الفرش اشتري نوعين ماركة وعادي..
الماركة انا استخدمهم:
-فرشة كلينك للفاونديشن:
تعصرين الفاونديشن على ايدج وتاخذين بالفرشة كل الكمية وتحطين منها كمية راهية بالجبهة، الخدود، الخشم، الحنج.. وبعدين توزعين من تحت لي فوق.. واللي يبقى بالفرشة توزعينه عالرقبة.. وبعدين راح تحسين ان في خطووط بويهج.. تاخذين اسفنجة من بو100 انا اشتري واايد لان الاسفنجة تستخدم مرة وتنقط -مفروض- فانتي اشتري كمية يمكن كل جيسة فيها 3 او 4 بلاااش استخدمي الوحدة فيهم مرة مرتين وقطيها.
-فرشة ميك اب فور ايفر للفاونديشن:
هذي احلى صراحة من مالت كلينك وعملية اكثر وطريقتها بالاستخدام عجييبة.. تخيلي تحطين الفاونديشن على الاماكن اللي ذكرتها وبعدين تاخذين الفرشة وتوزعين بسرعة بسرعة بس بخففففة جنج تشيلين الغبار من ويهج.. بخفففة.. وتشوفين الفاونديشن توزع.. تمسكينها بس من طرفها وبسرعة توزعين وخلاااص ready to go على قولتهم.. وانصح فيها بدال كلينك ومثل ماقلت بعدها تاخذين الاسفنجة وتطبطبين بس عالخفيييف مووووووو تمسحييين ديري بالج!!
-الفرشة الأفضل على الإطلااق "مااك" مالت الحواجب:
هذي أفضل فرشة بالعاالم.. والله حللتها وذلييييييتها انا واختي، اللي يقولج ان ماك كواليتي مااغلط.. انا صارلي سنين استخدمها لدرجة ان انمسح رقمها هههههههه ياحلووها مالت الحواجب.. تحطين فيها تاتوو بوودر اي شي تضببببببط الحواجب يعني تضبطهم.. انا واختي نستخدمها حق شدو الحواجب مال بدي شوب والكل مو مصدق ان نستخدم الشدو عبالهم نجذذذذذب بس السر في الفررشة.. وهم التاتو مال ماك دمااااار دماااااار البني شحلاااته احلى تاتو في العالم.. الفرشة تستخدم للايلاينر بعد اذا تبين تضبطين الخطة.. وانا احط فيها شدو بني علشان احط اللي تحت العين تضبطه عدل.. ياحلووووها تهبببل على فكرة اهيا اصغر فرشة مايلة عندهم علشان تعرفينها اعتقد رقمها 208 مو متأكدة
فرشة مكياجي المايلة:
ماعندي صورتها بس من ماركة مكياجي تنباع بروحها اعتقد مو مع المجموعة، سعرها ب3 وشي يابلاااش.. نااعمة وتصلح للاي لاينر.. خووووووش فرشة انصح فيها تقدرين تستخدمينها حق اي شي بس انصح فيها للاي لاينر اذا تبينه زقرررتي استخدميها مع الشدو الاسود الكريمي من حنان دشتي بتطلعين ولااا احلى على قولتهم.
فرش elf:
طقم كامل شريته من التاجرة uniqueness حق الشدو والبلشر وكلللله
فرش المنصور:
حق الاضااءاات مخصصتهم وشارية اضاءات اللي تكون بودر منهم وحتى اللون الوردي للبلشر حق المناسبات والعروس بتطلعين تلقين.
والاسفنجات بس تطبطبين فيهم بس!
