...اسسوهم للكتابه افضل

 

[randomy]

افضل...وياليت يلغون الوطنيه والمهاره والاجتماعيات


اولى وثانيه وثالثه...يهال..تعب عليهم زحمة المواد...اسسوهم للكتابه افضل