الطلق الصناعي ... ابي رايكم

[anmah]

السلام عليكم حوامل
الله يعطيكم الصحه والعافيه و يعينكم عالحمل والولادة

بغيت أسألكم منو طلبت يولدونها قبل موعدها بطلق صناعي و ولدت طبيعي الحمدلله.. مو قيصرية

انا ودي أولد قبل موعد بأسبوعين... إذا ولدت قبل موعدي باسبوعين راح يصيرون عيالي مولودين بنفس اليوم

ارجوكم اللي عندها فكره لا تبخل علي :eh_s(7):

 

[أميرة-]

من صجج

انا بعوشر عقب ٣ ايام يعني خلصت التاسع

اخر موعد دكتورتي كانت بتدخلني وتعطيني طلق صناعي بس نحشت ولا مفكره اجيها لما ان شالله اولد طبيعي

خايفه اخاف تعطيني طلق صناعي وماولد الله لا يقول عقب تقولي قصيريه

 

[اهذريبك~]

عشان تاريخ تغامرين بنفسج

اصبري لين تجيج طلوق و تولدين بالسلامة

وسمعت الطلق الصناعي يذبحححح

 

[حكآية قلب]

ماتولدين طبيعي


ديري بالج عشان شي تافهه


انا عطوني بس مافتح الرحم الا 5

و اخرتها عملية بس انا البيبي كان كبير و مشيمتي تعبانه خافو تنفصل


هيئ الرحم للولادة ومتی ما جا وقته تولدين احسن لج

 

[الجناويات]

أب
أب
أب

 

[anmah]

حبيباتي ماقصرتوا عالردود

خرعتوني شكلي بنطر لين اييني الطلق واولد طبيعي

لما قلت حق الدكتوره ماقالت شي كلللللش كأن شي عادي، استغربت صراحه فقلت بسأل قبل لا استعيل.

 

[American.Life]

حبيبتني لاتستعجلين ونطري

 

[miss_q8ya]

انا بناتي الثنتين طلق صناعي وحده اول اسبوع بالتاسع ولدوني علشان الحبل السري لاف عليها والاولي بل اسبوع الثالث علي طلبي لاني تعبت
الطلق الصناعي موووووت بس الحمدالله التساهيل من الله

 

[anmah]

يزاكم الله الف خير

 

[# غنوجة بيبي #]

حرام عليج تضرين نفسج

و التعبث يخايج تستعسرين

 

[حبيبي زوجي W]

انا جربت الطلق الصناعي
لان كان ماي البيبي ناقص
واضطريت اخذه
وربي شفت المووووت
الطلق كان ناااااااار وعواااار بالظهر مو طبيعي
والطلق كان يجي ورا بعض
وماكان يعطيني مجال اتنفس
بس الحمدلله الله سهلها وولدت طبيعي

نصيحه لوجه الله
انطري واصبري ولاتستعجلين
وعسى ربي يسهل عليج

​

 

[@سيدة نفسي@]

انا آخذ طلق صناعي بالدرب لأن ماتجيني طلوق .. أروح مراجعة والدكتورة تقولي انتي مفتوحة

٤ سم وانا مو حاسة بشي الا التعب وهدة الحيل .. والحمدلله ولدت طبيعي والعوار أحسه عادي

محتمل بس انا اللي يخرب علي الخوف خوااافة حزة الولادة بشكل مو طبيعي وماأسترخي عشان

چذي أستعسر شوي بالولادة

 

[@سيدة نفسي@]

نسيت أقول اني آخذ الطلق بالدرب مو تحميلة بعد ماتوسعني الدكتورة لأني والدة بعملية من چم سنة

 

[مملكه الود]

لاتستعجلين ان شاء الله تولدين طبيعي
انطري موعدج

 

[anmah]

الله يعطيكم العافيه عالردود

 

[بنفسجيه_Q8]

الله يسهل عليج ويهون الطلق
وتقومين بالسلامه
لا تستعجلين الصناعي مو هين

 

[New_bride]

انا خذت صناعي على ولادتي
اول شي عطوني تحميله
وبعدها دريب

مانصحج تاخذينه اذا الرحم مو فاتح لان بتتألمين وايد
انا كان رحمي فاتح ١ سم
خذت التحميله وتميت اطلق يوم كامل لين صار ٦ سم وبعدها حطولي فالوريد بس ماخلوه غير ساعه ووقفوه لان الرحم انفتح كامل والطلق وايد اشتد

نصيحتي لاتستعيلين