الطليقة والبيت

[زوجة حياتي]

السلام عليكم ورحمة الله وبركاته

قوة بنات عندي سؤال وأتمنى تجاوبوني
سؤالي يخص رفيجتي هي كانت متزوجة وريلها قدم طلب الإسكان ولما طلقها شال اسمها وحط اسم زوجته الثانية بدل اسمها ومكتوب بالوثيقة الآتي
اسم الزوج
اسم الزوجة
اسم العيال
وآخر شي اسم رفيجتي مطلقة حاضنة

هي الحين ماتدري شنو تسوي مع العلم هو قرب يطلع له بيت وهي تبي تسكن بالبيت معاه اهي وعيالها
هل اهي تقدر تسكن معاه وتقسم البيت ولا لا لانه هو رافض تماماً تسكن معاه وشنو ممكن تسوي حتى تاخد حقها من البيت او انه مالها حق فيه أبدا وهل صيغة الوثيقة من صالحها او ضدها
منو عندها فكرة او مرت بنفس التجربة تجاوب على الاسئلة جزأها الله خير

 

[أم حسوون]

السلام عليكم ، أخذي إستشارة من محامية أحسن.

 

[شفايف كرزيه]

اهي حاضنه لعياله فقط مالها شي بييته يعني مالها شي بالملكيه البيت يعني بالعربي احتمال تسكن كونها حاضنه لعياله فقط بمعني بس يكبرون العيال يقضيها الباب مالها شي
واذا تعاند وتبي تغث الرجل يقدر يوفر له سكن
بس اذا عندها سكن تغسل ايدها من موضوع البيت وتبعد عن المشاكل احسن لها

 

[شفايف كرزيه]

بعض الحريم فاهمين الحاضنه انها تقدر تسوي كل شي فيها من سكن وراتب الرجل بيدها ترا مجرد العيال يكبرون خلااااااص مالها شي حتي معاش عيالها ماتلمس شي منه
البنت لين تتزوج والصبي لين يصير عمره ٢١ ينقطع معاشه من ابوه وتخلص السالفه

ام سالفه البيت هذي تغسل ايدها منها لان ماله حق كلش ومستحيل الرجل برضي يحط مطلقته عند زوجته وعياله
ولا بعد تبي تقسم البيت بعد والله رفيجتج رااااهيه


سوري اندفعت بالسالفه

 

[زوجة حياتي]

أهي ساكنة عند أهلها وتاخد أجار من طليقها بس الله يهديها تقول مدام اسمها مكتوب بطلب الإسكان تقدر تسوي الي تبيه المهم هو حتى كحاضنة مايبيها تسكن معاه الله يهديها يارب

 

[شفايف كرزيه]

ماشالله الرجل عداه العيب يعطيها ومو مفتك من شرها اسمحيلي اكون جافه بالرد
يعني شتبي توصلهً الرجل مستحيل يخليها تسكن معاه لو شتسوي. واسمها موجود عشان عياله مو عشان سواد عيونها
وكحاضنه الظاهر مو فاهمه هالكلمه عدل اهيا مجرد وقت فتره وبعدها بح مالها شي بس العيال يكبرون ما تقدر تطالب بشي فانصحيها انها تقصر الشر وخل تتاكد من الناحيه القانونيه احسن وافضل لان اهي ع قولج عندها سكن ومتوفره لها هالشي والرجل يعطيها اجار شتبي اكثر والله عرف حالات رياجيل مايصرفون ع عيالهمً كلشً ولا يدرون عنهم

 

[فوفو22]

الزوج ما يشيل

بس ممكن يضيف. غير طليقته

٣ زوجات

فوفو

 

[زوجة حياتي]

مشكووووورة شفايف

 

[العجميه سبشل]

لا ما تقدر تسكن غصبن عنه
يقدر بأجر لها برا البيت

 

[بحر الرمال]

