العربي في اولى ابتدائي

[بسبوسه11]

اول شي السلام عليكم
ومثل مانتو شايفين انا عضوه جديده بس كنت متابعه لكم والشهاده لله استفدت منكم وايد
وجزاها الله خير كل من فادتني بشي

بنات بقيت اسئلكم شلون ادرس ولدي عربي وهو باولى ابتدائي
اليوم مدرسته تقولي هذا منهج الحكومه وهذا منهج احنا عارفين انه ضعيف وغلط بس مابيدنا شي
وانا ودي يتاسس الولد عدل بالعربي فالله يخليكم تكفون قولولي شلون ابد وياه علما انه هو للحين مايعرف الاحرف ويكتب اسمه بس احس انه حافظه يعني جنه قاعد يرسمه
تكفون قولولي تجاربكم
ولكم كل الشكر

 

[غلاي عزوزي]

من تجاربي


دخلته القاعده الحلبيه
اسسته بكتب تعليميه


الي نفع اكثر سبوره واقلام ملونه اكتبله الحرف ويعيده استانس لانه معاها مساحه اكثر من الدفتر والقلم

لوحه عليها الاحرف معلقه يم سريره عشان ينتبه لها


خطتي اليايه بما انه ولدي حركي وعنيد ومايقعد يدرسه ولا يهابني ويعاند


مدرسة تاسيسشنو 5دك مقابل تاسيس صح للولد بخليها كبدايه مره بالاسبوع بس وينهي بدورله ان شاء الله

 

[m'3rOoOra]

حبيبتي ممكن سوال عن القاعده الحلبيه شلون طريقتهم ومتي يروح ولدج

 

[fife4ever]

رد : العربي في اولى ابتدائي

شوفي حبيبتي انا ولدي اولي مثلج
بس القاعدة الحلبية مو كل فرع قوي انا دخلته ما استفاد ابدا

فعلا انا احاتي شلون دراسه

 

[خبيرة اعشاب]

رد : العربي في اولى ابتدائي

شوفي حبيبتي انا شريت منهج سوريا من المحاميد اسست عليه عيالي او ممكن تشترين من القاعدة الحلبية
منهج اولى عندنا فاااشل

المنهج السوري اول شي يعلمون الحروف ب با بو بي

جذي

و ياسس صح

 

[الأميرة جوري]

رد : العربي في اولى ابتدائي

يووووووووه كلتها بنتى الحين بثانيه ماتعرف كوعها من بوعها منهج xxx وبحاول اشتري المنهج السوري ؛؛اختى ام خالد من وين ؟؟

 

[m'3rOoOra]

رد: رد : العربي في اولى ابتدائي

ياغاليه وين اي مكان بالمحاميد والا مكان معين؟؟

شوفي حبيبتي انا شريت منهج سوريا من المحاميد اسست عليه عيالي او ممكن تشترين من القاعدة الحلبية
منهج اولى عندنا فاااشل

المنهج السوري اول شي يعلمون الحروف ب با بو بي

جذي

و ياسس صح

 

[الكتكوته]

صاجه المنهج المفروض يبتدي بالحرووووف مو على طول جمل !

 

[مندوبة ام بندر]

لا وهم شي الاسم واذا اسم ولدج طويل احس غباء شنو هذا خل يعلمونهم الالف مو مثلا عبدالعزيز او عبدالله او عبدالرحمن صج غباء شنو هذا وربي شي يرفع الضغظ

 

[بسبوسه11]

رد : العربي في اولى ابتدائي

مشكورين كل اللي ردوا
بالعون ماقصرتو
بس شلون نجيب منهج سوريا من المحاميد عادي يبيعون كتب؟

 

[خبيرة اعشاب]

رد : العربي في اولى ابتدائي

اختي على ما اعتقد كل المحاميد عندهم قسم مكتبة بس قولي له ابي منهج سوريا العربي يطلعه لج

هو على ما اعتقد مو منهج الحكومي بس انه فيه اساسيات العربي و مكتوب عليه طبع في سوريا



ما حصلته لاني شاريتهم من العام

بس لقيت هذا عندي بعد كتاب حلوو لتعليم الاحرف سعره 900 فلس بالمحاميد و تقدرين اتعلمين ولدج الاحرف

 

[سفرجل]

انا ولدي كنت امدخلته الحضانه من قبل وكانوا يدرسونه والحمدالله الحمدالله واااااايد ساعدني هالشى واول شى علموه اسمه واسمه طويل والحمدالله يعرف يكتب اسمه
فانصيحه والله الي اعيالها للحين مادخلوا الروضه يدخلونهم الحضانه ياسسون الياهل صح بس مو اي حضانه

 

[اطياب طيبه.أم عبدالله]

مشكوره ام خالد حبيبة قلبي
بس اي فرع للمحاميد ؟؟

 

[بسبوسه11]

رد : العربي في اولى ابتدائي

مشكوره يا خبيرة اعشاب
والله يعطيج العافيه
ويوفق عيالج يااارب

 

[الرياش]

حبيبتي دام ولدج مايعرف الأحرف تلاحقي عليه وعلميه ضرورري ضروري لا اتعبين انتي وياه
حسافه جان معلمته من العطله , انا ولدي الحمدالله الي فاده انه كان حضانه وروضه خاصه ما دش أولى ابتدائي الا عارف الأحرف وحركاتها عدل
الله يعينا هالسنه ضمائر واسم وفعل

 

[نـــــور]

بنات من وين اشترى كتاب تعليم الأحرف و شنو الاحسن ادخلها خاص يعلمونها و بعدين اوديها حكومة