العنايه بالبنت البالغه

[msl 1881]

السلام عليكم
شلونكم يااحلي كويتيات يااهل السنع والزين والعداله
حبيباتي انا وايد استفدت من هالمنتدي بكل شي في حياتي وجزاكم الله خير ع هالنصائح اللي تكتبونها وايد فادت ناس
واخص بالذكر حبيبتنا مزيونه وشقره صراحه انا اول كنت استخدم شور جل من بدي شوب بس بعد ماستخدمت صابونة مزيونتنا قمت كله استخدمها صراحه نظافه وبياض صراحه شغل عدل الحين انا مااستخدم غيرها دايما صراحه ادعي لها بالتوفيج صراحه جزاه الله خير حسيت بتغير من استخدمت الصابونه
حبيباتي بدخل بالموضوع بنات انا عندي بنت بتدخل 14 واول مره يعني يصير عندي بنت بالغه
صراحه ماني عارفه اتصرف معاها انه اول بنت تبلغ وانا عندي غيرها اربع وطبعا ابي مساعدتكم
ابي شنو تسون مع بناتكم يعني النظافه بشنو يتسبحون اذا خلطه صابون او شور جل اوصابون يفتح البشره
لشن بنتي سمره حابه اشياء تفتح بشرتها من اكريمات اقدر اخليها تستخدمها
يعني بالعربي الفصيح ابي خاطات للجسم كريمات للبشره العنايه بالجسم شلون
تعرفون بعد حبيباتي اول بنت عندي ومااعرف شي
ودي اطلعها بلوك يديد بالعيد بفرح بنتي صراحه انا كل اعاملها على انها بنت الصغيره
لما لاحظة انه لما اروح محلات البنات الصغار مافي شي غياسها حتي الملابس اللي اشتريها مو مناسبه عمرها
حتي البعض قالي ان بنتي اكبرت اذا رحت محلات النسائيه بلاقي سمول قياسها اهنيه حسيت اني صج ظالمه بنتي
بس والله بنات مومني انا عندي غيرها اربع ف عشان جذي ماني قادره انتبه لها
المهم انشاء الله اعوض عليها بمساعدتكم وياي
ابي عنايتكم بناتكم شلون من الى
شنو الكريمات اللي تستخدمنها لبناتكم وشنو خلطات الصابون كريمات جسم كريمات بشره
واهم شي انها سمره ابي اشياء تفتح بشرتها
ويارب يوفج كل اللي تساعدني واكون شاكره لكم

 

[miss alreem]

والله ياحبيبتي بما اني اكبر من بنتج بجم سنة ماكو فرق بيني وبينها الأ سنتين ونص

احس عادي انا استخدم خلطة مزيونة وشقرا عادي وترى الجولسيد حلو عادي خليها تستعملة عاد الجلوسيد هذا حبيب العايلة كلها

وكريم زبدة الكاكاو اللي من فازلين ترى حلو حق الترطيب وخليها تحط قبل السبوح زيت جلسرين وزيت الوز المر وليمون ترى حدة عجييييييبه هالخلطة وخليها تحطة فترة على الجسم مو اقل من ساعة انا احطة ساعتين امممممممم خليها تسوي اقنعة طبيعية الروب مع النشاء هذا حدة عجيب احسة يفتح البشره وخليها تستخدم شغلات طبيعية انا انصحج بالخلطة بالزيوووووووت ترى حدها عجيبة انا جسمي مو موحد لونة بس استخدمتها مرتين حسيت بفرق واللحين بخلي اختي الصغيرة تستخدمة وعلى فكرة اختي اصغر من بنتج بسنتين

واذا تبين شي انا حاظر
دزي على الخاص لاني ما اجيك على المواضيع

 

[miss-winter]

مادري بس 14 سنه مو زين عليها خلطات بييض وهالسوالف خليها تهتم تتدهن دايم جونسون وكريمات ولوشن من بدي شوب الي على توت وفراوله توها صغيره وايد على الخلطات وتبييض وهالسوالف حرام

 

[msl 1881]

مس الريم مشكوره حبيبتي ع النصائح ان شاء الله اسوي اللي قلتي عليه حبيبتي الله يوفقج
وحدانيه 22مشكوره حبيبتي علي اهتمامج انا ماابي خلطات فيها كرتزول لا يعني ابي خلاطات الصابون او زيوت تفتح الجسم بطريقه امنه
يعني مثل كريمات فير اند لفلي وغيره تكون نتيجتها حلوه ومبينه
ومره ثانيه شكرا

 

[msl 1881]

اب اب
بنات ابي تفاعل ابي ردود ونصائح حلوه
وين الامهات السنعات خل يعطونا دروس بالعنايه بناتهم

 

[انصاريه قمره]

