العضوات الشحادات!!

[1001]

احنا داشين المنتدى نستانس وناخذ خبرات بعض
وفي عضوات تحسونهم يدخلون القلب وندور ردودهم وسوالفهم الحلوه

بس
في عضوات تخصص شحاده ! يبا ملينا في الفترة الاخيره كله توصلني رسايل خاصه من عضوات يبون فلوس ويبون صدقات :rgewrg: يبا ملينا صج درب الصدقات ندله والجمعيات الخيريه بين بيوتنا بس خلاص اتركو المنتدى ناخذ راحتنا فيه

ادارة المنتدى من فترة راسلتهم باحدى العضوات الشحادات كله تدز رسايل وتطلب فلوس مره تقول ولدي ماعنده فلوس يدرس بجامعه خاصه ومره اختي مريضه و مره جيرانا فقارى والحمدالله وقفو عضويتها

ولحد الان في من هالشاكله

اعتقد لو مو عضوات المنتدى طيبات ويعطونهم الي يبون كان ما استمرو دون خوف ولا مستحى

اخواتي مو كل وحده تدزلكم رساله وتكتب عايله فقيره اكسبي اجر فيهم .او احد صديقاتي مريضه وتطلبكم الاجر ساعدوها . ولا يتيم محد درى عنه اكسبي وراه اجر ... تصدقون


بنات شرايكم بالسالفه و
الي عندها راي غير رايي تسدحه


انا وحده عادي ابي اذكر اسامي لان صج مليت وهم مايستحون على انفسهم
بس راسلت الادارة بنطر اذا ما وقفوهم راح انزل اساميهم


:rerrerek:

 

[1001]

شدعوه 90 مشاهده صامته

 

[Perfume]

الله يهديهم
وما أأيد ذكر الاسامي
الله يستر عليهم

 

[نبض السعاده]

اي كل شوي يدزوون استغفرالله
الله يهديهم بس

 

[همبرغر]

حتى انا لاحظت بالفترة الاخيرة كثروا الشحادات بالرسائل الخاصة



امبيييييييه على بالي بس انا !!! حتى أنتوا بنات توصلكم


بنات انتبهوا أكيد لاقين احد معطيهم وجه والمفروض المنتدى يتصرفون بصراحة اخترب المنتدى مو مثل اول

 

[1001]

ماراح اذكر اسامي اذا كل عضوه قاعده توصلها رسايل فاكيد صارو يعرفونهم
المشكه انهم يحلفون ويتفنون بالحلف
ووحده منهم خلتني اقرا رسالتها فيها قسم شطوله وعرضه عن حياتي واهلي

 

[أنوثهـ حتى الثمالهـ]

الله يعين انا بعد اعاني غير اللي يبون شراكة مشاريع بدول عربيه بس اقرا واسكت شنسوي

 

[شادن33]

الله يستر عليهم مؤ حلوه الشحاته

صادفت بالمنتدى واااايد

وبالحقيقه كنت اصادفهم وما اعرف هل يجذبون ولا صاجين بس المصيبة لما ألاقي اللي جداً مي ريااااال بشبابه وقوته شي مقزز

روح اشتغل اي شغله واحمد ربك ع الصحه والقوه اللي ربنا انعم عليك مؤ تطرررر وتنقص من قدرك !!!!!

اول اعطيهم الحين من اشوفهم بهالشكل قادرين ع الشغل اقولهم الله يرزقكم روحوا الجمعيات الخيريه

 

[1001]

أي والله اخت شادن33
كلامج صحيح

في بجنب جمعيتنا "العارضيه"عند الباب اشوف حريم وافدات حاطين اثواب صلاة "خياط بيت"ويبيعون هذول ماينلامون وياكلون من عرق جبينهم وهذي رزقه
لاكن بالباب الثاني مال الخروج القى شحاده وعمرها بالعشرينات وتطر "يعني شفيها لو اجتهدة وخيطة مثل الثانيين"

الرزقه اذا من عرق الجبين حلوه وفيها بركه
احسن ماتكون عاله على غرها

 

[مسك أبيض]

وانا بعد وصلتني مسجات

 

[dana.o0o]

شوفي اختي انا المشكله على نياتي اصدق بسرعه وبسرعه ينكسر قلبي على انسان يكون محتاج .. بس من استشرت امي جان تقولي وشدراج انها صاجه .. قلت لها حلفتني انها حيل محتاجه .. وقالت يعني حلفت الج خلاص انها صاجه.. شدراج انها مو مسيحيه او يهوديه وعندها الحلفان عادي ؟؟
وبعدين لو صج انها محتاجه جان لجات حق ربنا الرزاق الحي .. بذلت الاسباب استغفرت .. ربنا سبحانه يقول اسعى ياعبدي وانا معاك .. تسوي لها مشروع بسيط في بيتها فطاير على قولتهم مناقيش حلو او اي شي وتبيعه على الناس الي يمها وتستفاد وتعيش اهلها ..مو تقعد تحط ايدينها على خدها وتحلف الناس انهم لازم يدزون لهم فلوس.. ولا وبعد تتتشرط ياريت لو ادزين لي اكثر فلوس..
بس والله محتاره ودي ادز لها وبعد مرات اقول لا في ناس محتاجه اكثر منها قاعدين بالاجار وحالتهم المعيشه حيل صعبه
وماادري والله اعلم

 

[dana.o0o]

شوفي هذا
http://www.q8yat.com/t473665-112.html#post32568597

 

[ms_5ajoola]

كلامج صح حبيبتي كل شوي مأذينا و مطلعين لهم قصص عشان يكسرون خاطرنا

 

[ms_5ajoola]

اب اب اب

 

[تحت ظلك]

الله يهديهم

 

[1001]

أي وحده توصلها رساله من هذول
حطوها بقسم الشكاوى بالمنتدى استجابت القسم هناك بسرعه يعطونهم بلوك

 

[Kocheko]

أنا بعد وصلتني رساله من هالقبيل

 

[جوري الغرام]

وي وأنا حسبالي بس يدزون لي !!!!!!!!!!

طلع الكل ........​

 

[فطمطم]

انا بعد وصلتني كم مره رسايل
الله يساعدهم ماحب اقول شي ثاني