العصبية الزايدة و النفسيه التعبانه .. يا حوامل تعالوا ساعدوني

[عالية الغالية]

السلام عليكم و رحمه الله و بركاته
فديتكم حوامل. فيدوني و تعالوا نتناقش و ندور الحلول
للعصبيه الزايدة في فترة الحمل و طبعا الي أسبابها هرمونية
بس كيف نتجاوزها و نخفف منها لانها مضرة بالجنين و تبعدنا عن الي حوالينا و الزوج مسكين بصبره حدود
أنا هذا ثاني حمال لي بس متعب اكثر من الاول في كل شي و عصبية لأبعد الحدود و كله صياح و إرهاق مع أني في الأسبوع 15
شاركوني بنات و خلونا نوجد حلول .. *

 

[pusy cat]

لا تدشين بنقاشات مالها داعي طنشي لا تدققين على كل شي

انا لو شفت شي مايعجبني اصد عنه ولا اتناقش فيه لان ادري ان خذيت وعطيت بالكلام آخرتها بتنزل دموعي على سبب تافه

والمشكله اللي حوالينج ماراح يقدرون انج حامل وحساسه حيل بهالفتره

فعشان جذي افضل السكوت عشان لا ارفع ضغطي وااذي جنيني

واذا صار شي نرفزج اذا كنتي واقفه اقعدي واذا كنتي قاعده انسدحي

وحاولي اتناقشين بهدوء لا يعلى صوتج حاولي انج ماتصارخين قولي اللي بقلبج بهدوووء عشان لا اتوترين

ودايما اخذي صكري عيونج واخذي نفس عميق واذكري الله وتعوذي من ابليس وتوضي وضوء الصلاة

 

[عالية الغالية]

فديتج اختي مشكورة على النصايح الثمينه
أنا أحاول قد ما اقدر بس احس أني محتاجه نصايح و حد يناقشني و ايطلعني من ها الازمه
طبعا أنا عايشه في بيت اهل الزوج و بنتي عمرها سنتين و متعبه بسم الله عليها حافظها ربي
و ما عندي خدامه كل شي تسويه بروحي و هاوالفترة حتى الطباخ
احس عمري مرهقه و تعبانه و ضايقه

 

[a7la_7b]

انا لما كنت حامل كنت بسرعه اعصب وما اتحمل اي كلمه بس عادي هذا شي طبيعي يصير حق كل الحوامل بفترة الحمل

 

[AVE.NJ]

انه لما حملت ماكنت عصبيه بس كله ابجي بسبب وبدون سبب
مع اني انسانه مؤمنه وكنت وايد فرحانه بحملي لدرجة كنت ابي دكتور نفساني من كثر البجي
سبحان الله الهرمونات تلعب لعب

 

[مريوم الجميله]

حبيبتي لا تتدققين في كل شي وطنشى ريحي عمرج ..انا هذا اول حمال لي اي شي يقوله ريلي او اي احد حتى لوكان غشمره اخذ بخاطري واقعد ابجي .....صايره حسأسه واي شي ينرفزني ..ذكري ربج والزمي الاستغفار وان شاء الله نفسيتج اتحسن ..كلها فتره وتمر

 

[sweeta77]

انا صايره ما اتحمل ولا شي
ولاشي عاجبني
انزعج من ابسط الاشياء
يالله انشالله بعد الولاده نرد لطبيعتنا

 

[auoma]

اي والله صاجه العصبيه موووووصج
ويلي راح ينحاش
والمشكله اليهال الي بتدرسينه والي مريض وااي الله يصبرنا مايصير تصيرين سوبر ماما

 

[زين ودلال]

انا ابجري لي التاسع نفسييييييييييه وعصبييييييييييييييه

 

[عالية الغالية]

تعب و الله لو علينا بنصير و نسكت بس المشكله تأثر على الجنين و العايله الزوج و العيال
حرام بنتي ما اضربها و لا اصرخ فيها و من حملت و أنا مستويه شرسه
يارب

 

[مشتطـه]

انا حساسه صايرة كله ابجي

وايد اتزاعل مع ريلي وكله يبجيني


يمكن من حملت لي اليوم 25 مرة بجيت خخخخخخخخخخخخخ


تعود صار عادي البجي عنده ما قمت أأثر فيه

 

[● عـِـِـِزۈة آخ‘ـَـۈاْنـهـآ «-~]

عبااااالي بس انا جذي ؛(
طلعتو كلكم نفسي
واااي اكره شي يوم اصير حسسسساسه
علا طول دموووعي تنزل كأني جاهل
اسسسستغربت من عمري لان مو جذي طبعي
سبحان الله طلع من الحمل
فديته هالنتفه كل شي مسويه
الله يعيييييين بس

 

[ام الحلوااات]

اللــــــه يــــخــــفــــــف عـــنــــج ويــــســـهــــــل امــــــــورج
ااااااااااا ب​