العيشه بدون خدامه أحسن

[افريقيا]

منو اللي ما عنده خدامه و مرتاح إنه ما عنده خدامه ... اكو ناس ما عندهم خدم وإهمه مايبون خدامه بالبيت .. يبون كلشي يسوون بنفسهم ...أنا ما أحب خدامه بالبيت ... منو فيكم ما عنده و مايبي اييب ومرتاح

 

[حقـوق]

انا صراحه حماتي وخالتي ماعندهم خدامات .. بس خالتي متقاعده .. وماتخلصت من الخدامه الا لما تقاعدت .. وحماتي تخلصت منهم لما اكبر بناتها دشت المدرسه .. وهي للحين موظفه والحمدالله مسيطره على الوضع .. بس اقولج .. نهائيا مايطلعون الا بالمناسبات القويه .. ومرات تمر زوارات مانشوفهم .. اهو صح العيشه بدون خدامه احسن .. بس شتسوين هم شر لابد منه . يعني انتي موظفه وعندج بيبي وين تخلينه .. اذا الاهل الحين مايتحملونهم بالزواره تبينهم يتحملونهم طول فتره الدوام .. صراحه احس صعب حيل .. وماتتخلى عن الخدامه الا الى متقاعده وعندها بنات يساعدونها .. انا بروحها لو انها جونقر ماراح تقدر .. ولا تقولون قبل ماعندهم .. قبل ماعندهم بيوت مثل بيوتنا قبل غرفتين وزل وحوش والاكل لاخصلو منه قطوه بالحوش للدجاج .. والملابس ماعنده الا دشداشتين ومايعرفون الكوايه .. تغسل له وحده ووحده عليه .. يعني ماكو تعب .. والحياه بسيطه .. الحين استقبالات ومواعين الدنيا وبوفيهات .. وبيت سراميك لازم يوميا ينمسح . وحمامات .. لازم كل يوم تتغسل .. يعني مادري .. احس الخدامه صعب الواحد يستغنى عنها الا ماندر وراح يتعب حيل .. وراح يختفي من الواجبات الاجتماعيه .. واصلا الوحده فينا ان ماحظرت زوارتين يقولون وينها تقول لهم ماعندي خدامه يقولون وي الله يعينها . يعني شي صعب

 

[الأميرة جوري]

حسب الظروف خصوصا اللي داوم غير محتاجتها

 

[سلاسل الذهب]

انا والله غصب حاطه البيت كبير وانا مافيني شده ما احبهم كلش لكن شر لابد منه اهم شي الله يكفينا شرهم