العدان وما ادراك ما العدان؟

[ام غازي الصواغ]

قوة بنات انا اليوم رحت للعدان على بنه فيني ولادة والطلوق مشلختني تشلخ الله لا يوريكم
تخيلوا بدال لا يدخلوني ولادة شقالولي؟
شقالوا؟
شقالوا؟
راح تنصدمون
قالولي انتي بالعاشر والمشيمة منفصلة والجنين متوفي:bbbiu:
انا هني مت من الضحك
قلتله بس احس فيه حركته طبيعية
قالي: لا ميت:eh_s(10):
قلت انزين شبتسوي؟
قالي بدخلج بس ما اولدج بحطج تحت لملاحظة ، قلتله شلون الجنين متوفي وتحطني تحت الملاحظة؟قال حاليا ما راح انولدج
وقالي اعطيج سونار مستعجل بعد............
كم؟
كم؟
بعد يومين ؟؟؟؟؟؟؟؟؟؟؟؟؟؟؟؟؟؟؟؟انا هني غسلت ايدي عجل لو مو مستعجل متى بعد سنة؟ قلتله سكنهم مساكنهم العقل زينه
طلعت منهم ورديت البيت حطيت راسي ونمت وشكرا

 

[فديت منورة]

الله يستر عليج ويقومج بالسلامه

 

[عسل فى العسل]

الحمدالله والشكر ما ادري متى يتسنعون ويقولون لنا ليش تروحون خاص

شلي حدنا على المر غير اللي امر منه

عسى الله يهون عليييييج وعلينا يارب

 

[pink Flamingo]

رد : العدان وما ادراك ما العدان؟

شكلهم مالهم خلق يولدونج قالولج هالكلام اسم الله عليج وعلى البيبي
انا اقول حط فلوسك بالشمس و اقعد بالظلال
الله يقومج بالسلامه

 

[سمبتيكة]

الله يقومج بالسلامه ويسهل عليج

 

[Om NoOoRa]

يااااااااااااااااااويييييييييييللللللللللللللللللليييييييييي

زين وهذا الطلق من وين؟!!!!

من بيت جيرانكم؟

ليش مارحتي خاص سويتي سونار؟!!
ماتبين تتطمنين؟


الله يهون عليج​

 

[.،:"$الـعـوبــــة$":،.]

حمدالله والشكر !!
ما أقول إلا الله يخلف علينا ،، ويهون عليك عند ناس أحسن منهم !!
ومعلومة ،، ترى والله العظيم وربي شاهد على كلامي ،،
مرة أخوي كانت رايحتلهم بالتاسع ، والجنين كامل ومتعافي ومقربة ولادتها ومجهزة شغلها كامل ،،
بس الدكتور الغبي حسبي الله عليه دنيا وآخره كان معاه صمونة عفيه كبد ! ولبس تسوس وحط الصمونة في فمه و دخل إيده بكل قوة وفحصها ، خفت نبضات الجنين ، والسستر تقول يادكتور ده بيطلع بالروح !!!!!
وفعلا ، توفى الجاهل !! أختها قالت عطونا ملفها ،، تبي توديه مستشفى ثاني !! بيفهمون شالسالفة !! قالوا الملف ضاع !!​

 

[إحساسي مرهف]

رد : العدان وما ادراك ما العدان؟

عز الله ماتغيرو العدان اذا مافيج شي يقولون بتموتين كل عله فيج
واذا انتي مريضه يقولون مافيج شي
بس انتي شيكي على عمرج بالخاص

 

[*غلاااي*]

غريب هالمستشفى اكرهه والاغرب منه انتي اللي حطيتي راسج ونمتي مارحتي تطمنين على البيبي ؟؟؟؟؟

 

[الا انــــــا]

الله يهون علييييييييييييييك

ومن زمان انا غاسله ايدي من مستشفيات الحكووومه

 

[ام غازي الصواغ]

اي والله ومن اسبوع قالولي الولد راسه فوق بنولدج قيصرية

 

[أغلى حبيبه]

رد : العدان وما ادراك ما العدان؟

انزين وانتي ليش مارحتي الخاص جيكتي على ضناج

 

[فله]

ام غازي شهالبرود الله يصلحج العدان وباللعنه
بس بيبيج روحي بسرعة سوي سونار وطمنينا انا قعدت احاتيج ؟من صجج نمتي؟

 

[ام غازي الصواغ]

سويت قالولي كل شي طبيعي

 

[أغلى حبيبه]

رد : العدان وما ادراك ما العدان؟

الحمدالله كل شي طبيعي

والله يسهل عليج ولادتج ان شاءالله

 

[احب المنتدى]

رد : العدان وما ادراك ما العدان؟

حبيبتي انتي رحتي مستشفى ثاني و جيكتي او لا

اشلون قعدتي و نمتي ماشا ءالله عليج بااااااااااره

الله يسهل عليج ياااااارب و تشوفين ولدج بحظنج و تشبع عينج بشوفته يااااااااااااارب

 

[جـــواهر]

وااااااااااااااااااااااااااااااااااااااااي
ماااااااااااحب الحكوووومه مادري متي يتسنعووون
الله يعز الخااااااص ..
وسلامتج حبيبتي .. جان قلتيله ميت بعينك واللي يتحرك فبطني شنو ؟
امبيه العدان ابدااااااااااااااااااااع

 

[بنت الحرزي]

واااااااااااااااااااي عمرهم مايتسنعون الحمدلله والشكر

 

[كات 511]

خطاج السو
عادي حبيبتي انا في حمالي الثاني كل شوي سونار داخلي وانا باول شهر لمن طاح الجنين
هم وين والطب وين

 

[أوكسجين]

انا مستغربه منج اكثر من مامستغربه منهم
عفيه قلب رديتي وحطيتي وراسج
انزين واللي بطنج والطلق شلون