طالما الريال يدفع لها اجره مسكن خلاص مو من حقها تسكن معاه،
بس نصحي رفيجتج خل يصير عندها كرامه شوي مو زين لها الريال طلقها و اهي قاطه عمرها عليه لا تخلي زوجته تتشمت فيها و تصير سالفه بقعدات الحريم ان فلانه طلقها و عافها و هم غصب بتسكن معاه

 

[أغلى حبيبه]

الله يهديها شتبي بالغثا دام طلقها ويدفع لها اجار

ختوخر عن المشاكل

بتقعد وياهم بالبيت وبتشوفهم طالعين وداخلين
وياثث بيته مع مرته اكيد بتغار وبتحاول تخرب بينهم باقل شي

الله يهديها ويهدينا يارب

 

[جوري الصالح]

للـــــــرفع

 

[aroosalshemal]

اشفيكم عليها مسوين هجوم جنكم تعرفونها

من حقها تسكن بالبيت لين يكبرون عيالها هذا بيتها اهي وعيالها مو بس اهو

انا جارتي مطلقه والمحكمه قسمت البيت بالنص وتاخذ معاش راهي وسايق وخدامتين

من حقها حبايبي البيت لانها حاظنه لعياله

 

[هيبة ملك]

راح. تسكن لحد ماييرون العيال. وقتها مالها شيلها حق السكن لكن اتملك

 

[Bio_reem]

سؤال بدافع الفضول لو البيت الحكومي طلع قبل لا يطلقها وبعدين طلقها مايكون نص البيت باسمها؟ والا لأ؟؟
ونفس الشي لو وقت ما قدم الطلب كانت هي اللي على ذمته وقبل زواجه الثاني .. مايكون لها نصيب بالبيت؟

 

[Bio_reem]

اذا سكنت معاهم بالبيت فراح تغث عمرها لكن فيه ميزة العيال مايبعدون عن ابوهم ويلقونه لو طاح احد فيهم مريض لا سمح الله او احتاجوا توصيل للمدارس وهم يروحون ويردون مع اخوانهم ... ماله داعي الجو العدائي بين العيال وابوهم واخوانهم

 

[أبكاني ذنبي]

ريم

سؤالج الاول ماعرف جوابه

بس الثاني انه لو قدم الطلب واهي ع ذمته يطلع اسمها معاه

بس اذا طلقها يوقف طلبه بس لو كان عنده عيال يقدر يحط عياله بالطلب ويمشي

ولو تزوج ثانيه يشيل ولده ويحط زوجته الثانيه لان لو ماسوا هالشي

بكره ولده لاكبر وتزوج ماله بيت لان اسمه مع اسم ابوه بالبيت

هذاالشي عرفته من اخووي

 

[أبكاني ذنبي]

ونصيحتي لرفيجتج انها تبعدعن الشروتغنيله ودام يمشي لها مصروف تحمد ربها

وتخلي الريال برقبته مع مرته

 

[زوجة حياتي]

مشكورين بنات عالردود و. الحمد لله اهي رزقها ربها وتزوجت والحين تحاتي عالحضانة وما تبي أبوهم يدري بزواجها

 

[انصاريه قمره]

في ناس اشتطوااا بالموضوع شسالفه ؟؟
حبيبتي كيفها خل تسكن اهي وعيالها غصبا على خشمه وبعدين من قالكم المره بتسكن حبا فيه يمكن المكان في بيت اهلها ضيج عليها وعلى عيالهااا من حقهم يسكنون ببيتهم ويوسعون على نفسهم ومني لي ما يكبرون اليهال فرج
والاخت شفايف كرز الابو ملزوم بعياله هذيل مو من الشارع هذيل من صلبه من ظهره انشالله يوصل الواحد فيهم 30 سنه يظل ابوه مسؤول عنه الا اذا كان الابو عديم احساس وسكانه مرته وما فيه خير هذا شي ثاني مو معناته انه تزوج وحده ثانيه وياب منها عيال ينسى عيال الاولى