العمرة والطفل

[Sa7aBa]

السلام عليكم امهات

اول مره راح اروح مكة شرفها الله مع طفل عمره سنتين و 5 شهور
وحدي احاتي
خاصة انه ليلحين حفاضة وليلحين ممه
واهو وااااااااااااايد اسم الله عليه حركي ومايحب يقعد بمكانه
فمالعمل ؟

 

[raoand]

والله ماادري انا نفس ....قريت بالنت عن حالات خطف الاطفال الصغار في مكة وهونت عن الروحة اما تخلين ولدج عند امج او وحده من خواتج اما اذا حابه تاخذينه ديري بالج عليه والله يعينج على تبديل الحفاظات

 

[ام نيوفي]

اختي لو انا مكانج ما اخذه
اخليه عند امي و لا عند وحده من خواتي
بعدين انت رايحه تعبدين ربج شلون بتعرفين تصلين و تذكرين ربج وولدج معاج
وايد صعبه
لو انت رايحه ديره ثانيه تتمشين فيها كان قلتج عادي اخذيه و استانسي
بس انت رايحه مكه
ترى كلش ما تصلح لليهال
شلون بتصلين و اهوه يمج ما تخافين يروح

 

[انوثة من حرير]

مانصحج تاخذين ياهل معاج روحي تعبدي ربج بروحج تحسين براحة يوم كنت بالعمرة نتظر صلاة المغرب وكان الامام السديس
وحدة يمي طلعتها بنتها قبل الصلاة بدقايق تبي الحمام امها انقهرت ودها تذبحها وطلعت ماصلت وحسيت بحرتها واكثر الي ماخذين اعيالهم متبهذلين اشوفهم بالحرم زهقانين

 

[شيري ديور]

الله يعينج ؛؛بعد حتى انا مثلج متوهقه

 

[دمثة]

مافي الا العافيه قبل لاتدشين الحرم تكونين مبدلة له ووابوه يشيله بالسعي والطواف قعدي بالكرسي وتهو بحظنج وشنطة اصغيرة فيها حليبته وبسسسسس

 

[دمثة]

يعني لبسيه حفاضة بس عشا ن الحرم ولا يأذيجج بالحمام

انا سويت جذية واهم شي مايفارقج وبالصلاة ربطيه بيدج

 

[غنوة ستايل]

عادي ياقلبي مافيها شي
انا ناويه اخذ اعيالي معاي على رمضان ان شاء الله
ولد عمره سنه ـ وبنت بتكون شهرين وشوي .
الولد يشيله ابوه بالسعي والطواف . والبنت مع الخدامه عادي والحمد الله الخدامه مسلمه .
يعني ان شاء الله ما اتعب ..

 

[Sa7aBa]

انا الود دي اني اخليه الصراحة رايحه باتعبد
بس بنفس الوقت محد يبي يستقبله
لأنه متعلق فيني كوني سافرت شهر وخليته وعقبها بجم شهر رحت العمرة 5 ايام وهم سافرت اسبوعين وخليته
فخايف اني اروح عنه بعد عمري
خواتي وامي زفوني قالولي حرام عليج الولد صارت فيه عقدة من سفراتج اللي طافوا
فمالي حيله
يا اني اخذه او اني اقعد
لو اهو عمره 6 سنين يفهم عالأقل جان قلنا