العيــــــــــــــــــــــن حق ! تعالوا سمعوا هالقصة ؟؟؟؟؟

[تفااحة]

دشوا احسن ..........................



واللة هالقصة مؤثرة تعالوا يابناااااااااااااااااااااات ...











شلونكم ياحلواااااااااااااااااااات ....



اليوم وحدة تسولفلي بالدوام عن وحدة من جماعتها حملت عقب 16 سنة تخيلوا سبحاااااانك ياربي ماينسى عبدة .... تقول ان هالبنت كانت متزوجة من 16 سنة وباسبوع عرسها كانت وحدة من حريمهم زايرتهم بالبيت تحت جان تقول وين عروسكم ليش مانزلت جان يقولون لها واللة المعاريس نايمين ولانزلوا ومانبي نزعجهم ..... جاااااااان تقول بل هذول بس نايمين واللة شكلها عروسكم ماتدور سنتها الا ولدها بين ايدها ..................... ( وانتم عارفين شنو اقصد يعني من كثر الي شيسمونة راح تحمل بسرعة خبركم عروس والريال موشايف خير مومصدق طبعا كلكم مريتوا بالهسوالف )):dddds:
المهم البنت ماحملت ومر شهر شهرين ثلاثة سنة خمس عشر ماكوا حمل كلش ماخلت مكااااااااااان كل مكان تروحلة يقولون لها انتي سليمة مية بالمية ....
البنت راحت لندن سوولها الحقن المجهري مادري انابيب ماحملت قالولها بويضتج والحيوان المنوي كلما نبي نسوي التلقيح يتنافرون سبحان اللة مايخترق الحيوان المنوي البويضة وقالولها هذي حالة غريبة مانعرف سببها ليش يتنافرون (( شفتوا العين شتسوي)) ....

ردوا الكويت وسلمت امرها لربها خلاص كل شي سوته الغريب في الموضوع انا المرة الي كانت زايرتهم قبل توفت وسبحانك ياربي ثاني شهر من وفاة المرة البنت حملت .... وعرفوا طبعا ان من عينها سبحان اللة كانت واقفة عن الحمل عقب ماتأكدوا ان عينها سبحان اللة اهي ورا هالحرمااااااااان 16 سنة .... عاد البنت تقول (( لودريت ذبحتها من زمان:dddds: )) ...البنت الحين بالثامن وبالمستشفى ومسويلها ربط مع ان حملها كان طبيعي مية بالمية لا علاج ولا شي والي فيها بيبي واحد بس وينطرونها تدش التاسع ويولدونها لا وقيصيرية بعد مع ان حالتها ماتحتاج بس قالولها احنا ماراح نخاطر فيج خصوصا انج حملتي عقب 16 سنة وبنحاول قد مانقدر يجي البيبي سليم بعد اللة سبحانة ......................
ياللة اعولها بنااااات تولد بالسلامة ويثبت الي ببطنها يارب ويرزقنا وياها

شفتوا يابناااااااااااات العين حق ديروا بالكم على نفسكم وحصنوا نفسكم بالاذكاااااااااااار خصوصا ان 20%من حالات العقم مجهولة الاسباب والسبة هالعيون وهالسحر من الناس الي ماتخااف اللة....
عاد انا وسوست خصوصا اني سليمة انا وزوجي بس ماحملت ......................... عاد وين القى الي صاكتني عين او حاطتلي بلا عشان اذبحهااااااااااااااااااااااا:dddds:

 

[احلى^فراولة]

ههههههههه ياحلوج ياتفاحه لاان شاء الله مافيج الا العافيه

وترى بامريكا مايعالجون عن الحمال الا اللي صارلهم ثلاث سنين

احنا مطافيق من اول شهر والله انا من اول شهر رحت اعالج الحمدلله والشكر ؟؟؟

بس صج صج العين حق والله ثم والله انا حاسه مادري

دقت الله يسامحها وحده من الاهل على ريلي تقوله شخبار فراوله وشلون اللي ابطنها ريلي يقولها عن ضحك يرفس

والله اني سمعت نبرتها اتقول ايي يرفسسس

من باجر دشيت المستشفى الالالام ابطني ونزل الياهل

الحمدلله على كل حال اهم شي التحصين وذكر الله

 

[دلوعه زوجها]

مشكووره حبيبتي وصج العين تذبح بعد لأن فيه ناس لا يذكرون اسم الله ولا يصلون علي النبي

الله يبعدنا عن شر العين والحسد يااارب و عسي الله يرزقج ويرزقني وكل محروم بالذرية الصالحة عاجلا وليس اجلا يارب العالمين

 

[كبْرٍيآء]

