العطور والبخور ~

[مزيوونة]

السلام عليكم ورحمة الله وبركاتة

شلووونكم بنات ،، شخباركم

انشالله تمااام

بغيت اسألكم ،، في ناس لها طقووووس خااااصة اذا تعطرت ولا تبخرت ومشالله تلقين عطرها ثااااااااابت مو بسسسرعة يختفي :bbbiu:

وحتى بخورهم تلقونها كل ما تحركت ريحتة فااااحت
يلا بليز كل وحدة تقولنا طريقتهااا اذا تعطرت
واذا تبخرت بعد

 

[لف ليدي]

انا من زمان عن البخور زوجي اسنانه حاسه وابتلشت
بس اذكر ايام شبابي حلوه ايام شبابي
كنت اتعطر بعدين اتبخر بعدين احط العطر وانا اتبخر بعدين اتعطر مره اخيره وكانت الريحه ثابته وتلزق بالمكان اللي اقعد فيه
وبس جني هذره

 

[Tosta]

ودي افيدج

بس والله اخاف احط طريقتي وبعدين البنات يسون نفس طريقتي حق طلعاتهم جدام الريايل وانا الي اؤثم

 

[قاهره عذالي]

لي عوده
اكتب لج طريقه حلوة

 

[AVE.NJ]

انه اتوقع كل وحده حسب جلدها يتقبل هالريحه والا لا
لاني مره حطيت عطر ورفيجتي حطته ولما ردينا البيت اختي تقولها عطرج وايد حلو جان اقولها انه وياها نفس العطر حاطين
جان تقولي انتي مااشم فيج شي

 

[مزيوونة]

رقم المشاركة : [2] لف ليدي
لف ليدي

ميرسي حبوبة ما قصرتي بس اشك ان عطرج يخلص من اول مرة ههههههههههههههههههههه بجرب طريقتج

tosta

اي صح ع العموم مشكوووورة ع المروv

قاهرة عذالي
اووووووكي

ave.nj

ايييييي مرة صارت فيني بعد

 

[أحترت أعبر]

عن نفسي أبخر ملابسي بالكبت ...ووقت اللي عندي مناسبه اطلع الملابس اللي بلبسها واعلقها واحط البخور تحتها يكون ريحته تلزق فيهم وبعدين اعطر الملابس بالعطر اللي بستخدمه والبخور يكون للحين يحترق ...
وبس البس ملابسي وقبل ما ادخل المكان اللي بروحه اتعطر بالسياره قبل لا انزل ...
واذا بالبيت احط بمناطق النبض دهن عود او دهن الرازجي وابخر شعري ...وين ما اتحرك الريحه تهب وراي ...
اهم شي علقي ملابسج وخلي مسافه بينها وبين البخور ....​

 

[ii DareeN ii]

اول شي اذا بتبخرين نفسج حطي المبخر ولبسي ثوب الصلاه عقب بخري هدومج حطي في اماكن النبض دهن عود انا احب مال سيد جنيد وعندج هم امل لكويت حلو او اي نوع

عقبهم ارش بلاك عود من الجزيره

وفي هم العاذرية من الماجد حلو وسفاري من القرشي وعقبهم عطر فرنسي يمشي مع البخور مثل كلوي حلو مع البخور

وايد يسالوني شنو حاطة وريحته تثبت

 

[&موناليزا&]

عزيزتي رفع لعيووووووونج

 

[زوجة عزيز]

up up
up up

up up
up up

 

[كلنا عشاق لكن]

شوفي الله يسلمج ليبغيتي تشترين بخور إخذي الوالد أو واحد من إخوانج يتنقى لج
لأن حاسة الشم عندهم أقوى من المرأة بهالسوالف
ولاحظي دايما لما أهم اللي يشترون البخور يطلع شي عكـ سنا يالبنات :016:
هذا اللي يخليج إتشمينة بوحدة ووحدة لأ نوعة أولا وثانيا وثالثا :rerrerek:
أما الطريقة
خليه آخر شي تسوينة قبل الطلعة بثواني
حطي كذا كسرة وتعطري بنفس الوقت
بعدها بخري المكان على بعد خطوتين ثلاث جدام ومثلها ورى
ونفسة العطر
بهالطريقة إذا مريتي بيشمونة وإذا تركتي المكان بيبقى فيه :rerrerek:
وعموما أحلى طريقة إثبتة ع الملابس لما يفوح من تحت ليييفووووق وينتشر منها :ggdw:
وهذي كانوا يستعملون لها اللي بالصورة
وطريقتها أكيد مارة عليج وإهي
يامحفوظة السلامة إنهم يحطون عليها الملابس وتحتها المبخر
وإتشابة الطريقة اللي قالتها الإخت DareeN
لأن السر إنه ينتشر من الملابس وهذي اللي إثبتة :rerrerek:
وسامحيني لأني من هواة الإسهاب
​

 

[قمر2009]

حبوبه وين القاه

 

[ام ساره 4]

ودي افيدج

بس والله اخاف احط طريقتي وبعدين البنات يسون نفس طريقتي حق طلعاتهم جدام الريايل وانا الي اؤثم

راسليها عالخاص وبس

 

[كلنا عشاق لكن]

حبوبه وين القاه

كأني شفتة عند تاجرة بس وين مومتذكرة والله بس الصورة من منتدى إماراتي

​

 

[مزيوونة]

مشكووووووووووورين بناااات وتسلم ايدينكم

 

[كلنا عشاق لكن]

شفتهم البارحةبإعلان وعنده كذا إرتفاع أكبرهم بــ 4,5
وعندهم توصيل " المشوطي للمباخر "
رقمهم 94040899
-والسموحة منج -
​