حبيبتي بنتج لازم تودينها تنظف نفسها بالصالون كل شهر يعني تسوي ايدها وريلها والاندر ارم شيره وتشيل شواربها اذا عندهاا ولازم يكون عندهااا كريم مرطب خاص حق بشرتهاا ويستحسن يكون من الصيليه وطبي اذا كانت تعاني من حبوب وهالسوالف وغسوول حق ويهاا سوالف جمعيه مثل ديودرنت بودره وسودو كريم حلو حق المنطقه الحساسه انا علمت اختي تغسل وتنشف وتحط منه شوي ولاوم تلبس شورتات قطن علشان لا يصير احتكاك بالمنطق ويصير سواد ويأثر عليها بعدين وعلميهاا شلون تنظف نفسهااا بالموس لانه توهاا عالشيره اخذيلها موس البنات الوردي من الجمعيه اعتقد سعره 3 شوي وانشالله البنات يفيدونج

 

[msl 1881]

ياقلبي انصاريه قمر مشكوره حبيبتي علي النصائح
تصدقين عاد انا بنتي كله تحن علي تقولي اديني كلهم شعر واستحي لما اطلعهم وانا اقول لها انتي توج صغيره علي هالسوالف
تصدقين نبهتيني علي هالشغله هذي ان شاء الله ابي اطبق كلامج
مشكوره ياقلبي وجزاج الله خير

 

[msl 1881]

بعد خواتي ابي نصائحكم ابي الكل يرد ابي استفيد
زين ابي اسئلكم اي كريم احسن الجلسرين ولا الجولسيد وشنو الفرق بيناتهم
وشنو احسن كريم للبشره يفتح البشره او شنو تنصحوني اشتري لها اكريمات للبشره

 

[bnt_shyo5]

انا بنتي تقريبا كبرها كانت تستخدم خلطه من وراي عشاان ما اعصب عليها
حق بشرتها اسمها (( خلطه صبوحه)) شوفي عاد جربي وياها تلقينها عند الحواج مال الاندلس حواج صبوحه خل تحطه قبل لا تنام على وجهها ورقبتها حياتي ما اعرف هاذا ولا هاذا الجلسرين ولا الجولسيد وبعدين لما تتسبح عطيها سنفره ((كاب)) كل تلقينها من الحواج نفسسه خلي تتفرك بالليفه عدل على كل جسمها وقبل لا تنام خل تحط لوشن على ايدنها ورجولها ولا مو شرط قبل لاتنام عاادي اي وقت وتلبس دلاغات وتحط حمايه حق بشرتها روحي الصيدليه واخذي لها حماايه وبعد شنو اي وخل تفرك ويهها بالمنظف ((سكينول)) احسن منظف وتحط روب بعده تقعد لما يجف ومن ناحيه سنفره كاب شوفي شلون تستعملها حق الوجه (( خليها تفركه بالوجه بشكل دائري تقعد يعني تقريبا لمده 5 دقايق او اقل وتغسل شوفي النتيجه وردي لي خبر )) موفقه انشالله خو بناتنا بالشي لا تسألين عن اعمارهم مراهقات ويحبون يعتنون بنفسهم

 

[msl 1881]

انا بنتي تقريبا كبرها كانت تستخدم خلطه من وراي عشاان ما اعصب عليها
حق بشرتها اسمها (( خلطه صبوحه)) شوفي عاد جربي وياها تلقينها عند الحواج مال الاندلس حواج صبوحه خل تحطه قبل لا تنام على وجهها ورقبتها حياتي ما اعرف هاذا ولا هاذا الجلسرين ولا الجولسيد وبعدين لما تتسبح عطيها سنفره ((كاب)) كل تلقينها من الحواج نفسسه خلي تتفرك بالليفه عدل على كل جسمها وقبل لا تنام خل تحط لوشن على ايدنها ورجولها ولا مو شرط قبل لاتنام عاادي اي وقت وتلبس دلاغات وتحط حمايه حق بشرتها روحي الصيدليه واخذي لها حماايه وبعد شنو اي وخل تفرك ويهها بالمنظف ((سكينول)) احسن منظف وتحط روب بعده تقعد لما يجف ومن ناحيه سنفره كاب شوفي شلون تستعملها حق الوجه (( خليها تفركه بالوجه بشكل دائري تقعد يعني تقريبا لمده 5 دقايق او اقل وتغسل شوفي النتيجه وردي لي خبر )) موفقه انشالله خو بناتنا بالشي لا تسألين عن اعمارهم مراهقات ويحبون يعتنون بنفسهم

مشكوره حبيبتي وجزاج الله خير
زين كريم الصبوحه ينباع عند كل الحواويج ولا بس باللي قلتي عليه لان انا بالمنطقه العاشره
وهمن مايضر بشرتها اذا استخدمته
ومره ثانيه شكرا حبيبتي وجزاج الله خير

 

[bnt_shyo5]

رد : رد: العنايه بالبنت البالغه

مشكوره حبيبتي وجزاج الله خير
زين كريم الصبوحه ينباع عند كل الحواويج ولا بس باللي قلتي عليه لان انا بالمنطقه العاشره
وهمن مايضر بشرتها اذا استخدمته
ومره ثانيه شكرا حبيبتي وجزاج الله خير

والله يا حياتي انا موو حيييل مع الحواجين بس اعرف هاذا
والزين عنده وانشالله نا يضرها

 

[روعة الوجدان]

مشكورة ياقلبي ع هالموضوع الرائع والمهم

أنا عندي بنت على وشك إنها تبلغ

ومنكم نستفيد حبايب قلبي