العمليات بعد الحروق

[mn.mn]

السلام عليكم

حبيت بس اعرف معلومات عن عمليات الحروق

اللي عندها فكرة او تفاصيل او اسماء دكاترة بالكويت او بره الكويت عفية تفيدني

انا ولدي انكت عليه ماي حار والجزء اللي صوب خاصرته اذا ما الـتألم خلال هالاسبوع احتمال يحتاج عملية

وانا وااااااااااااااااايد احاتي وخايفة اخاف اللي هني يلعبون فيه الله لا يراويكم اللي انا فيه

وعسى الله يحفظ عيالكم من كل شر

 

[chawchaw_Q8]

سلامت ولدج مايشوف شر,,,,, انصحج بالبابطين للحروق يايبين ماده يديده من لندن مخصوص للحروق اللى ما تلتئم و بدال مايحطون لها رقعه و يصير شكل الحرق مو شي.. صراحه الاسم رايح من بالي بس اول ما يطري علي بقولج

 

[mn.mn]

بعد عمري ما قصرتي انا اوديه البابطين يوم وترك عشان الغيار بس هم وايد خايفة العملية شي مو سهل

واهو صغير ما كمل 5 سنين

 

[ديناالدلوعة]

ما يشوف شر انشالله والله يحميه ويشفيه يارب ترى دكاترة البابطين حيل زنين ومنهم د. هشام بورزق خوش دكتور

 

[mn.mn]

مشكورة دينا ان شاء الله بسأل عنه لان الدكتور اللي متابع حالة ولدي اسمه احمد

 

[نووووونا]

هلا اختى


ما يشوف شر الصغيرون بعد عمرى

الله يشافيه ويعافيه ويخليه لكم

 

[هوى الدار]

وي بعد عمري

سلامته ان شاءالله

وان شاءالله يلتئم وما يحتاج عملية

الله يخليه لج وتفرحين فيه ان شاءالله

 

[Haifona]

الف سلامة على ولدج حبيبتي ، افضل مستشفى لعلاج الحروق في العالم المستشفي العسكري الفرنسي اذا حالة ولدج صعبه ، والله يحفظه بلوجه المحفوظ

 

[مس يو]

من من بعد عمررري توني اشوف موضوعج .. عسى الله يشافيه يارب بدون عمليه..

والله يصبر قلبج وياجرج على صبرج ياررب..

عليج بالدعاء حبيبتي.. وانا والله قلبي معاج ودايما ادعيله بالشفاء العاجل..

بس والله ما عندي خبرة عن هالسالفة..

انا حماي مسكين احترق واهو صغير واهو اساسا فيه متلازمة الداون وشب بنفسه بدون مايفهم مسكين.. والحين ريال عمره 29 تقريبا ..

بس كل جلده صاير نفس الشبكة من اللي كانو يحطونه عليه .. لانه كانت الحروق عميقة ...بس انتي لا تخلينهم يسوون لولدج جذي علشان مايتشوه جلده والحمدلله على كل حال هذي ولا غيرها ....

 

[mn.mn]

نجد وهوى الدار وهيفونا ما قصرتوا والشر ما إييكم ان شاء الله والله يحفظكم ويحفظ عيالكم من كل شر

مس يو بعد عمري والله ادعي ان الشفا يكون من الله ولا يحتاج هالدكاترة اللي ما تدرين فاهمين ولا ما يدرون شيسوون

ويابعد عمري ما قصرتي والله يحفظ عيالج من كل شر والظاهر حماج كانت حروقة من الدرجة الثالثة انا ولدي من الدرجة الثانية

والحمد الله جلده احسه عادي بس المشكلة بالجرح لاااااااااااااااااااااازم ينشف عشان ما يكون فيه خطورة وتالي يفتحون الشاش

 

[بطة رشيقة]

ربى بشافيه ويعافيه وانشالله ما يحتاج لا عمليات ولا شى انا للاسف ما اعرف معلومات عن هالشى بس اعرف ان بدعاء الام وبالماى المقرى وماى زمزم انشالله يارب يا منمن ما يحتاج شى شربيه ومسحى عليه واقرى عليه وقولى اللهم رب الناس اذهب الباس واشف انت الشافى لا شفاء الا شفاؤك شفاء لا يقادره سقما ويارب يارب يشافيه ويعافيه يا حبيبتى قلبى معاج ....

 

[mn.mn]

بعد عمري بطو والله كل يوم اقرا عليه الرقيا قبل الفير وان شاء الله ربي يشافيه ويعافيه بدون عملية

بعد عمري ما قصرتي

 

[mn.mn]

up up

 

[.:!:. ونس .:!:.]

الله يشافيه ان شاء الله بشرينا عنه اذ تشافى

 

[ZajiL]

هلا منمن شخبارج
والله البابطين روعه واحسن طبيب هناك اسمه بانق هندي خوش واحد
كل عمليات اختي اهو مسويها ورايحتله عن طريق حماي لانه دكتور

لاتحاتين ترى البابطين مطورين حيل عسى الله يشفييه يارب

 

[شمريه بلا حظ]

بقولكم على شغله طبيعيه ومضموووونه باذن الله


بس ابي اللي تقراها تدعي لي من كل قلبها بالتوفيق



اولا الله يشافي ولدج


والعلاج السحري ياطويلة العمر


تاخذين جلد دجاج وتحطينه على النار لين يسيح يصير نفس الزيت


وتحطينه على المكان المصاب بالحروق


كذا مره


بتشوفين بعدها نتيجه مذهله وسريعه وبدون اثار للحروق




بس لاتنسين الدعوه الحلوووووه

 

[mn.mn]

ساد قيرل وزاجل وشمرية يزاكم الله خير وما قصرتوا

ولدي الاحد راح يدخل المستشفى وان شاء الله الاثنين عمليته

ولا تحرمونه من دعواتكم

 

[شمريه بلا حظ]

الله يشافيه ويقومه بالسلامه


وطمنينا عنه بعد العمليه

 

[@شمس الضحى@]

بسم الله عليه الله يشافيه
ياحياتي يامنمن الله يصبر قلبج ويعينج الحريق عين والله اعلم
ترا الخوا جوا مع المره زين لكل شي تغلين المره بزيت زيتون لحد ماتذوب المره وقدار ملعقتين بكاس زيت
وتضيفين لهاا الخواجوا وخليهااتبرد وادهني الحرق مرتين الا 3مرات باليوم والله يشفيه ويقومه بالسلامه قلبي معج

 

[mn.mn]

شمرية ما قصرتي بعد عمري وان شاء الله يقوم بالسلامة

شمس الضحى بعد عمري ما اقدر الحين احط عليه شي لي الحين ما برى

وماكو حل الا بالعملية الله كريم ان شاء الله