الطلق الصناعي !!!!

[نور-الكويت]

السلام عليكم ورحمة الله وبركاته















بنات منو فيكم جربت الطلق الصناعي واهي الرحم مو فاتح عندها
شكل بطلق صناعي وابي استفيد من تجاربكم
اللي حطولها طلق صناعي ختقولي متى ولدت وشنو صار معاها الله يخليكم ​

 

[oum^zozo]

انا بجر ماجربت الولاده بس حبيت ادش ادعليج الله يسهل عليج يا رب

 

[ام فهد1]

انا والت عيالي بطلق صناعي ,الصراحة يذبح تحسين روحك بتطلع ( الله يعطينا الجنة) صج نتعب في الولادة , كل شئ طبيعي احسن الصناعي الله يفكك منه

 

[Turquoiseya]

انا جربته بس ما نفع معاي اخرتها ولدت بقيصرية

 

[tfa7a_a]

والله انا توني والدة بطلق صناعي وعطوني ابرة ظهر والله اني ماحسيت بعوار كللللللللللللللش انا بجر وكنت خايفة من عوار الطلق بس لما طلع البيبي وانا قاعده اسولف واضحك ولا حاسا بولا شي كللللللللش ولا ح-سيت بعوار الطلق اللي كنت احاتيه


يمكن الصناعي صج يعور بس مع ابرة الظهر عجييييبة انصحج ففيها

 

[(طيبه)]

انا جربت الطلق الصناعي من غير ابره الظهر نصيحة اخذي ابرة الظهر معاه وايد احسن لج والله يهون عليج وتقومين بالسلامة

 

[همسQ8]

شوفي اناجربت طبيعى والطلق الصناعي كلهم نفس الشي كل عوار بعوار والله مافي فرق بجري دخلت المستشفي الساعه 8 الصبح ولدت 4 العصر
والصناعي حطولي التحميلة الساعة 4العصر وبد المفعول الساعة 6 ولدت الساعة وحدة بليل بس كان الرحم مفتوخ2سم

لا تخافين كل على الله سواء طبيعي او صناعي

 

[bronzya_cool]

الله يستر انا قايلتلي الدكتوره احتمال تولدني ويحطولي طلق صناعي

 

[غيد مطير]

انا في ولادتي الاولى والثانية حطولي طلق صناعي >> يذبح ناااااااااااار بالظهر

بس الحمدالله ولدت طبيعي

واللحين احتماااااااااااااال كبييييييير يولدوني بطلق صناعي لانه الرحم صاك والبيبي

كبير ووزني كبير الله يعين ادعولى ..

 

[بطة الزلبطة]

حبيبتي انا بولادتي الثانية حطولي تحاميل الطلق الصناعي بس طبعا ما كنت مفتوحة ولا شي وعقب 3 تحاميل ما انفتحت ولا سم واحد فالدكتور خيرني قالي تبين نجرب بعد يومين مرة ثانية والا تبين عملية وطبعا انا كنت متضايقة وبخلص مالي خلق انطر وولدت بقيصرية

 

[بنت ابووووهـــا]

انا ولدت مرتين بطلق صناعي فالاول جيته من الساعه 8 وماولدت الا 3ونص العصر بس ماحسيت بالالم الا نص ساعه جاني الطلق بسرعه

وكان قووي بس الحمدلله ماطولت

وفالثاني حطولي صناعي بس سبحان الله ماحسيت بالالام بس تعب نفسي لاني ابي اولد بسرعه والولاده كانت بطيئه


والسبب في اني ماحسيت بالالم هي ورد الولاده من بعد الله سبحانه

هونيهاا وتهوون وانا الحين حامل وعلى وشك ولاده والله يهونهاا عليناا يارب

 

[ليمار الكويت]

الله يهون عليج حبيبتي
ترى الطبيعي والصناعي نفس الشي بس الصناعي يساعد لانه مرات البيبي يتعب
وانصحج بأبرة الظهر

 

[نور-الكويت]

جزاكم الله خير
حدي خايفه ان تحطلي تحميله طلق صناعي ومايفتح الرحم وايييييييييي الله يعيني يارب وجميع بنات المسلمين

 

[حبي الاول]

الله يهون عليج وعلينا يارب

 

[ألوي الكويت]

حبيبتي
لا تخافين وتوكلي علي الله السهالات من رب العالمين
وكل وحده غير عن الثانيه

انا ثلاث ولادات طلق صناعي والحمدالله

لا حد تخرعك كل رحم وله استجابه غير عن الثاني

والحين في كمام وابرة ظهر وابره مخده يعني الحمدالله في شي يخفف عليك

ولا تنسين الدعاء اهعم شي

والله يسهل عليك

 

[آهــــات]

أنا داخله اقووووووول الله يهوووون عليج ويسهل عليج


وان شاء الله كل شي يصير معاج طبيعي

 

[ســــوليس]

انا في بنتي طلق صناااعي
تعرفييين الم الدورة الله يكرمج بمااا يصير على ريلج وظهرج نفس الشي كل 5 دقايق يزيد ويروح

بس مو الالم اللي تموووتين لا تقدرين تتحملين وانا نوعي ماااتحمل واايد بس الحمدلله تحملته

والله يقومج بالسلامه

 

[مراسي الحب]

انا حطولي تحميلة الطلق 3 مرات وكان الرحم فاتح 2 سانتي من اول التاسع ... طبعا هلكلام أول العاشر هههههههه ... وعقب التحميلة الثالثة بدى معاي الطلق بس كان محتمل ... عقب ساعتين حطتي الطلق الصناعي في الدرب ... اهتي اشتغل العوار لأنه اييج ورا بعض .... مو مثل اللي قبله ايي نص دقيقة وترتاحين 3 دقايق ... الصناعي اتيي الطلقات ورا بعض بدون راحة ... آخر شي يا محفوظة السلامة ولدت قيصرية لأني طولت وبنتي تعبت ....

بصراحة ... اخذي ابرة الظهر عن الغرابيل .... لأنج ما تدرين اشكثر اتطولين وسبحان الله تحتاجين قيصرية (الله لا يقوله مع انها ما اتخرع) الا ان المخدر راكب وما اتطوفج الولادة ولا تتعبين عقب من البنج العام والدوخة والكحة مالته وانتي بطنج فيه جرح ...

 

[krkosha]

ماعندي فكره ياعمري بجريه ,,, الله يسهل عليج نشالله وتقومين بالسلامه وتشوفين النونو بحضنج ياااااااارب

 

[نور-الكويت]

جزاكم الله خير على هالدعوات الحلوه
ولكم مثله اللهم امين