انا حملت بعد سنه من زواجي دقت وحده تباركلي سالتني في اي شهر قلت لها الشهر الثالث ردت علي 3 اشهر ما حسيتي بالحمل وبنتي من اول شهر متعذبه بالمستشفيات والله حزتها اخترعت كان عمري 16 او 17 ما كنت اعرف شي بس حاشني خوف مو طبيعي من كلامها دقيت على امي على طول قالت ان شاالله مافي شي المهم بعدها بيومين او ثلاث والله ما اذكر نزل على دم واجهضت وبعدها حملت واجهضت مره ثانيه والحين حامل بعد اجهاضين والحمل مهدد بالاجهاض ياربي والله مادري شسوي اذبحها وافتك لووول

 

[شجره الدر]

انا حملت بعد سنه من زواجي دقت وحده تباركلي سالتني في اي شهر قلت لها الشهر الثالث ردت علي 3 اشهر ما حسيتي بالحمل وبنتي من اول شهر متعذبه بالمستشفيات والله حزتها اخترعت كان عمري 16 او 17 ما كنت اعرف شي بس حاشني خوف مو طبيعي من كلامها دقيت على امي على طول قالت ان شاالله مافي شي المهم بعدها بيومين او ثلاث والله ما اذكر نزل على دم واجهضت وبعدها حملت واجهضت مره ثانيه والحين حامل بعد اجهاضين والحمل مهدد بالاجهاض ياربي والله مادري شسوي اذبحها وافتك لووول

ســــايريها واشربي من سورها من غير ماتدري ماء شاي قهوه وان حصلك من ملابسه تبخري وتمحري ؟ تري الناس يحسدون حتي العرج اشلون يمشي علي رجل وحده حسبي الله عليهم .

 

[((الماسه))]

لو ما الحسد ما مات احد الحسد مذكور بالقران
مشكوره حبيبتي على هالتنبيه

 

[كبْرٍيآء]

ســــايريها واشربي من سورها من غير ماتدري ماء شاي قهوه وان حصلك من ملابسه تبخري وتمحري ؟ تري الناس يحسدون حتي العرج اشلون يمشي علي رجل وحده حسبي الله عليهم .

ويع ما احب اشرب من احد بس عشان البيبي اي شي يهون

مشكوره حياتو وان شاءالله تنفع ويثبت حملي يااارب

وان شاالله يارب ما اكون ظالمتها

 

[نف نف22]

الله يكافينا من شر العين واقرو سورة البقرهوانشالله الله يبعد عنا العين انشالله

 

[Swan]

ماشاء الله
الله يتمم عليها

وصاجه والله العين حق ..
بس اهم شي التحصين بالاذكار والاوراد اليومية
والله الحافظ

 

[++The DuchesS++]

الله يكافي الجميع شر العين
صج العين مشكله
الله يرزق الجميع ان شاء الله

 

[تفااحة]

ههههههههه ياحلوج ياتفاحه لاان شاء الله مافيج الا العافيه

وترى بامريكا مايعالجون عن الحمال الا اللي صارلهم ثلاث سنين

احنا مطافيق من اول شهر والله انا من اول شهر رحت اعالج الحمدلله والشكر ؟؟؟

بس صج صج العين حق والله ثم والله انا حاسه مادري

دقت الله يسامحها وحده من الاهل على ريلي تقوله شخبار فراوله وشلون اللي ابطنها ريلي يقولها عن ضحك يرفس

والله اني سمعت نبرتها اتقول ايي يرفسسس

من باجر دشيت المستشفى الالالام ابطني ونزل الياهل

الحمدلله على كل حال اهم شي التحصين وذكر الله

مشكورة ياقلبي انشاللة كلنا مافينا الاالعافية بس شنسوي الحمداللة على كل حال .... وانا عن نفسي ماراجعت المستشفيات الا عقب 6شهوووور من عرسي وكانت الدورة مو منتظمة عندي ......

وانتي اللة يعينج ياعمري على قولة وحدة من البنات اخذي منها شي سورها فنجالها او حتى مداس ريولها امسحي بفوطة واخذي مايها واغتسلي فية ...... وبعدين زوجج اللة يهداة المفروض مايتكلم ادري ان على نياتة بس الناس ماتعطي خير واللة ان في رياييل يغطون على حريمهم ولا يتكلمون فجأة تلقينها بالتاسع ولا والدة .....

 

[حبيبة زوجها2009]

مشكورة يا تفاحة على القصة المأثرة الله يبعد عنا العين ان شاء الله ونحمل كلنا ونفرح بشوفة عيالنا

 

[sweetcat]

الله يتمم عليها وبرزقنا يارب ويحفظنا من كل عين لامه وشيطان وهامه امين.......

 

[طفلة المطر]

حسبي الله ونعم الوكيل

اللهم من ارادني بسوء فاجعل كييده في نحره واجعل تدبيره تدميرًا عليه

اللهم ارني فيهم عجائب قدرتك

ربي هب لي من لدنك وليا

ياربي اكفني شر كل حاسد وعائن وعدوًا وباغض وكائد ومنافق

ربي اكفنيهم بماشئت

 

[فتكات بنت كيداهم]

الله يتم عليج بخير ياقلبى واحذى اشى من اثرها اشريه واو هدومها ولو قطعة صغيرة تبخرى فيها وانشالله تروح عينها القشرة وعليج بالقران

 

[خفايا]

مشكووره حبيبتي وصج العين تذبح بعد لأن فيه ناس لا يذكرون اسم الله ولا يصلون علي النبي

الله يبعدنا عن شر العين والحسد يااارب و عسي الله يرزقج ويرزقني وكل محروم بالذرية الصالحة عاجلا وليس اجلا يارب العالمين
الله يعفوا عنا وعنهم.........

