العملية القيصرية و شفط الدهون

[Om fhoood]

السلام

شلونكم بنات ؟؟

أنا عضوة متابعة من زمان ووايد وايد استفدت منكم هني بأمور وايد

وكنت حابة أستفسر منكم عن شغلة

أنا متزوجة من 3 سنين وعندي ولد عمره سنة ونص وكنت والدة طبيعي ولله الحمد

وحاليا ناوية أحمل مرة ثانية منها مايكون فرق العمر بينهم وايد ويكبرون مع بعض

ومنها أقدر أرتاح فترة قبل لا أفكر بالحمل

واللي مأزمني الكرش من الولادة

عشان جذي قررت بعد تفكير واستخارة إن ولادتي تكون قيصرية وإني أسوي معاها عملية شفط دهون لمنطقة البطن بس

لأن ماعندي غيرها مأزمني وعموما جسمي حلو

طبعا استخرت واستشرت وفكرت

وبالنهاية ارتحت لهالأمر


بس اللي حبيت أعرفه منكم في وحدة سوت جذي وعند أي دكتور وجم كلفتها ؟؟

عفية بنات هذا أول موضوع لي لاتخلوني بدون رد ​

 

[Om fhoood]

شدعوا بنات ولا رد واحد

يلا أب عشاني 

 

[Om fhoood]

شدعوا بنات ولا رد واحد

يلا أب عشاني 

 

[Om fhoood]

اب اب اب اب


شدعوا بنان والله ماتشجعون الوحدة تكتب موضوع ولا تحط رد

 

[أحلام العمر]

ما اعتقد بنفس وقت القيصريه يسون لك شفط مستحيل اختي ان شاء الله ما تجربين ابقيصريه حسبالك هينه الا موت وعذاب ياليت اقدر اولد طبيعي القيصريه بعد ماتقومين من البنج ٢٠ يوم ما تقدرين تحركين انا ما ابي اخرعك بس هذي نصيحتي

 

[Om fhoood]

حبيبتي والله مشكورة ع الرد و النصيحة فديتج

انا عارفة انها الم وتعب واذية بس بصراحة نفسيتي تعبت من جسمي

وكنت بشوف يسوون لي العملية بنفس الوقت ولا لا

كنت بسأل احد مجرب
لان اذا لازم انطر لا طبعا اولد طبيعي وعقب اسويها وامري لله شسوي

 

[Om fhoood]

لا اله الا الله

٤٧ مشاهدة ورد واحد !!!!

واي مو صج انتوا

مو معقولة محد جرب بنات واللي يسلمكم اللي عندها معلومة لا تستخسر تكتبها

ترى الشي الهين عندج صعب عند غيرج وباجر بتدورون مساعدة

عيل شلون لو قلت لكم اني كنت بكتب موضوع عن كريم روعة وبعلمكم عليه للتقشير وايد وايد حلو ونتيجته واو

بس مابي هونت تضيقون الخلق

 

[xxx]

هلا اختي

العملية ماراح تكون ناجحه وهالكلام من كذا دكتور

الرحم بيكون متضخم وصعب يسوون الشفط بنفس الوقت

خلي ولادتج طبيعيه وعقب ٦ شهور سوي الي تبينه

حرام تتعبين والنتيجة ماتكون مضبوطه ١٠٠٪

 

[اميره بكلمتي]

حراام عليج ام فهود اذا عملية الشفط بروحها الامها مو صج ولا هالدور ولادة قيصريه مع عملية شفط اشلون تتحملين الالم جذي واصلا لازم مدة 3 شهور ماتشيلين اي شي ثقيل واجل لاسويتيها اشلون تعابلين بالبيبي ما اقول الا استخيري وشوفي شيصير معاج

 

[$نرجس$]

اول شي اختي والده قصيريه وابره بالظهر والحمدالله ما فيهاا شي بس من جسم لي جسم يفرق
والله رابع يوم قاعده على الكرسي صج اتعبت بس شهر والحمدالله مافيها شي تعب قبل الدوره
بس منو الدكتورالاهبل الي قالج يصيير لااا تلعبييين بنفسج القيصريه ممكن يسوون تجميييل للبطن موشفط يعني ياخذون الجلد الزايد ويشدونه يلزقونه بظهرج بس هاذي للي جايبه اربع او تبي تكتفي يعني اذا امفكره اجيبين اعياال خليهاا بعد ما اتاكديين انج خلاص ماراح اتحمليين لي خمس اسنين والشفط بعد سنه على ما اظن او تسع تشهر مو على طووول​

 

[Om fhoood]

بعد عمري بنت الكويت ماقصرتي ع النصيحة مشكورة
اميرة بكلمتي يعطيج العافية حبيبتي ع الرد و النصيحة انا والله كنت ابي استشيركم ورايكم يهمني

نرجس حياتي يعطيج العافية وانا بعد خالتي ولدت قيصرية وبنج كامل والحمدلله كاهي مافيها شي اهو يفرق

شكلي بمشي على نصيحتكم وبولد طبيعي بعدين اسويها


تسلمون لي كلكم فديتكم


يلا نطروا موضوعي عن كريم التقشير

 

[عسله]

ام فهود نصيحتي لج عقب ماتولدين وتكونين خلاص ماتبين عيال سويها بس مو بيقصريه مايصير معها شفط وشد
والقيصريه انا مجربتها اول يومين تعب وبعدين يخف الالم والشفط والشد هم جربته مؤلم بس مافرق عندي عن الم القيصريه مع الم الشد وعادي فتره ويخف

 

[Om fhoood]

عسلة حياتي مشكورة ياقلبي ع النصيحة تسلمييين لي حبيبتي