العائله الكبيره فى التنقل وخبيرات لندن ؟؟

[noor sultan]

السلام عليكم بنسافر لندن باذن الله

واللى احاتيه انا عائله 3 كبار و 5 صغار ( اعمارهم 16 /12/6/4) فشلون اذا نبى نروح مشوار ؟ التاكسى كم يشيل واحد ؟

والباصات والاندر جراوند سهله ولا صعبه؟ ياليت تشرحلولى لو سمحتوا( واحنا طلعتنا وردتنا بتكون مع بعض )

وجزاكم الله خير

 

[ام مهاوش]

انتو ٨اشخاص ماشاءالله الله يخليكم حق بعض التاكسي اكثر شي يركبون ٤اشخاص يعني تقسمون روحكم تكسيين وكل واحد اربع فيه والباصات الاندرقراوند سهلين في وايد خرايط وشرح بالمنتدى ومنتدى العرب المسافرون عن طريقة الباصات والقطاراتوتروحون وتردون بالسلامه

 

[لندنية]

ماشاءالله العايلة كبيرة مثل ماقالت الاخت الي قبلي سيارتين تكسي بيكلفكم وايد
الاندرقراوند سهل ومايبيله شي اول يومين تتعلمون عليه .... او بدل التكسي وتكاليفه تأجرون سياره ٧ سيتر
ياخذكم اي مكان تبونه اقصد سياره خاصه وسايق عربي وطبعا يعتمد جم يوم بتكعدون بلندن والاماكن الي بتروحون لها .

 

[كويتية توتة]

هلا حبيبتي الله يسهل سفرتكم ويتمم ع خير ان شاءالله
احنا قبل كنا ٧ اشخاص وكنا ناخذ تاكسيين نقول للتاكسي المكان الفلاني ونوصل مع بعض
حلوة لندن وناسة الله يونسكم
بس معلومة بسيطة ديروا بالكم من الاكراد .
بس مابي اخرعكم لان صبيان كويتين وقفوهم اكراد واخذوا فلوسهم بس واحنا الحمدلله ماشفنا شي حلوة لندن تونس