العيش الاسمر

[ناني سيكرتس]

السلام عليكم حبايبي




بغيت اسال عن العيش الاسمر , بنتي كملت 6 شهور والدكتوره قالتلي ابدي وكليها بس خلي بدال العيش الابيض عيش اسمر لان الابيض مامنه فايده كلش, وقالتلي لا تعطينها فواكه ودياي ولحم الحين, قالتلي اول ابتدي بالعيش فتره وبعدين دخلي لها خضره كل 3 ايام نوع خضره. و وبعد قالتلي ديري بالج اتوكلينها شي فيه شكر ولا ملح لان اثبتت دراسه ان هالاثنين يتعبون الكبد عند اليهال .
طبعا انا للحين ما بديت لان بنتي فيها اكزيما وخايفه اوكلها وتزيد عليها الحساسيه ...

عموما الي تعرف اشلون ينطبخ العيش الاسمر تقولي لان يقولون طريقته غير بالطباخ وانه يطول على ما ينطبخ ...




مشكورين وما قصرتوا ...

 

[$حبيبة عبودي$]

اب اب

 

[صادقة بكلمتي]

حبيبتي افضل نوع وعن تجربتي ولذذذذذذذذيذ وايد اخذي العيش مال ارض الطبيعة يجي جيس بكرتونة من كل الجمعيات ولسلطان تلقينه اغسلينه بماي بارد وكل جلاس عيش جنه له جلاسين ماي مكتوب على العلبة نسيت مو يمي اهي بصراحة الحين وينطبخ حروة 45 دقيقه على نار هادية ولا ينرفع عنه الا بعد الوقت المحدد اخذه لانه فيه كل شي مفيد وشوية تشبعج عكس العيش الابيض اللي كله متروس نشا بس غريبة وصفتلج اياهحق بنتج اللي اشهر عمرها لانه ثقيل شوية ما ادري يمكن اهي ابخص بس معدتها توها ما تتحمل لانه بقشورة وبيطلع ناشف عكس الابيض تتحكمين فيه مع الروب وينعجن بيدج

 

[الأميرة جوري]

نوعي بين الاثنين علشان باجر تكبر وتوهقين ماتاكل ال العيش الاسمر

 

[omaseel]

اللحوم انا اكلهم لما يتم سنه واول ما اعطي اكل روب خالي الدسم وسيرالك. موز. اعطي الموز بالعلقه يكون شوي مهروس.

 

[PuPa^^SWeeT]

العيش الابيض اسهل بالطبخ


بس انتي اشتري عيش الاسسمر و قبل لا تاخذينه اقري التعلميات


اكيد فيها طريقة الطبخ

 

[ناني سيكرتس]

بالعكس يا بنات العيش الاسمر مفيد حيل حق اليهال احسن من العيش الابيض بواااااايد, عموما انا شريت لها عيش اسمر بس العادي مال ارض الطبيعه, في عيش اسمر حبتة قصيره حق اليهال, العيش الابيض بس نشا ما ينفع اليهال بس يتفخ ...

عموما انا شريت العيش وطبخته كل كوب معاه 3 اكواب ماي , بس طبعا تخلينه طول الليل بالماي, عقب ما ينطبخ تقسمينه اقسام وتخزينه على شكل وجبات, كل ما ابي اعطيها اطبخ الوجبه عالبخار في خلاط افنز الي يطبخ ويخلط , وعقبها اخلطه فيها ويصير ناعم وانطره لين يبرد شوه واعطيه اياها..
في طريقه قالتلي اياها رفيجتي, تقولي ادا تبين اتسخنين الوجبه لا تحطينها بالماكروويف, خليها برا شويه وبعدين سخنيها بالماكينه الي تسخن الحليب مالت المميات ...

 

[Perfume]

غريبة
شدعوه ماتعطينها فواكه !!!
بالعكس الفواكه مهمة والدياي واللحم تدخلينهم عالشهر السابع لانه الياهل محتاج بروتين
ومن ٩ شهور الياهل ياكل مثلنا عااادي ماعدا البهارات الحارة والحليب والروب بعد السنة
بس انتبهي اذا فيها حساسية مثل ما قالت لج تعطينها نوع واحد لمدة ٣ ايام اذا ما تحسست منه واصلي عليه

 

[H.Heavn]

اي ما يصير فواكه قبل السنه, بس انا اعطيها تمر شويه لان من السنه وما ياثر عالياهل ..
انا عموما بمشي على كلام الطبيب وبشوف , لان اهي جسمها محسس فما ابيه يحسس زياده ..

 

[H.Heavn]

وي سوري انا ناني سيكرتس بس داشه من اكاونت اختي ... ههههه الصيام وما يسوي ....

 

[Perfume]

غلطانة حبيبتي الفواكه عادي من قبل السنة
بس اذا اهيا تتحسس لازم تنتبهين لها

 

[أم ميميتو]

حبيبتي العيش الاسمر تحطيله ماي ضعف العيش الابيض
يعني مثلاً اذا كنتي تحطين حق كل كوب عيش ابيض كوب ماي تحطين كوبين ماي حق كل كوب عيش اسمر
ان شاءالله تكونين فهمتي قصدي بصراحه العيش الاسمر وايد احلى من الابيض