 

[مدام سارا]

الله يرزقج تفاحه حياتى انا مثل حالتج بضبط سليمه وزوجى سليم عن الحمال صارلى سنه و8 شهور
ونطرر رحمت الله اما العيــــــن الله يكفينا شرها وهى حق بس الحمدلله والشكر ​

 

[تفااحة]

اللة يرزقنا انشاللة بحيل اللة وقدرتة بالحمل السليم المعافى .......................

 

[عاشقة وطنها]

علاج لكل عقيم

في شهر شعبان (1425هـ) جاءني رجل يشتكي أن زوجته لا تحمل وكلما ( حملت ) ويتكون الجنين ، يكتشفون أنه " لا ينبض قلبه ".. ويخرج ميتاً ، وقال لي: إن زوجته ترى في المنام أحلاماً مزعجة و...

فقلت له: عندي لك علاج :


1ـ تقرأ زوجتك القرآن وخاصة سورة الأنبياء وترددها كثيراً.
2ـ تدهن جسدها بالزيت المقري فيه، وأعطيته الزيت.


فجاءني بعد ما يقارب شهر ،وقال لي :
أبشرك زوجتي حامل ، والجنين فيه " نبض في القلب " وكل المنامات والكوابيس ذهبت ، والآن زوجتي ترى منامات فيها أنوار وجمال ولباس حسن وغيرها من الرؤى الحسنة.


فقلت له : وماذا عملت ؟

قال: بدأت زوجتي بقراءة سورة الأنبياء يومياً، وكل يوم تدهن جسدها بالزيت .


قلت : الحمد لله على كل حال .

وتمر ( تسعة أشهر ) وجاءني وقال : أبشرك جاءني ولد .


قلت :وكيف زوجتك ؟

قال: بأحسن حال ، والحمد لله .


قلت: وما هو رأي الأطباء قبل أن تستخدم الزيت والرقية الشرعية ؟

قال : والله إنهم أمروني بعدم الجماع لمدة ( ثلاث سنوات )على الأقل ، حتى لا يحصل " إسقاط الجنين " لأن رحم الزوجة لا يتحمل ، وهناك أمراض و .....

قلت : والآن بطل قول الطبيب وثبت ما يريد الرب العزيز الحميد .


وفي هذه القصة فوائد:


1ـ أن القرآن شفاء للأمراض المعنوية والأمراض الجسدية ، كما قال تعالى ( قل هو للذين آمنوا هدى وشفاء ) .


2ـ أن الأدهان بالزيت فيه " بركة " وكما ثبت في الحديث ( كلوا من الزيت وادهنوا به فإنه يخرج من شجرة مباركة ) .


3ـ أن بعد العسر يسراً ، والفرج مع الكرب ، والصبر يأتي بالنصر .

4ـ لا ينبغي أن نأخذ كلام الأطباء وكأنه "وحي لا ينطق عن الهوى " وخاصة في الأمراض العصيبة ، فقد يثبت الطب أن هذا المرض لا علاج له ، ولكن مع التفاؤل وحسن الظن بالله واستعمال الرقية الشرعية يأتي الشفاء من الله تعالى .
إذن: كلام الطبيب هو اجتهاد بشري ، ولكن مع ذلك ، لا نيأس من العلاج والشفاء الرباني .


5ـ أن سورة الأنبياء من أقوى الأدوية لمن أصيب ( بالعين ) لأن فيها آيات ( استجاب الله للأنبياء وكشف البلاء عنهم ) وقد عالجت بها أكثر من (90) حالة ولله الحمد .


6ـ اعلم أن تحديد سورة الأنبياء ليس ( بدعة ) لأن أمور الرقية " ليست توقيفية " بل متى ما وجدنا هذا العلاج نافعاً للمريض ،

فلا حرج في استعماله ، حتى لو لم يرد فيه دليل ,بشرط أن لا يكون مخالفا لشيء من أمور الشريعة .

وقد تتعجب وتقول : لماذا سورة الأنبياء بالذات ؟

فأقول : إن فيها آيات شفاء الله لأنبيائه وتفريجه عنهم وفيها أمور الفرج والاستجابة من الرب القريب المجيب , ونفس المؤمن المريض تعالجها هذه المعاني وقد انتفع بها خلق كثير ولله الحمد .

منقول

 

[الجوررى]

عسى ربي يكفينا شر العين والحسد
والله ياقلبي
كلنا نعانى من هالعين اللى مادرى على شنو حاسدتنا
بس الحمدالله على كل حال
ومشكوووورة